సత్యాన్వేషణ

క్యూఆర్ కోడ్

2012-01-19T01:38:00.000-08:00

క్యూఆర్ కోడ్ అనేది క్విక్ రెస్పాన్స్ కోడ్ కు సంక్షిప్త రూపం. ఇది ఒక 2-డైమెన్షనల్ మ్యాట్రిక్స్ బార్ కోడ్. మొట్టమొదట ఆటోముబైల్ ఇండస్ట్రీ కోసం కనుగొన్నారు. ఎక్కువ పదాలను ఒక చిన్న బొమ్మ రూపంలో పొందుపరచటం మరియు త్వరిత పఠనీయతవల్ల ఈ టెక్నిక్ బాగా ప్రాచుర్యం పొందింది. తెలుపు బ్యాగ్రౌండ్ లో నలుపు రంగు చతురస్రాలతో ఒక సందేశాన్ని గూఢంగా ఉంచడమే ఈ టెక్నిక్. అంకెలు, అక్షరాలు+అంకెలు, బైట్/బైనరీ మరియు కంజి(జపానీయుల లిపి) -- ఈ నాలుగు రకాల సందేశాలను క్యూఆర్ కోడ్ ద్వారా భద్ర పరచవచ్చు. టొయోటా అనుబంధ సంస్థ అయిన డెన్సో 1994 లో వాహనాల తయారీని అంచనా వేసేందుకు బార్ కోడ్ యొక్క 2 డైమెన్షన్ రూపాన్ని వాడారు. అతి వేగంగా ఎన్కోడ్(గూఢీకరణ) మరియు డీకోడ్(నిగూఢీకరణ) అయ్యే విధంగా ఈ కోడ్ ను రూపొందించారు. అమెరికా, కెనడా మరియు హాంగ్‍కాంగ్ లలో క్యూఆర్ కోడ్ వాడుక అధికంగా ఉంది.

నా పేరు బ్లాగు పేరు, నా ఫోన్ నంబర్, ఈ మెయిల్ ను పొందుపరిచిన క్యూఆర్ కోడ్

పై బొమ్మలో చూపిన విధంగా క్యూఆర్ కోడ్ ఉంటుంది. ఇదివరకే ఈ తరహా కోడ్ ను మీరు పత్రికల్లో, బిజినెస్ కార్డ్లపై ఇంకా మరెన్నో చోట్ల చూసే వుంటారు. ఈ క్యూఆర్ కోడ్ లో ఉన్న సమాచారాన్ని ఫోన్ ద్వారా స్కాన్ చేసి అప్పటికప్పుడే ఏం రాసుందో తెలుసుకోవచ్చు. ఆండ్రాయిడ్ వంటి స్మార్ట్ ఫోన్లలో ఈ కోడ్ ను ఇట్టే చదవవచ్చు.
మీ పేరు లేదా ఏదయినా సమాచారాన్ని ఇప్పుడే క్యూఆర్ కోడ్ గా మార్చండి. http://qrcode.kaywa.com/ కు వెళ్ళి మీ సొంత క్యూఆర్ కోడ్ ను పొందండి.

తెలుగు వికీపీడియా లో జాలాధారిత ఖతులు

2011-12-15T11:34:00.000-08:00

ఇక పై తెలుగు వికీపీడియా లోని వ్యాసాలను లోహిత్ తెలుగు, పోతన, వేమన ఖతులలో చూడవచ్చు.

దీనికి సంబంధించిన అమరిక కుడి వైపు పైన ఉన్నా లంకెలలో మొదటి దాని పై మౌస్ ను నిలిపితే కనిపిస్తుంది.

ఈ హై ముంబయీ నగరియా

2011-11-28T12:32:00.000-08:00

ఈ హై ముంబయీ నగరియా
తూ దేఖ్ బబువా
సోనే చాందీకీ నగరియా హై
దేఖ్ బబువా....

అమితాభ్ బచన్ గారి సినిమాల్లో ఒక సూపర్ హిట్ పాట ఇది. సంవత్సరం క్రితం ఏ నగరమయితే నాకొద్దు అని నిశ్చయించుకుని ఒక ఎమెన్సీ ని కాదని హైదరాబాద్ చేరానో, మరలా అదే నగరానికి వికీ కాన్ఫరెన్స్ వల్ల వెళ్ళాల్సి వచ్చింది.
క్రితం సారి ముంబయ్ వచ్చినప్పుడు పూణే నుండి రైలు ప్రయాణంలో రాత్రి వచ్చాను. పైగా ఉన్నది టెక్ మహీంద్ర వారికి సంబంధించిన ఒక ఉద్యోగి వద్ద -- చాందివలి లో. అక్కడి వాతావరణం-సీనియర్ ఉద్యోగుల ప్రవర్తన-మరో మూడేళ్ళ వరకూ గ్రోత్ లేని ప్రాజెక్ట్-ఇంటి వద్ద వచ్చెయ్యమని ఆదేశం వెరసి, ముంబయ్ చూడకుండానే, ముంబయ్ సబర్బ్స్ నుండే హైదరాబాద్ కు తిరిగి వచ్చెయ్యటం జరిగింది.

కానీ ఇప్పుడు ముంబయ్ కి వెళ్ళిన స్థాయి వేరు. నిజంగా ఒక వేళ ఈ నగరం హావభావాలను ఆనాడే చూసుంటే ఈ పాటికి అదే కంపెనీలో అదే ఉద్యోగం చేస్తూ ఉండిపోయేవాడినేమో!

మొదటి రోజు ముంబయ్ సీఎస్టీ లో దిగి హోటల్ కు చేరుకుని, భోజనాలు ముగించేసి సాయంత్రానికల్లా నేను స్నేహితులని కలిసేందుకు పోవాయ్ వెళ్ళాను. వారిని కలిసి సంవత్సరాల్లో జరిగిన విషయాలన్ని తడిమి మరలా కలుసుకుందామని వీడుకోళ్ళు చెప్పేసుకున్నాం. ఆ రోజు ఆ పై హాజీ అలీ దర్గా మరియు మహాలక్ష్మీ ఆలయం చూసాను.

ఆ రాత్రికి మరలా మరీన్ డ్రైవ్ లో నా కాళ్ళకి అలసట వచ్చే వరకూ, నా బుద్ధికి విసుగొచ్చే వరకూ ఎంతో ఆహ్లాద పరిచే మెరీన్ డ్రైవ్ వద్ద నడుద్దామనుకున్నా, కానీ ఎంత సేపయినా పైన రెండూ జరగలేదు. ఇక లాభంలేదని నేనే నా లాల్సను విరమించుకున్నాను.
ఆ మెరీన్ డ్రైవ్ ఎలా ఉంటుందో ..

కాన్ఫరెన్స్ ఉదయం నుండీ సాయంత్రం ఏడు వరకూ సాగేది. సో ఉన్న మూడు రోజుల్లో ఆ సాయంత్రాలే ముంబయ్ వీక్షణానికి ఉన్నా సమయం. సో మరుసటి రోజు ఏవండీ డూపునేనే గారితో ఎలాగైనా ముఖాముఖీ పెటుకోవాలని నిర్ణయించుకున్నాను. పాపం ఆండీ ఆ రోజు ఇస్కాన్ ఆలయంలో ఏదో పూజ కోసం ఎన్నో రోజులుగా వేచి ఉన్నాడు. నా కోసం అది కాన్సెల్ చేస్కున్నాడు. మేమిద్దరం కాసేపు చౌపాటీ వద్ద మాట్లాడుకుని, మరలా రాత్రి భోజనం ముగించుకుని ఇస్కాన్ ఆలయాన్ని ఒకసారి చూసి, మెరీన్ డ్రైవ్ వైపు వచ్చాం. అలా మాట్లాడుకుంటూ చాలా సమయం అయిపోయింది. అక్కడితో ఆండీ వద్ద శలవు తీస్కున్నాను.

మరుసటి రోజు చాలా గమ్మత్తు జరిగింది. నేను మొదటి సారి జీవితంలో ఒక మదిరాలయానికి వెళ్ళాను. ఔను ఆ రోజు రాత్రికి స్పాన్సర్లు ఒక పబ్ బుక్ చేసారు. అక్కడితో చూడాలి నా పరిస్థితి, ఆఖరికి అక్కడ మంచి నీళ్ళు తాగాలన్నా ఓ పది సార్లు క్షుణ్ణంగా పరిశీలించి ఖచ్చితంగా మంచినీళ్ళే అని నిర్ధారించుకుని మరీ తాగాను. ఆ రోజు రాత్రంతా మిగతా స్నేహితులతో డిస్కోలో నృత్యాలతో సాగిపోయింది.

ఇక ఆఖరి రోజు తిరుగు ప్రయాణం రాత్రి అనగా సాయంత్రం హెరిటేజ్ బస్ డ్రైవ్ ముగిసాక ముంబయ్ లో పరిచయమయిన అక్షయ్ అనే స్నేహితుని ఇంటికి(ప్రభాదేవి) నేను, సీబీ రావు గారు వెళ్ళాం, అక్కడి నుండి సిద్ధి వినాయకుని ఆలయం చూసి ఆ తర్వాత ఫీనిక్స్ మాల్(పరేల్) కి వెళ్ళాం.
కాళ్ళరిగేదాకా ఫీనిక్స్ మాల్ తిరిగి హోటల్ చేరుకుని సామాను సర్దుకుని హైదరాబాద్ కి తిరుగు ప్రయాణం సాగించాం.

ఉన్న మూడు రోజులు చాలా బాగా సమయం సాగిపోయింది.
ఆంచీ ముంబయ్ అని జనాలు ఎందుకనుకుంటారో ఇప్పుడర్ధమయింది.

వికీ కాన్ఫరెన్స్ ఇండియా ముంబయ్ 2011

2011-11-28T12:01:00.000-08:00

వికీపీడియా గురించి తెలియని వారుండరు. వికీపీడియా మరియు సోదర ప్రకరణాలయిన విక్షనరీ, వికీసోర్స్, వికీకోట్, మొదలయిన వాటిని నడుపుతోన్న సంస్థ వికీమీడియా వారు, వికీపీడియాను వివిధ భాషల్లో మరియు దేశాల్లో అభివృద్ధి పరిచేందుకు ఆయా దేశాల్లో ప్రతినిధులను ఏర్పాటు చేసారు. ఆ విధంగా భారతదేశంలో వికీమీడియా ఫౌండేషన్ వారి కార్యాలయం ఏర్పడింది. ఫౌండేషన్ కి అనుబంధంగా వికీపీడియాకు తోడ్పడే ఔత్సాహికులతో కూడుకున్న చాప్టర్ ఒకటి రూపొందింది కూడా. ఇవన్నీ దాదాపు ఒక సంవత్సరం క్రితం చోటు చేస్కున్నా పరిణామాలు. అప్పటి నుండి వికీపీడియా గురించిన అవగాహన మరింత పెంపొందించటానికి మరియు భవిష్యత్తులో చేపట్టాల్సిన కార్యక్రమాలను చర్చించటానికి దేశంలో ఉన్న వికీపీడియా తోడ్పాటూదారులు ఔత్సాహికులందరినీ ఒక చోట చేర్చేందుకు ఒక కార్యక్రమాన్ని చెయ్యలని అనుకున్నారు. దాని ఫలితమే వికీ కాన్ఫరెన్స్.
ఇది నవంబర్ 18 నుండి 20 వరకు మూడు రోజుల పాటు ముంబయ్ నగరంలోని ముంబయ్ విశ్వవిద్యాలయం ఫోర్ట్ క్యాంపస్ ప్రాంగణంలో జరిగింది.

దాదాపు ఒక సంవత్సరం పైబడి సన్నాహాలు జరుగుతున్న ఈ కార్యక్రమ తొలి సభకు అనుకున్న దానికన్నా ఎక్కువ మంది హాజరయ్యారు. జిమ్మీ వేల్స్ గారి ఉపన్యాసంతో ఈ సభ మొదలయింది.

జిమ్మీ వేల్స్ గారి ప్రసంగం లో చెప్పుకోదగ్గా విష్యమేమిటంటే. వికీపీడియా ఆంగ్లంలో ఆక్టివ్ ఎడిటర్స్ తగ్గుముఖం పట్టారు. దాని అర్ధం ఆ వికీపీడియా మరుగున పడిందని కాదు. దాని అసలు అర్ధం, ఆ వికీపీడియా లోని చాలా వరకూ వ్యాసాలు పరిపూర్ణమయినవి. ఇది విడమరిచి చెప్పేందుకు జిమ్మీ వేల్స్ విలియం షేక్స్పియర్ వ్యాసాన్ని ఉదహరించారు.

కానీ మన భారతీయ భాషలు ముఖ్యంగా తెలుగులో వికీపీడియా పరిస్థితి ఆంగ్లం తో పోల్చుకుంటే చాలా వెనుకబడి ఉంది.

మన వద్ద ప్రపంచానికి చాటి చెప్పేందుకు చాలా సమాచారం ఉంది, కానీ అది మనం మనతోనే దాచిపెట్టి మనతోనే అంతం చేసేంత స్వార్ధపరులం మరి!

కాగా జిమ్మీ వేల్స్ రాబోయే రోజుల్లో భారతీయ భాషలకు మరింత సహాయం అందిస్తామని. సాంకేతిక పరంగా భాష కు కావలసిన ఉపకరణాలను అందిస్తామని తెలిపారు. అలానే అత్యంత చేతనంగా ఉన్న వికీపీడియన్లకు ప్రోత్సాహకాలను అందిస్తామని తెలిపారు. రాబోయే రోజుల్లో ఏ భారతీయ భాష వికీపీడియా అత్యంత అభివృద్ధి చెందుతుందా అని ప్రశ్నించి ప్రసంగాన్ని ముగించారు.

ప్రధాన ప్రసంగం తరువాత మూడు ధారల్లో మూడు వేరు వేరు ప్రాంగణాల్లో సదస్సులు జరిగాయి. ప్రధాన ప్రాంగణమయిన కాన్వకేషన్ హాల్ లో టెక్నికల్(సాంకేతిక) ధార, మిగతా రెండు ధారలు సెమినార్ హాళ్ళలో జరిగాయి.

ఒకే సారి మూడు వేరు వేరు సదస్సులు జరగటం కారణంగా నేను ఏదో ఒకదానికే హాజరయ్యాను.

మొదటి సదస్సు అంధులకు వికీపీడియా పై జరిగింది. సాంకేతికంగా అంధులకు వికీపీడియా ఏ విధంగా సహాయం చేస్తోంది, ఏ విధంగా ఆధునిక ఉపకరణాలను వాడి మరింత మెరుగయిన పద్ధతుల్లో జ్ఞానార్జన చేసుకోవచ్చు అన్న విషయమై మళయాళం వికీపీడియా నుండి వచ్చిన వక్త తెలిపారు. espeak అనే స్పీచ్ సింథసైజర్ తనకు ఏ విధంగా ఉపయోగపడిందో, గటెంబర్గ్ వంటి ప్రకరణాల వల్ల తనకు కలిగిన లాభాలు, పదో ఏటనే కనులు కోల్పోయినా ఏ విధంగా ప్రొఫెసర్ కాగలిగాడో వివరించారు.

అయితే ఈ espeak అనేది దాదాపు అన్ని ఇతర భారతీయ భాషల్లో లభ్యమవుతున్నా తెలుగు భాషకు మాత్రం అందుబాటులో లేదు! :(

ఈ సదస్సు అయ్యాక లంచ్, ఆ తరువాత సదస్సు నాదే! త్వరగా భోజనం ముగించుకుని నా సదస్సు జరిగే సెమినార్ హాల్ 1 కి చేరుకున్నాను. గంట వ్యవధిలో ఇద్దరు మరాఠీ వికీపీడియన్లు మారాఠీ వికీపీడియా పై మరియు నేను తెలుగు వికీపీడియా మరియు ఒకలైను వ్యాసాల యాంత్రిక కూర్పు వల్ల జరిగే లాభ నష్టాల పై చర్చించాల్సి ఉంది. ముంబయ్ కావటం వల్ల చాలా మంది మారాఠీ వారు వచ్చారు, మరాఠీ వికీపీడియన్ల సదస్సు అయిపోయాక నా ప్రదర్శన ను నేను ప్రదర్శించాను. ఆ పై తెలుగు వికీపీడియా అభివృద్ధి జరగటానికి ఒక చిన్న కార్యాచరణ సూచించాను. నా ప్రదర్శన ముగిసే సరికి చాలా మంది తెలుగు వారిని పరిచయం చేస్కున్నాను.

అల్పాహారం తరువాత ఒక్కో భాష వికీపీడియా లో జరుగుతున్న అభివృద్ధి గురించి ఆయా భాషల ప్రతినిధులు మాట్లాడారు. మన తెలుగు భాష గురించి సీ.బీ.రావు గారు ప్రసంగించారు. అన్నింటికన్నా చెప్పుకోదగ్గా అభివృద్ధి చెందిన వ్యాసాలు సంస్కృతంలో మరియు ఒడియా లో ఉన్నాయని తెలుసుకోగలిగాను.

రెండవ రోజు ఆంగ్ల ప్రదర్శనలు కొన్ని దర్శించాను. వికీపీడియా ని మామూలు ఫోన్లలో జావా ఉపకరణం ద్వారా ఎలా చదువవచ్చో, డీవీడీ ప్లేయర్ లో వికీ వ్యాసాలు(ఆంగ్లం మాత్రమే) ఎలా చదవవచ్చో మైక్రోసాఫ్ట్ వారు అందుకు రూపొందించబోయే ఉపక్రణాల తీరుతెన్నుల గురించి జరిగిన ప్రదర్శన చెప్పుకోదగింది. తరువాత భారతీయ భాషల్లో వికీపీడియా అభివృద్ధి లో భాగంగా బాంగ్లా మరియు గుజరాతి వికీల అభివృద్ధి పై చర్చలో పాల్గొన్నాను. ఆ రోజుకి ఆఖరుగా విషయవస్తువులకు సంబంధించిన లైసెన్స్, కాపీరైట్లు, వంటి సమాజాన్ని ప్రభావ పరిచే సాంకేతికేతర విషయాలపై జరిగిన పానెల్ డిస్కషన్ లో జరిగిన చర్చ లో పాల్గొన్నాను. రాబోయే రోజుల్లో న్యాస్థాన పరంగా ఈ రంగంలో రాబోయే మార్పులపై చర్చ ఆసక్తి కరంగా జరిగింది.

తరువాత క్విజ్ లో పాల్గొన్నాను.

ఇక మూడో రోజు ముగింపు సభలు, వీడ్కోళ్ళు, కాన్ఫరెన్స్ ముగింపు తో సరిపోయింది. భోజనానంతరం కాన్ఫరెన్స్ వారి బస్సులో ముంబయ్ లోని ప్రధాన ప్రదేశాలను ఓపెన్ టాప్ బస్సు ద్వారా చూసి.

అది ముగించుకుని హైదరాబాద్ కి తిరుగు ప్రయాణం అయ్యాను.

ఆ బస్సు యాత్రలో కొన్ని చిత్రాలు :

"కార్తీక" వేడుక

2011-11-28T10:31:00.000-08:00

కార్తీక మాసం, నలు వైపుల శివ కేశవ నామాలు దద్దరిల్లిపోతుండగా, సడెన్ గా హైదరాబాద్ లో రెండు క్షణాల పాటూ భూమి కంపించింది.
ఏమయింది అనుకుంటున్నారా? ఏదో అయిందిలే.

కట్ చేస్తే...
కొండాపురంలో సుజాత గారిల్లు. లివింగ్ రూంలో నామునా గారు ఇంకా సేమ్యాంటీ కూర్చుని మాట్లాడుకుంటున్నారు. అప్పటికే అర్ధమ్యిపోయింది. నేను ఆలస్యం చేసానని, బులుసు గారిని కలిసే సదవకాశాన్ని ఆ రోజుకి కోల్పోయానని. వారూ వారూ ఒక జిల్లా ఏదేదో మాట్లాడేసుకుంటున్నారు. నాకు విసుగొచ్చి సుజాత గారితో మాట కలిపాను అంతే అగ్రెసివ్ ఆంటీ ఒక్కసారిగా నాపై ఒక ఝుళుపు.

కట్ చేస్తే...
ఎంఎంటీఎస్ రైలు బాగా రద్దీగా ఉంది. లగేజీ కూడా ఎక్కువే ఉంది. అంత రద్దీలో కూడా ఒక సీట్ వెతకబెట్టి అందించాం. ప్రత్యుత్తరంగా కనీసం ఒక స్మైలయినా వస్తుందా అంటే అదీ లేదు. సర్లే అని ఊరుకున్నాం, ఇంకేం చేయగలం???

కట్ చేస్తే...
కాచిగూడా రైల్వే స్టేషన్. నేను హిమాలయాలకి వెళిపోతాను, నా కమండలం ఎక్కడ, నా కాశీ వస్త్రాలెక్కడ అని బజ్జిన ఒక బజ్జరు(వయసు ఓ నలభై-అరవై ఉంటాయని అంచనా వేస్కున్నాలేండి) ని ప్రత్యక్షంగా చూడటం అదే మొదటి సారి. అసలు ఆమె రాసేవాటికి, ఆమె ఆకారానికి ఏ మాత్రం పొంతన కుదరలేదు.

మొత్తానికి పెళ్ళివారమండీ అంటూ హైదరాబాదు నుండి అయిదుగురం(నేను, సౌమ్యాంటీ, బంతి, అప్పు, అప్పు వారి భర్త) కలిసి బయలుదేరాం. ప్రయాణమంతా మాటలతో అలా సాగిపోయింది. అందరం బాగానే పడుకున్నా, మా అందరి శ్రేయోభిలాషి ఒకరు మాత్రం రాత్రంతా జాగరణ చేసి వచ్చి పోయే ప్రతి స్టేషన్ ని గమనిస్తూ గమ్యం ఎప్పుడొస్తుందా అని ఎదురుచూడటంలో గడిపేసారు.

మొత్తానికి తెల్లవారుఝామున అనంతపురం చేరుకున్నాం. అక్కడి నుండి బయలుదేరి జీవని ప్రసాద్ గారింటికి చేరాం. అప్పటికే రాజన్న, నార్జునా4E వచ్చేసారు. వెళ్ళంగానే వారిని ల్పేసి మాట కచేరీ పెట్తుకున్నాం. ఇంతలో ఒంగోలు నుండి వికటకవి గారు కూడా దిగారు. ఇక అక్కడితో మాటలకి అడ్డూ అదుపూ లేదు. నవ్వులే నవ్వులు. ఇంతలోనే ప్రసాద్ గారు ప్రత్యేకమయిన రాయలసీమ వంటకాలతో మాకు టిఫినీ చేయించారు. వొగ్గాని-బజ్జీ, ఇడ్డెనలు, అందులోకి పలు రకాల పొడులు, పచ్చళ్ళు -- రెండు రోజులకి నాకు అన్నం అక్కర్లేదు అని కిరణ్ ఫీలయ్యేలా తయారు చేయించారు ప్రసాద్ గారు. అన్నట్టూ మేము అల్పాహారం తీస్కునేప్పుడే కిరణ్ అన్నయ్య వచ్చింది. అందరం మాట్లాడుతూ నవ్వుతూ తింటూ ఉన్నాం, కానీ కిరణ్ అన్నయ్య ఎందుకో ఏదో చెయ్యకూడని పని చేస్తున్నట్టు, రాకూడని ప్రదేశానికి వచ్చినట్టు ప్రవర్తిస్తుంది. బ్రష్ చెయ్యలేదేమో, మొహమాటానికి టిఫిన్ పెట్టించేశుకుని ఇప్పుడు ఫీలవుతుందేమో అని అనుకున్నా, తరువాత తర్వాత అసలు సంగతి అర్ధమయింది.
టిఫిన్ అనబడే భారీ భోజనాలు ముగిసాక జీవని సంస్థ వారి భవనం నిర్మించబోయే స్థలానికి వెళ్ళాం, ఒక బ్యాచీ ఎసారయిటీ కళాశాలకు వెళ్ళి అక్కడ నానా రభస చేసింది. అది వేరే విషయం. మేము మాత్రం కొందరు ఇన్ఫ్లుయెన్షియల్ పీపుల్ ని కలిసాం.
ఆ తరువాత మరలా ప్రసాద్ గారింటికి రాంగానే సందడే సందడి. జీవని విద్యార్థులంతా వచ్చారు. వారి కోసం తెచ్చిన బహుమతులను వారికిచ్చి, మధ్యాహ్నానికి మరో భారీ మెనూతో కూడుకున్న భోజనం కానిచ్చి, మరలా పిల్లలతో ఆడుకొని, ఫుటోలు దిగేసాం. పిల్లలు తిరిగి వారి హాస్టల్లకు వెళిపోతుంటే ఏదో తెలియని లోటు.
ఆ తరువాత ఒక సీమ సుమోలో పులివెందులకి ప్రయాణం. రాత్రికి పులివెందుల చేరాం.
అక్కడ కార్తీక వేడుకలు మొదలయ్యాయి.
కార్తీక్ గారిని అప్పుడే పెళ్ళికొడుకు చేసారు. రాత్రికి ఎదుర్కోలు చాలా అట్టహాసంగా జరిగింది.అక్కడ మొదలు సేమ్యాంటీ తినే విధానం చూసి ఆశ్చర్యపోవటం నా వంతయింది.
మరుసటి రోజు ఉదయం పెళ్ళి చాలా భవ్యంగా జరిగింది. లీలామోహనం విజయమోహన్ గారిని కలిసే అవకాశం వచ్చింది. అలానే పెళ్ళికి శంకర్ గారూ, ఇంకా నాగానంద సాములోరు కూడా వచ్చారు.
పెళ్ళి అయ్యాక భోజనాలు ముగించుకుని విడిది గదులకు వచ్చి. అక్కడ మొదలెట్టాం -- ఆ మాటలు, ఆ నవ్వులు. మరలా కలుసుకునే వరకూ అన్నట్టుగా వికటకవి గారూ, రాజన్న, సేమ్యాంటీ ఒకరిని మించి ఒకరు తమ తమ అన్న్యాభిమానాన్ని చూపించారు.
మొత్తానికి రాత్రికి తిరుగుప్రయాణం లో ఆ రెండు రోజులు జరిగిన నవ్వుకున్న సందర్భాలను నెమరు వేసుకుంటూ అభాగ్యనగరాన్ని చేరడం జరిగింది.

మధుశాల - హరివంశ్ రాయ్ బచ్చన్

2011-10-21T06:30:00.000-07:00

స్కూల్ రోజులు జ్ఞాపకం వచ్చాయి
కవితల పఠన పోటీల్లో మొదటి బహుమతి తెచ్చిపెట్టిన కవిత ఇది
ఈ కవితను స్వరపరచటానికి పట్టిన సమయం నెల రోజులు.
హరివంశ్ రాయ్ బచ్చన్ గారి మధుశాల కవిత...

భావుక్తా అంగూర్ లతా సే ఖీంచ్ కల్పనా కీ హాలా
కవి బన్ కర్ హై సాకీ ఆయా భర్ కర్ కవితా కా ప్యాలా
కభీ న కణ్ భర్ ఖాలీ హోగా లాఖ్ పియే దో లాఖ్ పియే
పాఠక్ గణ్ హై పీనే వాలే పుస్తక్ మేరీ మధుశాలా....

భావుకత అనే ద్రాక్షాల నుండీ కల్పన అనబడే రసాన్ని తీసి
మద్యం అమ్మే వాడిగా కవిత అనే సారాయి భాండంతో వచ్చాడూ కవి
లక్షల మంది తాగినా తరగని మద్యమది.
పాఠకులు మద్యసేవకులైన వేళ నా పుస్తకం ఒక మధుశాల(మద్యం అంగడి)

ముసల్మాన్ ఔర్ హిందూ హై దో ఏక్ మగర్ ఉన్కా ప్యాలా
ఏక్ మగర్ ఉన్కా మదిరాలయ్ ఏక్ మగర్ ఉన్కీ హాలా
దోనో రెహ్తే ఏక్ న జబ్ తక్ మందిర్ మస్జిద్ మే జాతే హై
లడ్వాతే హై మందిర్ మస్జిద్, మేల్ కరాతీ మధుశాలా....

మొహమ్మదీయులు-హిందువులు ఇద్దరూ వేరు వేరు, కానీ వారి మద్యం సీసా ఒకటే
వారు వెళ్ళే మద్యం అంగడి ఒక్కటే, వారు తాగే మద్యం ఒకటే
వారిరువురు వారి వారి ధర్మ స్థలాలకు వెళ్ళే వరకే ఒకటి, అక్కడకు వెళ్ళాక ఇద్దరు పరస్పర విరోధులు
మతం మనిషిని గొడవల్లోకి లాగితే మధుశాల మనుషుల్ని కలుపుతుంది.

காக்கைச் சிறகினிலே நந்தலாலா

2011-09-29T22:37:00.000-07:00

సుబ్రహ్మణ్య భారతి - భారతియార్ రాసిన కవితలెన్నో, వాటిలో నేను నేర్చుకున్న ఒక చిరు కవిత.
నాకెంతో ఇష్టమయినది.
అన్నట్టు ఇది ఆనంద్ తమిళ రిమేక్, నినైతలే లో కూడా ఉంది, ఆ ఆడియో మీ కోసం

காக்கைச் சிறகினிலே நந்தலாலா - நின்றன்
கரியநிறம் தோன்றுதையே நந்தலாலா

பார்க்கும் மரங்களெல்லாம் நந்தலாலா - நின்றன்
பச்சை நிறம் தோன்றுதையே நந்தலாலா

கேட்கும் ஒலியிலெல்லாம் நந்தலாலா - நின்றன்
கீதம் இசைக்குதடா நந்தலாலா

தீக்குள் விரலை வைத்தால் நந்தலாலா - நின்னைத்
தீண்டும் இன்பம் தோன்றுதடா நந்தலாலா

Get this widget

Track details

eSnips Social DNA

ఈ పాటకి భావం సౌమ్య గారు బజ్ లో ఇచ్చారు (https://plus.google.com/111060331959395474623/posts/j766Z6R1iqy)

sowmya alamuru - ఇది కృష్ణుడి గురించి పాడుతున్న పాట:

ఓ నందలాల

కాకిరెక్కల్లోని నలుపుని చూసినప్పుడల్లా
నీ శరీరపు నీలవర్ణమే గుర్తొస్తుంది

పూదోటల్లోని పచ్చదనం చూసినప్పుడల్లా
నీ పచ్చని ఛాయ గుర్తొస్తుంది

ఏ మధుర గేయాన్నీ విన్నా
నీ అమృత గానామే గుర్తొస్తుంది

అగ్నిలో వేలు చురుక్కుమన్నప్పుడు
అతీతశక్తిగల నిన్ను తాకిన భావం కలుగుతుంది.

నా ఆలంపూర్ యాత్ర

2011-09-19T06:57:00.000-07:00

ఈ ఆదివారం జీవని విద్యార్థులను, మన బ్లాగ్మితృలను కలవటానికి అనంతపురం వెళ్ళాలి కాబట్టీ శనివారం వేరే ఏ పనీ లేదు కాబట్టీ, అలానే తుంగభద్రలో నీరు చేరాయి కాబట్టీ, ఆలంపూర్ దారిలోనే ఉంది కాబట్టీ. అమ్మో ఇన్ని కాబట్టీ లు కాబట్టీ నేను మొన్న శనివారం ఆలంపూర్ వెళ్ళాను.
ఉదయాన్నే సికంద్రాబాద్-కర్నూల్ టౌన్ తుంగభద్రా ఎక్స్ప్రెస్ లో ప్రయాణం. రైలు బండి ఉదయం 7:30 కు సికంద్రాబాద్ లో బయల్దేరి 8 కల్లా ఫలక్నుమా కు చేరుకుంది. అక్కడి నుండీ రైలు లో దాదాపు అయిదేళ్ళనుండి సుపరిచితమయిన రూటే కాబట్టీ అలా చూస్తూ కాలేజీ రోజుల్ని గుర్తు చేసుకుంటూ ఉన్నాను.

సరిగ్గా మధ్యాహ్నం పన్నెండు గంటలకు రైలు శ్రీ బాలబ్రహ్మేశ్వర జోగుళాంబా హాల్ట్ స్టేషన్ కు చేరింది. ఇక్కడ నుండి ఆలంపూరు ఒక 15 కి.మీ. లు ఉంటుంది. రైల్వే స్టేషన్ నిర్మాణం ఇంకా జరుగలేదు, ప్లాట్ఫాం కూడా లేదీ స్టేషనుకి. కానీ దగ్గర్లో ఉండే దాదాపు ౨౦ గ్రామాలకు ఇదే రైల్వే స్టేషన్ లేదా మరో పదిహేను కిలోమీటర్లు ప్రయాణించి కర్నూల్ వెళ్ళి రైలు ఎక్కాలి. తుంగభద్రా పుష్కరాల సమయం నుండి, ఇక్కడ పలు రైళ్ళను ఆపుతున్నారట. రైలు ఒక రెండు నిమిషాలు స్టేషన్లో ఆపారు. అక్కడక్కడ కూర్చోడానికి ఇనప కుర్చీలు, ఒక కంట్రోల్ రూం మినహా ఇంకేమీ లేవిక్కడ. కర్నూల్ వైపుకు స్టేషన్ ను ఆనుకొని ఆలంపూర్-కర్నూల్ రహదారి కలదు, ఇది ముందుకు వెళ్ళి ఎన్.హెచ్-౭ లో కలుస్తుంది.

రోడ్-రైలు లైనులు కలుస్తాయి కాబట్టి, ఇక్కడ ఒక రైల్వే గేట్ ఒకటి ఉంది. ఈ గేటు వద్దే ఆలంపూర్ కు వెళ్ళేందుకు షేర్ ఆటోలు, ప్రైవేటు ట్యాక్సీలు, వ్యానులు ఇంకా ఆర్టీసీ బస్సులు కలవు. నేను దిగిన సమయం మధ్యాహ్న విరామ సమయం కాబోలు గంట వరకూ ఒక్క బస్సు కూడా రాలేదు.
ఇంకా కాసేపు ఆగి ఉంటే ఆకలికి నా పని అయిపోయేది, అందుకని బలవంతంగా ఒక షేర్ ఆటోలో ఆలంపూర్ చేరాను. చేరాక తెలిసింది, ఇక్కడ వసతికి కాదు కదా తినడానికి కూడా మంచి హోటెల్స్ ఏమీ లేవట. ఒకటి రెండు చిన్నపాటి భోజన హోటల్స్ ఉన్నాయి. అందులో ఒకటి మొహమ్మదీయులది బస్శ్టాండ్ నుండి అమ్మవారి గుడి వైపు వెళుతుండగా మొదట వచ్చే గాంఢీ బొమ్మ సర్కిల్ వద్ద ఉంది. అక్కడ నుండి కొంచెం ముందుకు వెళ్ళాక కుడి వైపుగా వెళితే మరలా ఎడమ మలుపు, అక్కడ మరో సర్కిల్, అక్కడ ఆలంపూర్ పోలీస్ స్టేషన్ ఉంది, అక్కడే ఒక హిందూ హోటల్ కూడా కలదు. అక్కడ భోజనం చేసి, గుడి వైపుకి బయల్దేరాను. బస్ స్టాండు నుండి మహా అయితే ఒక అర కిలోమీటరు ఉంటుంది ఏమో.
మొదటగా శిధిలాల్లో ఉన్నా నవబ్రహ్మేశ్వర దేవాలయాలు కనిపించాయి. ఇంకాస్త ముందుకు వెళితే ఒక పదడుగులు వేసాక, ఎడమ పక్కన మూడు శిథిలాల్లో ఉన్నా దేవాలయాలు, కుడి పక్క ఆర్కేలాజికల్ సర్వే వారి సంగ్రహాలయం, దానికి ముందు, బాల బ్రహ్మేశ్వర స్వామి దేవాలయం, బాలబ్రహ్మేశ్వర స్వామి దేవాలయం పక్కన మరో నాలుగు విమాన గోపురాలతో సహా ఉన్న నవబ్రహ్మేశ్వరాలయాలు. ఇంకొన్ని విమానగోపురాల్లేని ఆలయాలు, పక్కనే ఆధునిక రంగులతో రెండు గోపురాల మధ్య గల జోగుళాంబా ఆలయం.
ముందుగా జోగుళాంబా ఆలయానికి వెళ్ళాను.

ఈ ఆలయం ఉదయాన్నే తెరుస్తారట, మధ్యాహనం ఒక గంట విరామం(౧ నుండి ౨ వరకు) తరువాత సాయంత్రం ౯ వరకు తెరిచే ఉంటుందిట. నిత్యం కుంకుమార్చనలు జరుగుతూనే ఉంటాయి. నేను వెళ్ళిన సమయంలోనే కొందరు యువతులు తెచ్చుకున్నా తినుబండారాలు, చాక్లేట్లు, పర్సు మొబైల్ ఫోన్ తోసహా అన్ని తస్కరించి కోతులు నానా అల్లరి చేస్తున్నాయి. వాటిని బుజ్జగించటంలో ఆలయ పూజారి మొదలు అందరూ నిమగ్నులయిపోయారు. దాదాపు అరగంట తరువాత పూజారి వచ్చి కుంకుమార్చన చేసి, అక్షత ప్రసాదాలు ఇచ్చారు.
అమ్మవారు రౌద్ర రూపం, ఉగ్రంగా ఉంటారు. ప్రస్తుతం ఉన్నది శాంత మూర్తి అని పూజారి అంటున్నా నాకమ్మ వారు చాలా భీతికరంగా అనిపించారు. తలపై పాపిడిలో రెండు బల్లులు, తేలు, పుర్రె, గబ్బిళం, మెడలో పుర్రెల మాల, కూర్చున్నది ఒక శవం పైన, అందునా ప్రేతాసనంలో. కోరలు, నాలుక బయటకి పెట్టి, పెద్ద కళ్ళతో. కొంచెం సేపు భయం వేసింది. దృష్టి మరల్చి గడపకై చూసాను, కింద మనిషి తల, పైన ఒక పుర్రె దాని కుడి వైపు రెండు బల్లులు, ఎడమ వైపు గబ్బిళం తేలు, కిందనే కోతీ పాములు పరస్పరం సంఘర్షణ చేస్తున్న దృశ్యం. ఇక చుట్టూ చూసాను, ఆధునికంగా కట్టిన గుడి, స్థంబాలపై, అష్టాదశ శక్తి పీఠాల్లో వెలసిన అమ్మ వారి రూపలు తీర్చిదిద్దారు. అలానే ఎదురుంగా సప్తమాతృకలను, వినాయకుణ్ణి చెక్కి ఉంచారు.
సతీ దేవి తనువు చాలించాక ఆవిడ కళేబరాన్ని ఎత్తుకుని ప్రళయ నాట్యమాడుతున్న శివుడ్ని వారించటానికి శ్రీమహావిష్ణువు సుదర్శన ప్రయోగం చెయ్యగా అమ్మవారి శరీరభాగాలు భూమిపై వివిధ క్షేత్రాల్లో పడి శక్తి పీఠాలుగా మారాయని ప్రతీతి. ఇవి 51 అని కొందరు, కాదు 18 అని కొందరి వాదన. రెండు నమ్మికల ప్రకారమూ, అమ్మవారి పై దంత పంక్తి ఇక్కడ జోగుళాంబా క్షేత్రంలో తుంగ-భద్రా-కృష్ణా త్రివేణీ సంగమ క్షేత్రంలో పడిందని ప్రతీతి.

అక్షత ప్రసాదలను తీస్కొని, నేను అయ్యవారి గుడివైపు వెళ్ళాను. ఇక్కడ స్పర్శ దర్శనం ఉంది.
బాలబ్రహ్మేశ్వర ఆలయం ఆధునిక గుడిలా లేదు. దీని ప్రాచీనత్వాన్ని కాపాడి అలా ఉంచేసారు. ఈ ఆలయం ఉదయం మొదలు సాయంత్రం వరకూ తెరిచే ఉంటుందట. నేను వెళ్ళిన సమయానికి నా వద్ద నా బ్యాగ్ గట్రా ఉండటం చేత, గర్భగృహంలోకి వెళ్ళలేదు. బయట బ్యాగు పెట్టి స్పర్శ దర్శనం చేస్కుందాం అనుకునే లోపే రెండు సార్లు కోతులు నా బ్యాగుని నా చేతిలో ఉండగానే లాక్కెళ్ళటానికి ప్రయత్నించాయి. అందుకని నేను బయటి నుండే దర్శనం చేస్కుని, ప్రదక్షినం చేసాను. ఆలయ వెలుపల గోడల పై ప్రాచీన శిల్పుల అద్భుతాలు కొలువుతీరాయి. అతి ప్రాచీన వినాయకుడా అనిపించాడు విఘ్నేశ్వరుడు.
రెండు ప్రదక్షిణ మార్గాలతో ఈ ఆలయం ప్రాచీన చండా ప్రదక్షిణ కు అనుకూలంగా ఉంది.
దర్శన-తీర్థ-ప్రసాదాల తరువాత గుడి బయటకు వచ్చాను. ఈ క్షేత్ర లడ్డూ పులిహోర ప్రసాదాలు ఈ ఆలయంలోనే దొరుకుతాయి.

నేను కొనుక్కున్నా ప్రసాదాలు మర్కటార్పణం అయ్యాయి.
ఇక్కడి నుండి నేను సంగ్రహాలయానికి అలానే శిథిలాల్లో ఉన్న ఇతర దేవాలయాలను చూడటానికి ఉపక్రమించాను.

సంగ్రహాలయం చాలా చిన్నది కేవలం ౩ రూఁ రుసుము తో ఇది చూడొచ్చు. ఇక్కడ శిథిలాల్లో బయలపడిన విగ్రహాలను ఉంచారు. మహిశాసుర మర్ధినీ, శివుడు, నటరాజు, సూర్యుడు, విష్ణువు, సప్త మాతృకలు, గంధర్వులు, యక్షులు, అష్ట దిక్పాలకులు, లకులేశుడు, మునులు, ఇంకా ఎన్నో శిలాశాసనాలు, ఇక్కడ ఉన్నాయి.

నన్నిక్కడ అన్నిటికంటే ఎక్కువగా ఆకట్టుకున్నది, దక్షిణా మూర్తి, ఇంకా నటరాజ శిల్పాలు, వివిధ రకాలుగా ఉన్న మహిశాసుర మర్ధిని, విష్ణువు.

తరువాత నేను సంగ్రహాలయం బయటకు వచ్చి, తుంగభద్రా పుష్క్ర గట్టు వైపుకు వెళ్ళను. కర్నూలులో లా కాక ఇక్కడ పుష్కరాలకు నిర్మించిన మెట్లు ఇంకా యథాప్రకారం ఉన్నాయి. వరదల ప్రభావం వీటిపై లేదు.

నీరు కూడా బాగానే ఉంది.

అక్కడ తెప్ప పై ఇక్కడుండే మత్స్యకారులు నదీ విహారానికి తీసుకెళ్తారు. సమయాభావం వల్ల నేను వెళ్ళలేదు. ఇక్కడి నుండి ఒక ౨౦ కి.మీ. ల దూరంలో త్రివేణీ సంగమం ఉందట. అక్కడకూ వెళ్ళేందుకు సమయం సరిపోదని వెళ్ళలేదు. ఇప్పుడిక్కడొక వంతెన నిర్మాణం లో ఉంది, మరో పది పిల్లార్లు వేస్తే నిర్మాణం పూర్తవుతుందట, ఈ వంతెన ద్వారా శ్రీశైలం కు హైదరాబాద్ కు మధ్య ప్రత్యామ్నాయ మార్గం వస్తుందని ఇక్కడి మత్స్యకారులు చెప్పారు.

కాసేపయ్యాక తిరుగుప్రయాణానికి కర్నూల్ చేరుకున్నాను.

మన ప్రస్తుత సామాజిక దుఃస్థితి

2011-09-19T05:11:00.000-07:00

ప్రశాంత్ గారి ఆంగ్ల బ్లాగు "No green grass on the other bank" సౌజన్యంతో

http://prasanthias.wordpress.com/2011/09/13/the-long-pole/ అను ఈ బ్లాగు చదివిన వెంటనే నన్ను ఎంతో ప్రభావితం చేసింది, ఇది మన తెలుగు లో కూడా ఉండాలని ఈ టపా రాస్తున్నాను.

అనగనగా ఒక సుదూరపు పల్లె లో ఒక సింహం సివంగి దంపతి నివసించేది. ఆ సింహం ఒక కృషీవలుడు, పొలంపని తప్ప మరేమీ తెలీనివాడు. సివంగి ఒకప్పుడు NREGA, తరువాత రోజుల్లో MGNREGA ద్వారా కూలి పని చేసుకునేది.
అదే గ్రామంలో ఉన్న పిల్లి షావుకారు గారి 50 ఎకరాల వరి పొలాన్ని సాగు చెయ్యడం మన సింహం గారి జీవని. ఇలా పిల్లి షావుకారు గారి వద్ద కౌలు చెయ్యటం వలన దిగుబడి లో సగభాగం షావుకారి వాటా అయ్యేది. ధాన్యం సాగులోని నష్టాలకు భరించలేక ఏ అరటో, చెఱుకో లేక పొగాకో సాగు చేద్దమనుకున్నాడు సింహం రైతు, కానీ భారత ప్రభుత్వ ధాన్యం భూమి మరియు మాగాణి రక్షణ చట్టం దీనిని అనుమతించదు. (కానీ అదే భూమిని ప్రత్యేక ఆర్థిక మండళ్ళ పేర ప్రైవేటు సంస్థలకు అప్పగించి అందులో ఎంత హానికరమయిన ఫ్యాక్టరీ ని పెట్టినా ప్రభుత్వానికి సమ్మతమే).
ఉడుత సేటు గారి వద్ద అతి ఎక్కువ మొత్తంలో అప్పు చేసినందుకు రైతు సింహం తన ఇల్లును ఉడుతకు SARFAESI Act. కింద అప్పగించాల్సి వచ్చింది.
పంచాయతీ ప్రెసిడెంటు పంది గారు రైతు సింహం కౌలు తీస్కున్న పొలంలోనే బస్టాండు, షాపింగు కాంప్లెక్సు, ఇంకా ఎయిర్పోర్ట్ ఉండాలని నిర్ణయించాడు. ఎందుకంటే ఆ పొలం చుట్టు పక్కల భూములన్నీ అప్పటికే పంది కులంలోని ఇతర పందులు కొనెయ్యటం లేదా కబ్జా చెయ్యటం చేస్సాయి. ధాన్యం భూమి మరియు మాగాణి రక్షణ చట్టం ప్రకారం సాగు భూమి లో వాణిజ్యపరమయిన పనులు చేయరాదు, కేవలం ధాన్యం సాగుకు మాత్రమే ఆ భూమిని వాడాలి. కానీ సింహం-సివంగి తప్ప ఊరందరికీ ఎయిర్పోర్టు అవసరం కావల్సిన ఆవశ్యకత తెలిసొచ్చింది. అర్జెంటుగా ఊరికొక ఎయిర్పోర్టు కావాలి అన్నదై అందరి వాదన. ఆఖరికి ఊరి బిచ్చగాడయిన ఏనుగుకి కూడా తన సమీప భవిష్యత్తు దృష్ట్యా బస్టాండు-షాపింగ్ మాల్-ఎయిర్పోర్టు కావలని అనిపించింది. బహుళ సమ్మతి ఉంది కాబట్టి వెంటనే చట్టాన్ని రద్దు చెయ్యాలని గ్రామ పెద్దలంతా నిర్ణయం తీస్కున్నారు. టెండరు పిలిపించి ఎల్&టీ సంస్థకు చట్టాల దాగుడుమూతలు మొదలు బస్టాండు-షాపింగ్ కాంప్లెక్సు-ఎయిర్పోర్టు కట్టడం వరకూ అన్ని బాధ్యతలు అప్పగించారు. దీనిని కేవలం దోమ దళితులు మాత్రమే నిరసించారు, కానీ వారు మైనారిటీ లో ఉండటం వలన వారికి కావల్సినంత బలం లేనందున వారి మాటను ఎవరూ పట్టించుకోలేదు. పై పెచ్చు కొన్ని దోమలు చంపివేయబడ్డాయి. ఇదంతా చూస్తున్న మైనారిటీ కమిషన్ షాక్ వ్యక్తపరిచింది, ఆ షాక్ ద్వారా వచ్చిన కరెంటుని గ్రామంలోని అన్ని విద్యుద్దీపాలు వెలిగించడానికి ఉపయోగించారు గ్రామ పెద్దలు.
పోస్టుమ్యాను జెర్రి అప్పుడన్నాడు బలం-స్థాయి అన్నవి మురికి కూపాలు అవినీతి తో కూడుకున్నవి, మరియు పూర్తి బలం-పూర్తి స్థాయి పూర్తి మురికి కూపాలు పూర్తి అవినీతి తో కూడుకున్నవి. అందువల్ల ఊళ్ళో అవినీతి అనేది ఓ పెద్ద సమస్యగా మారిపోయింది. ఊరికి వాయవ్యంలో గల చిట్టడవిలో ఉండే పెళ్ళికాని-ఎటువంటి బాంధవ్యాలు లేని గుడ్లగూబ ఈ పెరిగిపోతున్న అవినీతికి విరుద్ధంగా ఆమరణ నిరాహార దీక్ష చేపట్టింది. దీక్ష వలన ఆ ఊరి దశ మారింది. దీక్షాపరమయిన మార్పులు ఆ ఊర్లో చోటు చేస్కున్నాయి. ఆ ఊరు ఇంకా ఊరులా లేదు(గుడ్లగూబ దీక్ష ను చూడటానికి వచ్చే వాళ్ళ వల్ల, ఊరికి రోడ్లొచ్చాయి, సర్వ వసతులు సమకూరాయి, మీడియా వాళ్ళ సందడి అంతా ఇంతా కాదు. ఊర్లో పిల్ల వాడు తుమ్మినా ది న్యూస్ చానళ్ళు లైవ్ కవరేజ్ ఇవ్వటం మొదలేట్టాయి, ఊరి ప్రాచుర్యాన్ని చూసి అడుగు భూమి ధర అర కోటి అయింది). గుడ్లగూబ ఈ అవినీతి నంటటినీ చూడటానికి, చూసి నిర్మూలించటానికి ఒక పేద్ద స్తూపాన్ని ఊరి నడిబొడ్డున పెట్టమని ఊరిపెద్దలను కోరింది, ఊరిపెద్దలు సరేనన్నారు. గుడ్లగూబ తిరిగి తన చిట్టడవికి చేరింది. ఈ స్తూపాన్ని సింహాలు, పులులు, దోమలు ఉండే వీధులు మాత్రమే కనపడేలా ప్రతిష్టించిన ఊరి పెద్దలయిన పందులు ఉడుతలు, ఎప్పుడు పులులు , సింహాలు, దోమలు తప్పు చేసినా అప్పుడు స్తూపానికి ఒక పేద్ద భూతద్దాన్ని పెట్టి గుడ్లగూబకు జరిగిన తప్పును పది రెట్లు పెద్దదిగా చూపేవి. ఆ విధంగా పందుల నేపధ్యంలో మొత్తం పాలనా వ్యవస్థ సాగుతోంది.
కొద్ది రోజులకి సింహం చనిపోయింది. ఇంకొన్ని రోజుల తరువాత సివంగి కూడా చనిపోయింది. చనిపోని వారంతా ఆ ఊరిలో సుఖంగా బ్రతుకు జీవనం సాగించారు. పది సంవత్సరాల తరువాత ఆడిటర్లు 25 సింహాలు అంతరించిపోయాయి అన్న నివేదిక ను సమర్పించాయి.

లోహిత్ తెలుగు మెరుగయిన ఖతి వచ్చిందోచ్!

2011-09-16T11:30:00.000-07:00

మనకు తెలుగులో యూనికోడ్ లో అందుబాటులో ఉన్న ఖతులు చాలా తక్కువ.
గౌతమి, పోతన, వేమన, కాకుండా, అత్యధికంగా వాడుకలో ఉన్నా ఖతి లోహిత్ తెలుగు.
రెడ్ హ్యాట్ సంస్థ వారు నిర్వహిస్తున్న ఈ ఖతిలోని అక్షరాలు చాలా గుండ్రంగా స్పష్టంగా ఉంటాయి.

లోహిత్ తెలుగు ఖతి వచ్చాక రాతఖతుల లోటు తీరింది అనే చెప్పాలి.
ముఖ్యంగా డ గుణింతం, క గుణింతం చాలా చక్కగా ఉంటాయి. పాత కాలపు వ్రాతల్లా ఉండే క గుణింతం చూసి అప్పుడప్పుడు మా తాతల నాటి ద్రవిడ ప్రతులు, తెనుఁగు ప్రతులలో వంటి అక్షరాలు అని మురిసిపోయిన సందర్భాలూ ఉన్నాయి.

పోతన లో సంయుక్త, సంశ్లేష అక్షరాలు వ్రాస్తున్నప్పుడల్లా కొంచెం ఇబ్బందిగా ఉండేది. అక్షరాలు ఒకటి మరోదాంట్లో కలిసిపోయి, వికారంగా అనిపించేది. వేమన వ్రాతఖతిగా ఉపయోగించలేము. వేమన ఖతి శీర్షికలు రాయటానికి బావుంటుంది. అన్ని మెలికలు ఉండేసరికి పెద్ద పాఠ్యాలు చదవాలంటే కొంచెం ఎబ్బెట్టుగానే ఉండేది. గౌతమి అనగానే ఎందుకో, కొన్ని అక్షరాలు మరీ యాంత్రికంగా ఉంటాయి. పైగా ఆ ఖతి స్వేచ్ఛా ఖతి కాదు. అందుకని కొంచెం బావున్నా వాడలంటే ఇబ్బందే.
అందుకని లోహిత్ తెలుగు వచ్చాక నాకు ఎంతో మేలు జరిగిందని చెప్పొచ్చు. తెలుగ్లో రాయాలన్నా, చదవాలన్నా, మరింత అందంగా అక్షరాలు కనిపిస్తుంటే ఎవరికయినా నచ్చదు మరీ?
పైగా ఎన్నో చోటల మన ఆద్య గురువులు ఈ ఖతిని వాడుతున్నారు కూడా.

ఇక లోహిత్ తెలుగు చరిత్ర తెల్సుకుందాం. లోహిత్ తెలుగు ను ప్రాయోజితం చేస్తున్న ఫెడోరా ప్రాజెక్టు లోని వికీ ప్రకారం,
౨౦౦౪ లో రెడ్ హ్యాట్ సంస్థ అయిదు భారతీయ భాషలకు జీపీఎల్ లైసెన్స్ ద్వారా స్వేచ్ఛా ఖతులను విడుదల చేసింది. సంస్కృతంలో ఎఱుపు అని అర్ధం వచ్చే లోహిత్ అన్న పేరుతో వీటిని విడుదల చేసారు. ఈనాడు అస్సామీ, బెంగాలీ, దేవనాగరీ(హిందీ, కశ్మీరీ, కొంకణీ, మైథిలీ, నేపాలి,మరాఠీ, సింధీ), గుజరాతీ, కన్నడ, మళయాళం, ఒడియా, పంజాబీ, అరవం ఇంకా తెలుగు, మొత్తం ౧౬ భారతీయ భాషలకు లోహిత్ ఖతులు అందుబాటులో ఉన్నవి.
ప్రస్తుతం ఫెడోరా ప్రాజెక్ట్ వారు ఈ ఖతుల నిర్వహణ చూస్తున్నారు. లోహిత్ ఖతులన్నీ యూనికోడ్ ౫.౧ అనుకూలం.

అయితే మిత్రులు చాలా మంది గమనించే ఉంటారు ఫస్ట్ అన్న పదం రాసినప్పుడు తలకట్టు స మీద ఉండి పొల్లు పక్కకు పోవడం లోహిత్ తెలుగులో ఉన్న అపచారం, అలానే చూస్తున్నాం, రాస్తున్నాం అన్న పదాలు రాసినప్పుడు న్నాం అన్న ద్విత్వ-సంయుక్తాక్షరం(మిశ్రాక్షరం) న, నకారప్పొల్లు, దీర్ఘం, సున్నాలుగా విడిపోతుంది, ఇదీ ఒక పెద్ద లోటే.
కానీ మొన్న ౩౦ ఆగస్టు ౨౦౧౧ నాడు లోహిత్ తెలుగు వారి అత్యాధునిక ౨.౪.౬ వెర్జన్ విడుదలయింది.
ఇందులో ఇలాంటి తప్పిదాలను సరి చేసారు.
ఇంకెందుకు ఆలస్యం వెంటనే లోహిత్ తెలుగు ఖతిని ఇక్కడ నుండి దింపుకోండి.

సూచన :
కానీ "-" (హైఫెన్) ఈ ఖతిలో లుప్తమయింది. అలానే ఆంగ్లం లో V అక్షరం (పెద్దబడి వీ అక్షరం), ఫుల్స్టాప్, రాసి వాటికి లోహిత్ తెలుగు ఆపాదిస్తే అవీ లుప్తమవుతున్నవి. వీటిపై ఒక బగ్ ఫైల్ చేసాను. అలానే అదే బగ్ తో పాటు బగ్ ఫిక్స్ కూడా పెట్టాను. తదుపరి విడుదలలో ఇవి పొందుపరుస్తామని నాకు విజ్ఞప్తి అందింది.

అమ్మకి కూడు పెట్టనివాడు, పెద్దమ్మకి కోక పెడతానన్నాడు

2011-09-14T03:17:00.000-07:00

నిన్న అలా ఛానళ్ళు మారుస్తూంటే ఒక కార్యక్రమం నన్ను ఆకట్టుకుంది. ఆ కార్యక్రమంలో థాయ్ వాసులు వారి జానపద గ్రామీణ క్రీడ కు ఏ విధంగా అంతర్జాతీయ ఖ్యాతి తెచ్చిపెట్టారు అన్నది చూపించారు.
యంత్రాల రాకతో వ్యర్థంగా ఉన్న పశువులను వారు కొన్ని ఆటలలో ఉపయోగించి, చాలా కొద్ది సమయంలోనే ఆ క్రీడలను అభివృద్ధి పరచి. కేవలం ఈ ఆటలు చూడటానికే విదేశీ, దేశీ పర్యాటకులు వచ్చి వారికి అదనపు ఆదాయం ఉపాధి కలిగించేలా మలుచుకున్నారు.
అందుకు సంబంధించిన మరో బ్లాగు టపా
http://www.thai-blogs.com/2008/10/18/water-buffalo-racing/
ఎంత చక్కగా వారి సంస్కృతిని దేశదేశాలా వ్యాపింపచేస్తున్నారో!

ఈ సోదంతా ఇప్పుడు ఎందుకూ, అంటారా
http://www.hindu.com/2004/10/04/stories/2004100401921800.htm
ఇది చదవండి
అలానే ఇది కూడా
http://www.hindu.com/2009/01/28/stories/2009012853500300.htm
ఇది కూడా
http://hindu.com/2002/03/09/stories/2002030901470300.htm
చెప్పాలనుకున్నదేమిటంటే
మన వాళ్ళు మన సంస్కృతిని ఎలా తుడిచిపెట్టెయ్యాలా అని చూస్తుంటారు.
అలానే లేటెస్ట్ గా మరొకడు
http://movies.ndtv.com/movie_story.aspx?id=ENTEN20110183358&keyword=regional&section=Movies&subcatg=MOVIESINDIA
ఇంకేం చెప్పాలి?

నా మొదటి తెలుగు బాట

2011-08-29T08:48:00.000-07:00

పోయిన ఏడాది జరిగిన తెలుగుబాట లో నేను పూణే లో ఉండడం వలన పాల్గొనలేక పోయాను. ఈ ఏడు ఎట్టి పరిస్థితుల్లో పాల్గొనాలని నిశ్చయించుకున్నాను.
మొత్తానికి నా పుట్టిన రోజునే తెలుగుబాట తేదీ నిర్ణయమయింది.
తెలుగుబాట బాగా జరిగింది. దాదాపు 40 ఔత్సాహికులు పాల్గొన్నారు.
బాట తరువాత తెలుగు విశ్వ విద్యాలయ ప్రాంగణం లో "తెలుగు ఆధునిక హోదా" అన్న విషయం పై పలువురు పెద్దలు మాట్లాడారు.

తెలుగు చిత్రలేఖనం మరియు వ్యాసరచన పోటీలు

2011-08-18T23:03:00.000-07:00

తెలుగు భాష ఎంతో ప్రాచీన భాషని మనకు తెలిసిన విషయమే. కానీ చాలా మందికి ఈ విషయం పై పూర్తి అవగాహన లేదు.
ఇటువంటి అవగాహన కలిపించేందుకు త్వరలో ఒక కార్యక్రమం చేపట్టబోతున్నాం. ఈ సందర్భంగా చిత్రలేఖనం మరియు వ్యాసరచన పోటీలు నిర్వహిస్తున్నాం.

వివరాలు:

చిత్రలేఖనం పోటీలు :
౧. ఇది రెండు విభాగాలలో జరుగుతుంది : 1. 5-12 ఏళ్ళ బాలచిత్రకారులు 2. 13- ఆ పై వయస్సు గలవారు
౨. చిత్రం A3 లేదా A4 సైజు కాగితం పైన ఉండాలి.
౩. రంగులకన్నా భావానికి ఎక్కువ ప్రాధన్యత ఉంటుంది.
౪. భావం, విషయం, ఆచరణ మరియు ఉపయోగం అన్న నాలుగు అంశాలపై ఆధార పడి విజేతలను నిర్ణయిస్తాము.
౫. ఒకే వ్యక్తి ఎన్ని చిత్రాలైనా పంపవచ్చు

వ్యాసరచన పోటీలు :
౧. ఇది మూడు విభాగాలలో జరుగుతుంది : 1. 12-16 ఏళ్ళ కిశోరులు 2. 17-24 ఏళ్ళ యువకులు 3. 25- ఆ పై వయసు వారు, నిపుణులు
౨. కనిష్టంగా ౬౦౦, గరిష్టంగా ఎన్నైనా పదాలు ఉండవచ్చు.
౩. A4 పుటలు ట్యాగ్ చెయ్యకుండా విడిగా పంపాలి, పుట సంఖ్యను సూచిస్తే చాలు.
౪. విషయం, చేతి దస్తూరీ, భావ ప్రకటన, ఆచరణ యోగ్యత అన్న అంశాలపై నిర్ణయం ఆధారపడి ఉంటుంది.
౫. ఒకే వ్యక్తి ఎన్ని వ్యాసాలైనా పంపవచ్చు.

విషయాలు:

చిత్రలేఖనం పోటీలకు : ౧. తెలుగు భాష ఔన్నత్యం
౨. భారత దేశ ప్రగతిలో తెలుగువారి సహకారం, పాత్ర
౩. ప్రాచీన మరియు ఆధునిక భాషగా తెలుగు
౪. పుష్ప విలాపం
౫. తెలుఁగ దేల నన్న దేశంబు దెలుఁగేను

వ్యాసరచన పోటీలకు : ౧. ఆధునిక భాషగా తెలుగు
౨. తెలుగు భాష భవిష్యత్తు
౩. మాతృభాష Vs మోజు తో నేర్చుకునే భాష
౪. సాంకేతిక భాషగా తెలుగు
౫. ప్రభుత్వ పరిపాలనా భాష - తెలుగు
౬. తెలుగు భాషలో విద్య - ఉపాధి అవకాశాలు

మీ రచనలను పంపవలసిన చిరునామా:
Rahmanuddin Shaik,
C/O S.Salimuddin,
Qtr. No. 261, Type -II,
GCCRPF, Keshavgiri,
Hyderabad - 500005
Andhra Pradesh
India

మీ రచనలను పంపవలసిన ఆఖరు తేదీ : భాద్రపద బహుళ అష్టమి, ఖర. (September 20, 2011)

రచనలు పంపేటప్పుడు ఒక కాగితం పై మీ పేరు, మీ వయస్సు, మీరు ఎంచుకున్నా విషయం, మీ చిరునామా, మెయిల్ ఐడీ రాసి పంపగలరు.

తెలుగుబాట ఇంకా భవిష్యత్తు లో తెలుగు కై చేయవలసిన కార్యక్రమాలు

2011-07-27T05:18:00.000-07:00

వచ్చేనెల ఆగష్టు 28 వ తేదీన జరగబోయే తెలుగుబాట కార్యక్రమానికి నాందిగా ఈ రోజు జరిగిన సమావేశంలో

ఈ క్రింది ప్రతిపాదనలు చేశాము...
1. ఒక కొత్త తెలుగు ఖతి (ఫాంట్) రూపొందించాలి. ఈ ఫాంట్‌తో ఈ-పుస్తకాలు తయారు చేసుకుంటే, ఆ పుస్తకాల్లోని అక్షరాలు అందంగా కనిపించాలి.
2. తెలుగు బాట జరగటానికి ఒక వారం రోజులు ముందుగా అందేలా టీ షర్టులు తెలుపు, నలుపు రంగుల్లో తయారు చేయించాలి. ఈ టీ షర్టులను ముఖ్యంగా అక్కడ బాటలో పాల్గొనేవాళ్ళు ధరించాలి. ఈ టీ షర్టులకు ఎవరైనా చక్కని డిజైన్ చేస్తే, వారికి ఒక టీ షర్టు ఉచితంగా ఇవ్వబడుతుంది.
3. వెంటనే స్టిక్కర్లు, కరపత్రాలు తయారు చేయించి అందరికీ పంచాలి. తెలుగుబాట గురించి ప్రస్తావిస్తూ ఈ స్టిక్కర్లు, కరపత్రాల కోసం ముద్రించవలసిన మంచి విషయాలను తెలియజేసిన వారికి కినిగెలో పుస్తకాలు కొనడానికి రూ.50/- విలువైన గిఫ్ట్ కూపన్ ఇవ్వబడును.
4. తెలుగుబాటలో ప్రదర్శించటానికి ఒక పెద్ద బ్యానర్ తయారు చెయ్యాలి. దానికి కావలసిన ఒక చక్కని నినాదాన్ని సూచించినవారికి కినిగెలో పుస్తకాలు కొనడానికి రూ.50/- విలువైన గిఫ్ట్ కూపన్ లుఇవ్వబడును.
5. తెలుగుబాటకు సహాయకంగా ఉండటానికి వీలైనవారు Laptops, Data cards పట్టుకొని రావాలి.
---------------------------x--------------------------------------x----------------------------------------------------

భవిష్యత్తులో చేపట్టాలనుకుంటున్న ప్రకరణాలు.... (ప్రకరణం = ప్రాజెక్ట్)

1. ఒకటవ తరగతి నుంచి పదవతరగతి వరకు గల తెలుగు మీడియం పుస్తకాలలోని పాఠ్యాంశాలను డిజిటల్ రూపంలో అంతర్జాలంలో అందుబాటులో తేవాలి. ప్రస్తుతమున్న కష్టతరమైన భాషలో కాకుండా సరళతరమైన భాషలో అందించాలి. ఆ పాఠ్యాంశాలకు చక్కని రంగుల బొమ్మలు జత చేస్తూ, విద్యార్థులకు సులభంగా అర్థమవ్వడానికి యానిమేషన్లు కూడా జతచెయ్యాలి. కేవలం సిలబస్‌లో ఉన్న విషయాలు మాత్రమే కాకుండా, ఇంకా ఎక్కువ విషయాలను ప్రొందుపరచాలి. వీలైతే, నిపుణులతో వీడియోలు తయారు చేయించాలి....

2. తెలుగు మీడియం వాళ్ళు కూడా ఇంగ్లీషు సులభంగా నేర్చుకునే ఉపకరణాలను అంతర్జాలంలో అందుబాటులోకి తేవాలి... అంటే తెలుగు ద్వారా ఇంగ్లీష్ నేర్చుకునే విధంగా ఉండాలి.

3. మనకున్న చట్టం ప్రకారం, ప్రతి వస్తువుపై నిబంధనలు, ఆ వస్తువు తయారు చేసిన కంపెనీ పేరు వగైరా విషయాలను తప్పనిసరిగా అది అమ్మబడే ప్రాంతంలోని భాషలోనే ముద్రించాలి. దీనికి చేయవలసిందల్లా ఆ వస్తువుపై ముద్రించిన email address లేదా ఫోన్ నెంబర్ లేదా వారి కంపెనీ వెబ్ సైట్ ద్వారా మనం తెలియజేస్తే చట్టంలోని రూల్ ప్రకారం వాళ్ళు స్థానిక భాషలో ఆయా సమాచారాలను అందించాలి. దీనిద్వారా పరోక్షంగా తెలుగులోనే చదువుకున్నవారికి ఉపాధి అవకాశాలు వచ్చే అవకాశం ఉంది..

-----------------------------------x------------------------------------x-------------------------------------------------------

కొన్ని చర్చించవలసిన ప్రశ్నలు...

1. ప్రపంచభాషలతో పోలిస్తే తెలుగు భాష యొక్క గొప్పతనం ఏమిటి?

2. ఇంజనీరింగ్‌లో తెలుగు ఒక సబ్జెక్ట్ గా ఉండాలి. దీనివల్ల తెలుగులో పి.హెచ్.డీ లేదా పీజీ చేసినవారికి ఉపాధి అవకాశాలు పెరుగుతాయి.

3. కనీసం పదవతరగతి వరకు తెలుగు మీడియంలో చదవడం వల్ల విషయాలపై ఎక్కువగా అవగాహన ఉంటుంది. ఇంకా మన సంస్కృతి, సాంప్రదాయాలకు పరిరక్షించినవాళ్ళం అవుతాం.

4. ప్రస్తుతకాలంలో చదువు ఒత్తిడి వలన ఆత్మహత్య చేసుకుంటున్న విద్యార్థుల్లో తెలుగు మీడియం విద్యార్థులు ఎక్కువా? లేదా ఇంగ్లిష్ మీడియం విద్యార్థులు ఎక్కువా?

తెలుగుకై నా సంకల్పం

2011-06-30T04:29:00.000-07:00

అందరూ కొంచెం జాగ్రత్తగా చదవండి,
చదివాక మీ అమూల్యమైన సూచనలు, సలహాలు, వనరులు, సహాయం అందించవలసినదిగా నా వేడుకోలు.

మన మాతృభాష తెలుగుకు మన రెండు తరాల ముందు నుండి జరుగుతున్న వివక్ష చూస్తూనే ఉన్నాం. నేటి పరిస్థితి ఎలా ఉంది అంటే తెలుగు పదాలు కొన్ని పలికితేనే ఇబ్బంది గా నామోషీగా ప్రవర్తిస్తున్నారు కొంతమంది.

కాగా, అదే సమయంలో ఎంతో ఉత్సాహం తో తెలుగు నేర్చుకోవాలి అనుకునే వారెందరికో తెలుగు నేర్చుకునేందుకు మంచి సాధనాలు లేనే లేవు.

అందుకని త్వరలో నేను ఒక జాల గూడు ప్రవేశపెడదామనుకుంటున్నా, ఈ గూడు పూర్తిగా తెలుగును అభివృద్ధి చేసేందుకు ఉపయోగించుకోవాలి.

ఇప్పటి వరకూ నా ఆలోచన ప్రకారం, తెలుగు భాష ప్రాథమికాంశాలు - అక్షరాలు, వ్యాకరణం, ఉచ్చారణ మొఁ
తెలుగు పద్యం, తెలుగు కథ, తెలుగు పాట ను అందరి వద్దకూ తీసుకుపోవాలి. అలానే ఆఫ్లైన్ కొన్ని పోటీలు పెట్టి తద్వారా అంతర్జాలం అందుబాటులో లేని వారు కూడా ఈ కార్యక్రమంలో పాలుపంచుకునేలా చెయ్యటం వంటివి కొన్ని.

ఇంకా ఏంఏం చెయ్యొచ్చు?
బ్లాగుల్లో ఇందుకు కావలసిన చాలా సామగ్రి ఉంది కాబట్టి, నేను పెట్టబోయే జాలగూడు కేవలం ఆయా బ్లాగుటపాలకు లంకె ఇస్తుంది.
అలానే ఆయా టపాలు ఏదో ఒక దృక్కోణంలో రాయబడి ఉండొచ్చు. కానీ ఇక్కడ ఒక సమభావన కలుగజేసే టపాలకే స్థానం కలిపించాలన్నది నా సంకల్పం.

తెలుగు అంతర్జాల సదస్సు, నా నివేదిక, ఆలోచనలు

2011-04-25T22:49:00.001-07:00

ఈ నెల పదహారున హైదరాబాద్ లో గల డాఁమర్రి చెన్నారెడ్డి మానవ వనరుల అభివృద్ధి సంస్థప్రాంగణంలో గల సభ యందు మొట్టమొదటి తెలుగు అంతర్జాల సదస్సు జరిగింది.
దాదాపు వంద మంది హాజరైన ఈ సదస్సులో అసలు చర్చ జరగాల్సిన విషయాలపై అతి తక్కువ ప్రాధాన్యత ప్రాధాన్యత లేకపోయినా ఎంతో కొంత అవసరం ఉన్న విషయాలపై చర్చ జరిగింది.
సిలికానాంధ్ర మరియు ఆంధ్రప్రదేశ్ ప్రభుత్వం ఆధ్వర్యంలో జరిగిన ఈ చర్చ మరియు సదస్సు నందు పదేళ్ళ క్రితం జరుగవలసిన పని అయినది.
మరి మన తెలుగువాళ్ళకి భాషపట్ల అంత అభిమానం...
ఇక సభ విషయానికొస్తే కూచిభొట్ల ఆనంద్ గారు ఎన్నో రోజులుగా కుస్తీ పట్టి ఒక రెండు మాటలు నేర్చుకున్నారు, ఒకటి మన భాషకు సరియైన ఫాంటులు(ఖతులు) లేవు, మన భాషకు వ్యావహారిక పదకోశం లేదు.
ఇది ఆయన మాటల్లో ప్రస్ఫుటంగా కనిపించింది.
ప్రతీ సారీ మాట్లాడినప్పుడు , సభ ముగిసినప్పుడు, ఆయన వక్కాణించి చెప్పింది ఈ రెండే!!!
మొత్తం మీద ఒక ఏడుగురు వక్తలను పిలిచి వారిచేత తెలుగు భాషలో జరుగుతున్న అభివృద్ధి మీద ఒక అంచనాకు రావటానికి పెట్టినట్టు జరిగిందీ సదస్సు.
రాజకీయ హంగులున్నై కాబట్టి సమాచార సాంకేతిక శాఖామాత్యులు పొన్నాల లక్ష్మయ్య గారి ముందుమాటలతో ఆపై మండలి బుద్ధప్రసాద్ గారి మరికొన్ని మంచి మాటలతో కార్యక్రమం మొదలయింది.
మొదటి వక్త జీ ఉమామహేశ్వర రావు గారు. వీరు హైదరాబాద్ కేంద్రీయ విశ్వవిద్యాలయంలో ఆచార్యులు. వీరు మాటలాడిన విషయం : ఆధునిక తెలుగు అంతర్జాలం
కానీ ఆయన విషయానికి ఆయన మాటలాడినదానికీ చాలా తేడా, ఆయన ఒక పదేళ్ళుగా జరుగుతున్న వివిధరకాల ప్రయోగాలను ఉటంకించి గబగబా ముగించారు.
ఆయన విషయపరిధిలోఉండి ఆయన దాటవేసిన అంశాలు : భాషలో కొత్త పదాల ఆవశ్యకత, భాషకి కొత్త పదాలు చేరేప్పుడు కావలసిన/అనుసరించాల్సిన ప్రామాణికతలు, పద్ధతులు, నిబంధనలు.
ఆయన ప్రకారం పదజనకం కేవలం యంత్రాలే చెయ్యాలి. తేనీటి విరామంలో ఆయన్ని ఈ విషయమై నేను అడిగితే ఆయన చెప్పిన సమాధానం నాకు ఒకింత బాధను కలిగించింది. మాండలిక పరివర్తన పై ఆయన ఆలోచనలు మారాలి.
తదుపరి వక్త టోక్యో యూనివర్సిటీ ఆఫ్ ఫాఁరన్ స్టడీస్ లో ఆచార్యులు పేరి భాస్కర రావు గారు, వీరు అంతర్జాల పుట్టుక నుండి ప్రస్తుత పరిస్థితి వరకూ విపులంగా చక్కగా తెలిపారు.
వీరి ద్వారా నేను తెలుసుకున్న విషయం , ఎన్నో రోజులుగా ఉన్న నా అపోహ, తెలుగులో "zha" అన్న పదం లేదని. వీరి ప్రదర్శన తరువాత నేను తప్పు అని తేలింది "ழ" అక్షరం తెలుగులో కూడా ఉందిట.
ఇది పద్నాల్గవ శతాబ్దికి ముందు దొరికిన అక్షరాల్లో ఉందంట. ఆపై వాచ్యం నుండి అక్షరం, అక్షరం నుండి వాచ్యాంతరము మున్నగు విషయాలపై బాగా మాట్లాడారు.
వీరి తరువాత అర్జున రావు గారు తెలుగులినక్స్ పై మాటలాడారు. అన్నట్టు చెప్పడం మరిచిపోయాను, అర్జున రావు గారు ఇప్పుడు వికీమీడియా ఇండియా చాప్టర్ కు ప్రెసిడెంట్.
లినక్స్ స్థానికీకరణ పై సంతృప్తికరమైన ప్రదర్శన ఇచ్చారు.
తరువాతి వక్తని టిప్పూసుల్తాన్ కాలంనుండి ఎత్తుకొచ్చారు, ఆయన పేరు వీవీవేంకటరమణ అట, ఆయన మా తాతల కాలం నాటి తెలుగు అంతర్జాల సాధనాలని నిన్న-ఇవాళ్టి మోడర్న్ టెక్నాలజీ అన్నట్టు చూపచూసారు.
వచ్చిన వారంతా (చాలా వరకు తెలీని వారే అనుకుంటా) ఎంతో శ్రద్ధగా వింటుంటే నాకు మాత్రం ఒక్క క్షణం తలనొప్పి, వికారం , సకల రోగపీడన కలిగాయి.
ఈయన పీపీటీ తయారు చేసిన విధానం : మొదట ఐలీప్ వాడి అన్ని అక్షరాలని తెలుగులోకి టైపు చేసారట. దానిని ప్రింట్ తీసి, మళ్ళీ మైక్రోసాఫ్ట్ ఆఫీస్ లో పీపీటీ ను యూనికోడ్ లో అందునా గౌతమి ఫాంటులో టైపు చేసుకున్నర్ట.
అలా టైపు చేసి, దానికి అన్ని హంగులు పూసి, పీడీఎఫ్ గా మార్చారట. అదేదో బ్రిటిష్ కాలంలో ఒక సీడీ మన ప్రభుత్వం పంచిపెట్టిందట. ఆ సీడీ నే నేటికీ ఇన్ని కష్టాలు పడుతూ ఈయన వాడటమే కాక అక్కడ వచ్చిన వారందరినీ వాడమంటున్నారు.
పైగా ఇదే సీడీ ని గత ఇరవై ఏళ్ళుగా గ్రామ గ్రామానికి ఈయన ప్రచారం చేసార్ట....
అమ్మబాబోయ్!
నాకు శ్రీలక్ష్మీ బాబూ చిట్టీ గుర్తుకొచ్చింది

ಆಮನೆ ಇಬ್ಬರು ಕನ್ನಡ ಹುಡುಗಗಳು
అబ్బే ఏమీ లేదు మన భాష మీద మమకారంతో ఇద్దరు డిగులు ఫెడోరాను తెలుగుకు స్థానికీకరిస్తున్నార్ట. రామకృష్ణారెడ్డి మరియు కృష్ణబాబు గార్లు , పాపం ఇద్దరూ తెలుగు వారైనా వారి భాషలో పూర్తిగా కస్తూరి వాసనే
చాలా విపులంగా చక్కగా ఫెడోరా గురించి , తెలుగు ఖతి లోహిత్ తెలుగు అభివృద్ధి గురించి మాటలాడారు.
తరువాత వక్త కశ్యప్ కృపాల్ గారు వీరు ఎంతో కష్టపడి రకరకాల టెక్స్ట్ టూ స్పీచ్ మరియు స్పీచ్ టూ టెక్స్ట్ మరియు ఓసీఅర్ గురించి చాలా చక్కటి ప్రదర్శన ఇచ్చారు.
ఆఖరుగా మన వీవెన్ గారు తెలుగు సంగణన-ప్రస్తుత పరిస్థితి, భవిష్యత్ కార్యాచరణ పై ఆయనదైన శైలిలో చాలా చక్కగా చెప్పారు.
వక్తలప్రదర్శనలైపోయాక అసలు రచ్చ మొదలయింది, ఎంతో అమూల్యమైన సమయమంతా ఆంగ్ల పదాలని ఎందుకు స్థానికీకరణ చేయాలి అన్న వితండ వాదుల వాదంకు బలైపోయింది.
చర్చ పక్క దారి పట్టింది
ఆఖరుగా ఒక ఆరు ఖతులు , మరియు ఒక వ్యావహారిక పదకోశం అన్న రెండు ప్రతిపాదనలు, మరియు "వి.అం.తె.వే" ఆవిర్భావంతో సభ ముగిసింది.
అలానే అమెరికాలో సదస్సు యొక్క తదుపరి భాగం సెప్టెంబర్లో జరుగుతుందని కూచిభొట్ల ఆనంద్ తెలిపారు.

అయితే అసలు చర్చ జరుగాల్సిన విషయాలు ( నా ప్రకారం):
౧. తెలుగు భాషను ప్రతి ఒక్క పిల్లవాడు తన మాతృభాష అన్న హోదాలో నిండు కాంఫిడెన్స్ తో చదివే విధంగా తెలుగు భాషను తీర్చిదిద్దాలి
౨. తెలుగు భాష రానిదే తెలుగునాట తెలుగువాడికి విలువ లేదు అని ప్రజలు తెలుసుకునే స్థాయికి తెలుగు భాష ఎదగాలి.
౩. దుకాణం పేరు ఫలకం నుండీ దుకాణంలో కొనే ప్రతి వస్తువు పేరు, వివరణ తెలుగులో నే ఉండాలి, లేకపోతే ఆయా వస్తువుల కొనుగోలుపై నిషిద్ధం జానాలనుండే రావాలి
౪. తెలుగు భాషకై కావలసిన అన్ని ఉపకరణాలు, ఓసీఅర్, భాషాంతరీకరణ, లిప్యంతరీకరణ, వాచ్య-దృశ్య-శ్రవణ-లేఖన ఉపకరణాల అభివృద్ధి జరగాలి.
౫. వికీపీడియా, విక్షనరీ వంటి తెలుగు అంతర్జాల ఉపకరణాల వాడుక విస్తృతంగా జరగాలి
౬. ఇద్దరు తెలుగువారు కలిసినప్పుడు ఖచ్చితంగా తెలుగులోనే సంభాషణలు సలపాలి, ఆ స్థాయికి మన భాష ఎదగాలి
౭. విద్య,వైద్యం, ఉపాధి, ఇలా మన అన్ని క్రమాల్లోనూ తెలుగు వాడుక విస్తృతంగా పెరగాలి.
౮. యూనికోడులో తెలుగు లభ్యమవుతోంది, దీనిని విస్తృతంగా ఉపయోగించాలి
౯. అవసరాన్ని బట్టి తెలుగు భాషలో కొత్త పదాల చేరిక జరగాలి.
౧౦. ఉన్న పదాలన్నింటినీ భద్రపరచాలి
౧౧. తెలుగు టివీ ఛానళ్ళు తెలుగునే ప్రసారం చేయాలి
౧౨. తెలుగు భాషపై జరుగుతున్న అనేకానేక పరిశొధనలని జన బాహుళ్యానికి తేవాలి, అవి ఉపయోగ పడితేనే జనం స్వీకరిస్తారు, అంచేత ఆ పరిశోధనలు కూడా ఆ దిశలోనే జరగాలి
౧౩. ప్రథమాంధ్రులైన శాతవాహనుల సమయం నుండి నేటి వరకూ ఉన్న తెలుగు సంపదా మొత్తం అంతర్జాలంలోకి రావాలి. అంతర్జాలంలో తెలుగులోని ప్రతి ఆస్తి(మన పద్యాలు, శతాకాలు, స్తోత్రాలు, కథలు, కవితలు) అందుబాటులో ఉండాలి.
౧౪. ఎమ్మైటీ ఓసీడబ్ల్యూ , మిషిగాన్ ఓపెన్ యూనివర్సిటీ తరహాలో అంతర్జాలంలో తెలుగు భాషకు సంబంధించిన కోర్సులు అందుబాటులోకి రావాలి.
౧౫. అంతర్జాలం/కంప్యూటర్/ఏదైనా తంత్రోపకరణం పూర్తిగా తెలుగులో అందుబాటులోకి రావాలి + ప్రతి తెలుగువాడు దీనినే ఉపయోగించాలి.

ನನ್ನ ಬ್ಲಾಗುನಲ್ಲಿ ಮೊದಲನೇ ಕನ್ನಡ ಪೋಸ್ಟು

2011-04-24T07:37:00.000-07:00

ರಚನೆ : ವ್ಯಾಸರಾಯರು
ರಾಗ : ಯಮನ್ ಕಲ್ಯಾಣಿ
ತಾಳ : ಮಿಶ್ರ ಛಾಪು
ಭಾಷೆ : ಕನ್ನಡ

ಪಲ್ಲವಿ
ಕೃಷ್ಣ ನೀ ಬೇಗನೇ ಬಾರೋ

ಅನುಪಲ್ಲವಿ
ಬೇಗನೆ ಬಾರೋ ಮುಖವನ್ನು ತೋರೋ

ಕಾಲಾಲಂದುಗೆ ಗೆಜ್ಜೆ ನೀಲದ ಭಾವುಲಿ
ನೀಲವರ್ಣನೆ ನಾಟ್ಯವಾಡುತ್ತ ಬಾರೋ ೧

ಉಡಿಯಲ್ಲಿ ಉಡುಗೆಜ್ಜೆ ಬೆರಳಲ್ಲಿ ಉಂಗುರ
ಕೊರಳಲ್ಲಿ ಹಾಕಿದ ವೈಜಯಂತಿಮಾಲ ೨

ಕಾಶಿ ಪೀತಾಂಬರ ಕೈಯಲ್ಲಿ ಕೊಳಲು
ಪೂಶಿದ ಶ್ರೀ ಗಂಧ ಮೈಯೊಳು ಗಮ್ಮ ೩

ತಾಯಿಗೆ ಬಾಯಲ್ಲಿ ಜಗವನ್ನು ತೋರಿದ
ಜಗದೋದ್ಧಾರಕ ನಮ್ಮ ಉಡುಪಿ ಶ್ರೀ ಕೃಷ್ಣ ೪

పొదు తనియన్లు

2011-04-11T15:16:00.000-07:00

శ్రీ సాంప్రదాయం భగవద్రామానుజుల వారు మనకందించిన అశేష నిధులలో పరమపావనమైన అనుజ్ఞ.
ఆచార్య కృపను తద్వారా పరమాత్మయైన ఆ శ్రీమహావిష్ణువును చేరుకోవడమే పరమలక్ష్యంగా చేసుకొని మనం అత్యంత భక్తితో పాటించవలసిన కొన్ని నియమాల కూడికయే ఈ సాంప్రదాయం యొక్క సారాంశం.
పరమత సద్భావన , సర్వప్రాణి సేవ ముఖ్యమైన మూలాంశాలుగా సర్వజగత్తుకి ఆధారమైన ఆ మహావిష్ణువును అన్నింటా అంతటా దర్శిస్తూ ప్రాణకోటిని అంతటినీ ఆ భగవంతునిసదృశంగా ఎంచి కనుగొని జీవితాన్ని సాగించవలెను.

మనకు ఈ సాంప్రదాయాన్ని ప్రసాదించిన మన ఆచార్యపరంపరను గుర్తు చేస్కొనుట మన కనీస కర్తవ్యం.
ఈ పొదు తనియంలయందు మనం మన ఆచార్యపంక్తిలోగల ముఖ్య మూలస్థంభాలను స్మరిస్తాం.
అన్నివేళలా చదువదగ్గా పరమపవిత్రాలు.

శ్రీశైలేశ దయాపాత్రం ధీభక్త్యాది గుణార్ణవమ్ |
యతీంద్ర ప్రవణం వందే రమ్యజామాతరం మునిమ్ ||
శ్రీశైలనాథుడైన ఆ శ్రీపతిశ్రీవేంకటేస్వర స్వామికి దయాపాత్రుడు
జ్ఞానాన్ని, భక్తిని రెండింటా మిక్కిలి ఉత్తముడు
అయిన ఆ మణవాలమామునికి వందనములు.
లక్ష్మీనాథ సమారంభాం నాథ యామున మధ్యమామ్ |
అస్మదాచార్య పర్యంతాం వందే గురుపరంపరాం ||
లక్ష్మీనాథుడైన ఆ శ్రీమహావిష్ణువుతో మొదలై
ఉడయవరులైన భగవద్రామానుజులగురువర్యులైన యమునాచార్యులు మధ్యములుగా ఉన్న
నా ఆచార్యపరంపర సాంతమునకు నా వందనములు.
యోనిత్యమచ్యుత పదామ్బుజ యుగ్మరుక్మ
వ్యామోహత స్తదితరాణి తృణాయ మేనే |
అస్మద్గురోర్ భగవతో స్య దయైకసిన్ధోః
రామానుజస్య చరణౌ శరణం ప్రపద్యే ||
ఎవరైతే ఆ అచ్యుతులైన శ్రీమహావిష్ణువుల రెండు పాదములు తప్ప లోకంలోని ఇతర వస్తువులు సౌఖ్యాలన్నింటినీ తృణప్రాయంగా నమ్మి ఉన్నారో
అట్టి నా గురువు అత్యంత దయామయులు అయిన రామానుజాచార్యుల చరణములయందు నేను శరణాగతికై ప్రపన్నుడనై ఉన్నాను
మాతా పితా యువతయ స్తనయా విభూతిః
సర్వం యదేవ నియమేన మదన్వయానామ్ |
ఆద్యస్య నః కులపతే ర్వకుళాభిరామం
శ్రీమత్తదంఘ్రియుగళం ప్రణమామి మూర్ధ్నా ||
తల్లి, తండ్రి, స్త్రీ, పిల్లలు, ఇతర ఆహ్లాద, ప్రమోద, వాత్సల్య, కరుణా సాధనాల వలె ఉన్న వకుళాకుసుమములతో అలంకరించబడిఉన్న నమ్మాళ్వార్లకు నా ప్రణామములు.
భూతం సరశ్చ మహదాహ్వయ భట్టనాథ
శ్రీభక్తిసార కులశేఖర యోగివాహాన్ |
భక్తాంఘ్రిరేణు పరకాల యతీంద్రమిశ్రాన్
శ్రీమత్పరాంకుశమునిం ప్రణతోస్మి నిత్యమ్ ||
నేను నిత్యమూ భూదత్త ఆళ్వార్, పేయాళ్వార్, పోయిగై ఆళ్వార్, పెరియాళ్వార్, తిరుమళిసై ఆళ్వార్, కులశేఖర ఆళ్వార్, తిరుప్పానాళ్వార్, తొండరాడిప్పోడి ఆళ్వార్, తిరుమంగై ఆళ్వార్, యెతిరాజులైన రామానుజాచార్యులైన ఉడయవర్, మరియూ నమ్మాళ్వార్లను నిత్యం పూజిస్తున్నాను.

మన భాషలో ఉర్దూ-మరాఠీ ఏల?

2011-03-19T01:09:00.000-07:00

ఈ మధ్య నేను చాలా మార్లు గమనించాను ఎన్నో సందర్భాల్లో చిన్న చిన్న పదాలను చాలా తప్పుగా విపరీతార్థాలు వచ్చే విధంగా రాస్తున్నాం.
ఉదాహరణకు సమైక్య అన్న పదాన్ని సమైఖ్య అని, హార్దిక అన్న పదాన్ని హార్ధిక అని, పిశాచాన్ని పిషాచమని
అలానే బ్లాగరుల భాష కూడ ఇదివరకులా మృదులంగా లేదు, కర్ణ కఠోరంగా అన్నట్టు రాస్తున్నారు.
కొందరైతే కొత్త పోకడలకు పోయి తెలంగాణా యాస అంటూ తెలంగాణలో నేను ఎప్పుడూ వినని, ఉర్దూ, మరాఠీ పదాలు తెలుగుకి కలిపేసి బ్లాగుల్లో రాయటం చూసాను.
కాసేపు తెలుగులో ఆఖరున రుకారం చేర్చి ఉకారం చేర్చి, మళ్ళీ మాట పూర్తయ్యాక ఒక ఉర్దూ వాక్యాన్ని చెప్పేస్తే అది తెలంగాణా భాష అయిపోదు.
ఒక రెండొందల సంవత్సరాల క్రితం ఉర్దూ లేదు పర్శియన్ కు ఒక సంకర భాష మాత్రమే ఉండేది, అప్పుడు కూడా తెలంగాణాలో ఈ విధంగా మాటలాడారా?
అసలు తెలంగాణా వారు ఇలాంటి తెలుగును మాటలాడరు.
ముక్కు రాక్షసుడిని ఆదర్శంగా తీస్కుని అతని అలవాట్లను అలవరించుకుంటే వింటానికే హేయంగా ఉన్ది.
కావాలనే ఉర్దూ, మరాఠీ పదాలను చేర్చి మాటలాడడం అనే ఒక కొత్త పోకడ ఇక్కడ పురుడు పోస్కుంది.
ఇలా చేసినంత మాత్రాన, ఆయా పదాలు తెలుగులో వచ్చి పడవు. సౌలభ్యాన్ని బట్టి భాషలో పదాలు వచ్చి చేరాలే గానీ ఇలా కావాలని వాడి వాటికి తెలుగులో సుళువైన ప్రత్యామ్నాయాలున్నా బలవంతంగా తెచ్చి కొత్త వికృత పదాలను చేర్చడం ఏ మాత్రం తగదు.
ఇకనైనా ఈ వింత పోకడలకు స్వస్తి పలికి మన భాషను కాపాడుకుందాం

తిరువీధుల మెరసీ దేవదేవుడు -- రథ సప్తమి ప్రాశస్త్యం

2011-02-09T10:38:00.000-08:00

మొట్ట మొదటగా చెప్పాలంటే ఇది నా బ్లాగులో యాభయ్యవ టపా
ఇక ఈ టపా ను ఒక మంచి విషయం పై రాద్దాం అనుకుంటూ ఉండగానే రథసప్తమి పర్వదినం వచ్చింది.
మనకు నిత్యపూజ్యుడు, ప్రత్యక్ష దైవం, మన చర-అచర సృష్టికి నియమకారుడు, కాలకారుడు అయినటువంటి సూర్యిని పుట్టిన రోజు నేడు, ముందుగా ఆ సూర్యాదిత్యునికి నమస్సులు.

ఆదిదేవ నమస్తుభ్యం ప్రసీద మమ భాస్కర
ప్రభాకర నమస్తుభ్యం దివాకర నమోస్తుతే

అంటూ సంధ్యయందు కొలిచి,

జయాయ జయభద్రాయ హర్యశ్వాయ నమోనమ:
నమోஉనమ:సహస్రాంశో ఆదిత్యాయ నమోనమ:

అని నిత్యం ఆదిత్యహృదయంలో కొలిచినా సూర్యునికి ఆ విధంగా కీర్తించడం చాలా తక్కువే.
సూర్యుడే మన సర్వ వయాపిశక్తులకు స్రోతం.
సూర్యుడు లేనిదే చెట్లు ఉండవు, జీవం ఉండదు
సూర్యుడు లేనిదే శక్తీ లేదు శక్తిలేనిదే మనము ఏ పనీ చెయ్యలేము.
రథ సప్తమి నాడు చిక్కుడు కాయలతో రథం చేసి అందులో పరమాన్నం ఉంచి నైవేద్యంగా పెడతారు.
అలానే సూర్యునికై ప్రత్యేక పూజలు చేస్తారు.
కానీ తిరుమలలో ఇంకా వైభవంగా చేస్తారీ పర్వాన్ని...
గతఏడాదే నాకీ విషయం అవగతమైంది. మా స్నేహితులలో ఒకరి పెండ్లి కని తిరుమల వెళ్ళగా రెండవ రోజు రథసప్తమి, చాలా బాగా జరుగుతుంది చూసి వెళదాం అని నాతో పాటు ఉన్న మరికొందరు స్నేహితులు అడగ్గా ఉండిపోయాను. స్వామివారి దర్శనం అయిన వెంటనే అల్పాహారం తీస్కొని మేము మాడ వీధుల్లో ఒకపక్క మెట్లపై కూర్చుని వాహన సేవలను తిలకించాం.
ఆ దేవదేవుడే తరలి వస్తున్నాడు, వరుసగా బ్రహ్మోత్సవాల్లో తొమ్మిది రోజుల వైభవం ఒక్క రథసప్తమి నాడే ఆ దేవదేవుడు నాకు చూపాడు, తదుపరి చక్రస్నానం కూడా తిలకించి ఆ పుణ్యతీర్థంలో మునిగి తరించాం.
మళ్ళీ ఆ భాగ్యం ఆ దేవదేవుడు ఎప్పుడు అందిస్తాడో?

Get this widget

Track details

eSnips Social DNA

కొత్త బంగారు లోకం

2011-02-08T01:11:00.000-08:00

కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!
కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!
కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!
కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!

జంట నెలవంకలుండే నింగి కావాలి మాకు,
వెండి వెన్నెల్లలోనే వేయి కలలు పండాలి మాకూ!
పూవులే నోరు తెరిచి మధుర రాగాలు నేర్చీ,
పాటలే పాడుకోవాలి, ఆది చూసి నే పొంగి పోవాలీ!
మనసనే ఒక సంపదా, ప్రతి మనిషిలోనూ ఉండనీ!
మమతలే ప్రతి మనసులో కొలువుండనీ!
మనుగడే ఒక పండగై కొనసాగానీ!

కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!
కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!

ఓడిపోవాలి స్వార్ధం, ఇల మరిచిపొవాలి యుద్ధం!
మరణమే లేని మానవులే ఈ మహిన నిలవాలి కలకాలం!
ఆకలే సమసిపోనీ అమృతం పొంగి పోనీ!
శాంతి, శాంతి అను సంగీతం ఇంటింటా పాడనీ ప్రతి నిత్యం!
వేదనే ఇక తొలగనీ, వేడుకే ఇక వెలగనీ,
ఎల్లలా పోరాటమే ఇక తీరనీ!
ఎల్లరూ సుఖ శాంతితో ఇక బతకనీ!

కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!

కొత్త బంగారు లోకం! మాకు కావాలి సొంతం!
గాలి పాడాలి గీతం! పుడమి కావాలి స్వర్గం!!

జాలంలో తెలుగు తీరుతెన్నులు

2011-02-03T15:04:00.000-08:00

భారతదేశంలో దాదాపు 8 కోట్ల జనాభా అంతర్జాలాన్ని తరచూ వాడుతున్నారు.

జూన్ ౨౦౦౯ నాటి గణాంకాల ప్రకారం దేశంలో 82 లక్షల బ్రాడ్ బ్యాండ్ అనుసంధానాలు గలవు.

అందులో రమారమీ 2 శాతం అనగా 16 లక్షలు మన రాష్ట్రం వారేఅని అంచనా( బ్రాడ్ బ్యాండ్ ఆధారంగా)

నేటికి ఇవి రెట్టింపు అయి ఉండవచ్చు.

మనం బ్లాగర్ల జనాభానే ప్రాతిపదికన తీసుకుందాం రోజూ కనీసం వంద బ్లాగులు, రెట్టింపు వ్యాఖ్యలు, దానికి రెట్టింపు బజ్జులు అందులో పదో వంతు ట్విటర్ లో తెలుగు వాడకాన్ని చూస్తున్నాం.

మరి వీరిలో చాలా వరకు ఏ ఉద్దేశ్యంతో జాలానికి చేరుతారు, నూటికి తొంభైతొమ్మిదిన్నర మంది వారి మనోల్లాసం కోసమే వస్తారు.

ఈ గణాంకాలను వేరే భాషలవారితో పోల్చుకుందాం!

నాకు హిందీ గుజరాతీ గట్రా బ్లాగుల గురించి విన్నా సమాచారం ఉంది కానీ ప్రత్యక్షంగా గమనించలేదు.

క్షుణ్ణంగా పరిశీలించింది తమిళం మరియు కన్నడం.

అదేవిటో వారి సినిమా, మరియు ఇతరత్రా జాలగూళ్ళు కూడా వారి భాషలోనే ఉంటాయి. కానీ అక్కడవారు బ్లాగటం చాలా తక్కువ, మరి జాలంలో అయితే ఎక్కువ సంఖ్యలోనే ఉన్నారు. మరి వారంతా ఏమి చేస్తున్నారు?

వారు జాలంలో ఎక్కువ సమయాఅన్ని వారి భాషాభివృద్ధికి కేటాయిస్తారు, స్థానికీకరణ, వికీపీడియా వంటివి దీనికి వేదికగా వారు వాడుతున్నారు!

వికీపీడియాను నేను ప్రాతిపదికగా తీస్కొని చూసాను, ఆశ్చర్యమేసింది! గణాంకాలు చూసి!

వికీపీడియాలో ప్రతీ వ్యాసం లో ఎన్ని మార్పులు జరిగితే అది అంత మెరుగైనది! నిజం స్థూలంగా!

దీనికి కొలమానం డెప్త్.

భారతీయ భాషల గణాంకాలను పరిశీలించండి ఇక్కడ.

హిందీ లో అత్యధిక వ్యాసాలు కలవు, అక్షరాలా 67,449 వ్యాసాలు అయితే హిందీ కి గల డెప్త్ కేవలం 25 అంటే అంత బాగా వ్యాసాలు రాయబడటంలేదు, తరువాత మన భాషే, తెలుగు 47,293 వ్యాసాలు. మురిసిపోకండి, మన డెప్త్ కేవలం 7 అంటే నిమ్నంగా అత్యల్ప డెప్త్! అంతేగా మరి మీరు తెలుగు వికీపీడియాకు వెళ్ళి వ్యాసాలతీరుతెన్ను చూడండి, ఎక్కడో ఒక్కటి 10 లైన్లకు మించి ఉంటుంది. మిగతావన్ని 1 లేదా 2 మరీ మహా అయితే అయిదు లైన్లు గలవే!

ఇది మన భాషకి ఎంతటి అవమానం!

అన్నన్నా!

అలానే వెతుకుతూ మన వెనుక ఉన్నవి గమనిస్తే, తరువాతి వరుసలో ఉన్న మరాఠీ(డెప్త్-20), తమిళం(డెప్త్-31) సంఖ్యాపరంగా మనకు వెనుకంజలో ఉన్నా, డెప్త్ లో మనకు ముందరే ఉన్నారు.

అయితే చెప్పుకోదగ్గది మళయాళం - కేవలం 16 వేల పై చిలుకు వ్యాసాలే ఉన్నా, ప్రతీ వ్యాసం కనీసం ఒక నిర్ణీత లైన్లు ఉండేలా వారు చర్య తీస్కున్నారు. అందుచేత వారికి కొలమానం ప్రకారం డెప్త్ 320! మనం చేరుకోవాలంటే ఇప్పుడున్నా 42 వేల వ్యాసాలన్నిటినీ మనం తీర్చిదిద్దాలి.

మీ ఊరు వికీపీడియాలో ఉంది, కానీ మీ ఊరి సమాచారం, మీ ఊరి బడి, గుడి, చెరువు వికీపీడియాలో కలవా?

వాటి చిత్రాలు?

ఈ విషయాలను వికీ లో చేర్చి మన భాషకే కాదు రాబోయే తరాలకు సమాచారం అందించిన వారవుతారు!

ఇక ఆ తర్వాత నేను గమనించింది విక్షనరీ , ఇది నిఘంటువు

విక్షనరీ గణాంకాలు ఇక్కడ చూడండి

అయితే ఇక్కడ గమ్మత్తు మనకు చాలా వెనుకవున్న అరవం ఇక్కడ మనకు 5 రెట్లు ముందు కలదు

భారతీయ భాషల్లో కూడా మన అరవ సోదరులే ముదలియార్లు!

అక్షరాలా లక్షా తొంభై రెండువేల పైబడి పదాలు కలవు!

ఆ తరువాత స్థానం కన్నడిగులది, ఎనభై ఆరు వేల పైచిలుకు పదాలు

ఆ పై మళయాళం అరవై వేలు +

మరి మనం కేవలం ముప్పై తొమ్మిది వేలు+

తేడా గమనించారా!
మనకు చెప్పుకోటానికే భాషాభిమానం, నిరూపణకు వస్తే సున్నా!

ఇకనైనా రోజూ మీరు బ్లాగ్గోలలకు పెట్టే సమయంలో ఒక నూరోవంతు వీటిపై దృష్టి పెట్టండి

మీకు వికీ దిద్దుబాటు రాదా, ఉచిత సహాయం అందిస్తున్నాం మమ్మల్ని సంప్రదించండి!

॥సత్కృతాయాస్తు మంగళం ॥

పర్వాలేదు పర్వాలేదు

2011-02-01T11:00:00.000-08:00

పరవాలేదు... పరవాలేదు...
చూడచక్క గున్నా లేకున్నా...ఏమ్ పరవాలేదు
నువ్వెలా ఉన్నా పర్లేదు.

పరవాలేదు... పరవాలేదు...
చూడచక్కగున్నా లేకున్నా... ఏం పరవాలేదు
నువ్వెలా ఉన్నా పర్లేదు

పరవాలేదు... పరవాలేదు...
ఊరు పేరు ఉన్నా లేకున్నా... ఏం పరవాలేదు
నువ్వు ఎవరైనా పర్లేదు... ఓ...

నీకు నాకు స్నేహం లేదు
నువ్వంటే కోపం లేదు
ఎందుకీ దాగుడుమూతలు అర్ధమే లేదు
మచ్చేదో ఉన్నాదనీ మబ్బుల్లో జాబిల్లి దాగుండిపోదు!

పరవాలేదు... పరవాలేదు...
చూడచక్కగున్నా లేకున్నా... ఏం పరవాలేదు
నువ్వెలా ఉన్నా పర్లేదు

ఉంగరాల జుట్టే లేదా? నాకు పర్లేదు
రంగు కాస్త తక్కువ ఐనా... మరి పర్లేదు

మసిలాగా ఉంటుందని తిడతామా రాతిరిని
తనలోనే కనలేమా మెరిసేటి సొగసులని..
అందంగా లేను అని... నిన్నెవరూ చూడరనీ
నువ్వెవరికి నచ్చవనీ... నీకెవ్వరు చెప్పారు?
ఎంత మంచి మనసో నీది
దానికన్నా గొప్పది లేదు
అందగాళ్ళు నాకెవ్వరూ ఇంత నచ్చలేదూ
నల్లగా ఉన్నానని కోకిల కొమ్మల్లో దాగుండిపోదూ!

పరవాలేదు... పరవాలేదు...
చూడచక్కగా లేకున్నా ఏం పరవాలేదు
నువ్వెలా ఉన్నా పర్లేదు

అంతలేసి కళ్ళుండకున్నా... నాకు పర్లేదు
కోరమీసం లేకున్నాగానీ మరి పర్లేదు

పరదాలే ఎన్నాళ్ళిలా... అని నిన్నే అడగమని
సరదాగా తరిమింది... మది నీపై మనసు పడి
మురిపించే ఊహలతో ముఖచిత్రం గీసుకుని
అది నువ్వో కాదో అని సందేహం ప్రతిసారి

చేరదీసి లాలించలేదు... నన్నిలా ప్రేమించలేదు
అందుకే ఇంకెవ్వరూ... ఇంత నచ్చలేదు
ఎవరేమన్నా సరే... నా చెయ్యి నిన్నింక వదిలేది లేదు
పరవాలేదు... పరవాలేదు...
చూడచక్కగున్నా లేకున్నా... ఏం పర్వాలేదు
నువ్వెలా వున్నా పర్లేదు.

పరవాలేదు... పరవాలేదు...
ఊరు పేరు ఉన్నా లేకున్నా ..ఏం పరవాలేదు
నువ్వు ఎవరైనా పర్లేదు

నాకు ఎంతగానో నచ్చిన పాట!

వింటూనే ఉన్నాను

హైదరాబాద్ లోవికీపీడియా దశాబ్ది వేడుకలు

2011-01-24T11:36:00.000-08:00

వికీపీడియా బృహద్విజ్ఞానసర్వస్వమునకు ప్రపంచవ్యాప్తంగా ఈ నెల ౧౫ న పదవ పుట్టిన రోజును జరుపుకున్న వేల మంది వికీపీడియన్ల స్ఫూర్తితో హైదరాబాద్ లోకూడా వికీ దశాబ్ది వేడుకలను ఈ ఆదివారం అనగా ౨౩ జనవరిన ఈ-తెలుగు సభ్యులు-వికీపీడియన్లు మరియు ఇతర వికీ ఔత్సాహికులు కలిసి అద్వితీయంగా జరుపుకున్నాం.
ఈ కార్యక్రమునకు వేదికను అందించి అందరికీ ఫలహార-తేనీరు అందించిన కశ్యప్ గారికి నెనరులతో ఈ టపాను మొదలు పెడుతున్నాను.

ముఖ్యంగా ఈ కార్యక్రమాన్ని చేయటానికే ప్రత్యేకంగా బెంగుళూరు నుంది హైదరాబాద్ వచ్చి కార్యక్రమాన్ని వారంక్రితం నుండే ప్రణాలికబద్ధంగా నిర్దేశన చేసిన అర్జునరావు గారికి నెనరులు.

కార్యక్రమం అనుకున్న సమయానికే మొదలయింది, అనుకున్నంతమంది జనం రాలేదు, కారణాలు ఎన్నో.

కానీ ఆశ్చర్యం- నెల్లూరు నుండి రామకృష్ణ గారూ, జహీరాబాద్ నుండి శివబాబు గారు రావటం. హైదరాబద్ లో ఉండే పనివత్తిడి తో రాలేకపోయారు కొందరు, కానీ వీరు ఎంతో శ్రమ పడి అంతదూరం నుండీ విచ్చేసారు అదే ఈ కార్యక్రమం లక్ష్యం నెరవేరింది అన్నదానికి నిరూపణ.

ఉదయం కార్యక్రమం పది గంతలకు అటూఇటుగా మొదలయింది. ముందుగా అర్జునరావుగారు ఆపై వీవెన్ గారు, మరియు నేను మామా సదస్సు విషయాలను చర్చించి ఆహూతులకు తెలిపాము.

వీవెన్ గారు వికీపీడియా-దిద్దుబాటుపై మాటలాడారు.

ఆ పై అర్జున రావు గారు తెలుగువికీపీడియా(తెవికీ) యొక్క అభివృద్ధిని, రాబోయే కాలపు తెవికీ దశ-దిశను తెలిపారు.

ఆ తర్వాత నేను వికీ మరియు సోదర ప్రకల్పాలైన వికీసోర్స్,వికీపుస్తకం, వికీమీడియాకామన్స్, వికీవార్తలు,వికీవర్సిటీ, విక్షనరీ గురించి వివరించాను.

కేక్ కోత, వికీపీడియావ్యాసాలు మరియు స్వేచ్ఛావాహక మృదోపకరణాల సీడీ ఆవిష్కరణ జరిగాయి

ఉదయపుపూట ప్రత్యేకాంశాలు-అర్జునరావ్ గారి రాక, రవిచంద్రగారికి ప్రశంసలు, శంకరాభరణం కందిశంకరయ్యగారి రాక.మరియు స్వేచ్ఛ నుండి శశిభూషణ్ మరియు భువన్ రాక.

గ్నోమ్ రంగస్థలావరణను పూర్తిగాతెలుగుకి స్థానికీకరణచేయటంలో సహాయపడిన సునిల్ మోహన్ సాంగత్యం ఒక కొత్త అనుభవం.

డాక్టర్ శివబాబు గారు సునీల్ కు కేక్ తినిపిస్తూ

అలాగే రాజశేఖర్ గారు మరియు ఇతర ప్రముఖ వికీపీడియన్ల ప్రస్తుతం కార్యక్రమాన్ని మరింత ఆసక్తికరం చేసాయి.

మద్యాహ్నపు ఆంగ్ల కార్యక్రమంలో జనం కాస్తపలుచగా వచ్చారు. ఇక్కడ ప్రవీణ్ ఎమెస్ మరియు ప్రవీణ్ ఇల్ల, వారి సహాయాలు అందించారు.

ఎమెస్ ప్రవీణ్ ఒక మంచి వికీపీడియన్. అతని రచనలు నన్ను చాలా ఆకట్టుకున్నాయి.

అతను ఎంతో ఆకర్షణీయంగా సదస్సును నడిపారు.

ఇకపై ప్రతినెలా కలుద్దం అనే ఆఖరు పదంతో మేము కార్యక్రమాన్ని ముగించాం.

మరికొన్ని చిత్రాలుః

మరియు అన్నిటికీ హైలైట్ మా అక్క-బావ సదృశులు

స్వాతక్క మరియు చక్రవర్తి భవదీయుడు గారు

నేను వికీపీడియా దశాబ్ది ఉత్సవాల్లో పాల్గోనున్నాను, మరి మీరో?

2011-01-21T15:27:00.000-08:00

వికీ నాచేతుల్లో ఉంది

వికీపీడియా గురించి తెలీని కంప్యూటర్ వినియోగదారుడు ఉండడు.
"నేను మొట్టమొదట జాలం ఉపయోగించినప్పుడు గూగుల్ వాడాను. కానీ రెండవ పేజీ నుండి
ఏ కొత్త విషయం తెలుసుకోవాలని నేను జాలాన్ని సందర్శించినా అది ఖచ్చితంగా వికీపీడియానే..."
ఇది సగటు జాల వాడుకరి నుండి వచ్చే మాట. మీ నుండీ రాకపోతే మీరు జాలాన్ని సక్రమంగా వాడటంలేదని అర్థం!!!

సరే ఇంతటి గొప్ప వికీపీడియా అనే సంపూర్ణ విజ్ఞాన సర్వస్వాన్ని ఎవరు రాస్తారు - నేను మీరు మరియు ప్రతి వికీ వాడుకరి, అతను అజ్ఞాతంగానైనా వికీపీడియాను సందర్శించి అందులో గల ప్రకరణలు లేక వ్యాసాలను చదివి, ఒకవేళ మార్పులేమైనా ఉంటే దిద్దుబాట్లు కూడా చేయవచ్చు.
ఆ విధంగా నేటికి తెలుగు వికీపీడియా(క్లుప్తంగా తెవికీ) లో దాదాపు ౩౬ వేల వ్యాసాలు కలవు అంటే మన తెలుగు బ్లాగ్ లోకపు బ్లాగ్ల సంఖ్యను కూడా ఇది దాటలేదు.
కారణం మనం బ్లాగులు రాస్తాం అందులో ఎక్కడలేని చెత్తా తెచ్చీ నింపుతాం!
కానీ ఇతరులకు అందులోంచి ఒక గంటో అరగంటో కాలక్షేపమో లేక శోకమో మిగులుతుంది.
అదే వికీ లో రాయాలంటే ఒక నిర్దిష్ట విషయం అది ఏదైనా కావచ్చు, ఉదాహరణకు మీరు రోజూ వాడే వస్తువుల నుండీ వార్తా సమాచార విషయాల దాకా, ఆవకాయ నుండీ అమెరికా దాకా అన్ని రకాల వ్యాసాలు చదువర్లకు కేవలం విజ్ఞానం అందించాలనే ఉద్దేశ్యంతో రాయాలి. అటువంటి ఉద్దేశ్యం లేకపోతే మీరు వికీపీడియన్లు కాలేరు.
సరే
ఇదొకటేనా!!
ఆగండీ!

వికీపీడియా మరియు అనుబంధ ప్రకల్పాలు

పై చూపిన చిత్రంలో వికీ మరియు అనుబంధ ప్రకల్పాలు(ప్రాజెక్టులు) అన్నీ కూడా వికీమీడియా అనే స్వచ్ఛంద సంస్థ నడుపుతుంది.

ఇందులో వికీపీడియా కాక

మిగితావి

వికీసోర్స్ : ఇది మూలగ్రంథాలు భద్రపరిచే ప్రకల్పం, ఇందులో మన వేదాలు, పురాణ-ఇతిహాసాలు, మరియు ప్రముఖ కథా-కవితా రచనలు చేర్చవచ్చు. వికీసోర్స్ అనేది ఒక భాండాగారం అనుకోవచ్చు. ఇక్కడ ఉండెడివి సాధారణంగా పెద్ద మార్పిడికి గురి కావు.

వికీమీడియా-కామన్స్ : ఇది ప్రముఖ చిత్రపటాలు, పాటలు, మరియు ఇతర చలన-జడ చిత్రాలకు నెలవు

వికీస్పీషీస్ : ఇక్కడ జీవశాస్త్రానికి సంబంధించిన సాంకేతిక నామాలను పొందుపరుస్తారు ఇది సాధారణంగా అందరు విద్యార్థులకు మరియు ప్రయోజకులకు ఉప్యోగపడుతుంది.

విక్షనరీ : ఇది నిఘంటువు, మన తెలుగు భాషలో గల ఎన్నో పదాలు మాండలిక పదాలను లను మనం ఇక్కడ చేర్చాల్సి ఉంది.

వికీన్యూస్ : ఇక్కడ వార్తలు వాటి విశ్లేషణలు మనం చేర్చవచ్చు

వికీకోట్ : ప్రముఖుల నోట వచ్చిన మాటలను ఇక్కడ ఉంచుతారు.

వికీ వర్సిటీ : ఇది పాఠశాలలకు విద్యాసంస్థలకు, కళాశాలలకు, విశ్వవిద్యాలయాలకు సంబంధించిన కోర్సులను చేర్చే ప్రకల్పం

వికీబుక్స్ : పుస్తకం అది అమూల్యమైనది, ఈ ప్రకల్పంలో పుస్తకాలను సాంకేతిక డిజిటల్ ఫార్మాట్ లో భద్రపరుస్తారు.

సరే మరి వీటిని ఎలా ఉపయోగించుకోవాలి???

ఎలా వీటిలో దిద్దుబాటు చెయ్యాలి?

అక్కడికే వస్తున్నా...

ఈ వికీపీడియా మొన్న పదిహేనవ తారీకున దశాబ్ది కాలం పూర్తి చేస్కున్నది.

ఈ సందర్భంగా వికీపీడియన్లందరూ పెద్ద వేదుకలు జరిపారు.

అయితే మన ఆంధ్రప్రదేశ్ లోమన హైదరాబాద్ నందు ఈ వేడుకలను మనం వచ్చే ఆదివారం అంటే 23 జనవరిన జరుపుకుంటున్నాం.

కార్యక్రమ వివరాలు ఇక్కడ చూడండి

అయితే దీనిని ఒక వేడుక మాత్రమే కాక మనం భాషాపరంగా ఎంత ముందంజ(లేక వెనుకంజ??) లో ఉన్నామో తెలుసుకుందాం.

వికీ లో తోడ్పాటు అంటే అది మనకు రాబోయే తర తరాల వరకూ సమాచారాన్ని భద్రపరచడం.

అంచేత మీ అందరి రాకకై ఎదురుచూస్తున్నాం.

అలానే ఫేస్బుక్ లో ప్రొఫైల్ కలవారు ఫేస్బుక్ నందు ఆహ్వానాన్ని స్వీకరించి వారి పేరు నమోదు చేస్కోగలరు

మన భాషకై కృషి చెయ్యాల్సిన సమయం ఆసన్నమయింది. అందరూ తోడ్పాటుకు ముందుకు రండి.

॥ సత్కృతాయాస్తు మంగళం ॥

ఎన్నాళకి ఎన్నాళ్ళకి!

2011-01-19T10:23:00.000-08:00

బ్లాగులోకంలోని చిన్నా పెద్దా అందరికీ ఈ రామానుజదాసుడి నమస్కారాలు!
నా బ్లాగులో టపా రాసి చాలా ఏళ్ళు గడిచినట్టుంది
పూణే వదిలి హైదరాబాద్ వచ్చినప్పట్నించి సమయం చిక్కడంలేదు
ఇవాళ్టికి కుదిరింది.
మొట్టమొదటగా ఈ-తెలుగు వారికి నెనరులు
అలానే నేను సంకల్పించిన విధంగా లినక్స్ వాడకాన్ని ప్రోత్సహిస్తూ తాము కూడా లినక్స్ వాడుకర్లుగా మెల్లగా మారుతున్న వారందరికీ కూడా నా నెనరులు.
ఇక మిగిలింది వికీ సంబంధిత అవగాహన
తెలుగుతల్లి గుంపు ఏర్పరిచి ఒక మహాయజ్ఞానికి నాంది పలికారు తాడేపల్లి లలితాసుబ్రహ్మణ్యం గారు
ఆయన తలపెట్టిన ఈ బృహత్కార్యానికి ఎంత చేసినా తక్కువే.
అలానే ఈ-తెలుగు సభ్యులు కూడా అలా ఇలా కాక , చాలా మంచి పనులు చెయ్యాలనే సంకల్పంతోనే ఉన్నారు.
ఇంత మంది మంచివారిని పెట్టుకుని నేనింకా నా తెలుగు చాలా దీన హీన స్థితిలో ఉందని ఊహించుకునే వాణ్ణి.
సరే అంతా బాగానే ఉంది.
అందరికీ ఆమోదయోగ్యంగా సజావుగా అన్ని కార్యక్రమాలు జరగాలని కోరుకుంటూ
॥ సత్కృతాయాస్తు మంగళం ॥

పుస్తక ప్రదర్శనలో ఈ-తెలుగు వెలుగులు... మొదటి రోజు

2010-12-16T10:36:00.000-08:00

హైదరాబాద్ పుస్తక సంత సమాజం వారు ప్రతి సంవత్సరం హైదరాబాద్ లోని నెక్లెస్ రోడ్ లో గల పీపుల్స్ ప్లాజా నందు పుస్తక ప్రదర్శన(సంత) ను ఏర్పాటు చేస్తారు. అదే విధంగా ఈ ఏడు కూడా వారు ౨౫వ సారి ఈ ప్రదర్శనను జరుపుతున్నారు. వారు ఏర్పాటుచేసే స్టాల్స్(గూళ్ళలో) ఒకటి ఈ-తెలుగు వారికై కేటాయించబడి ఉంది, ఆ గూడు నందు ఈ-తెలుగు సభ్యులు మరియు ఉత్సాహవంతులైన తెలుగు బ్లాగర్లు స్వచ్ఛందంగా గూడును నిర్వహిస్తూ వచ్చే సందర్శకులకు అంతర్జాలంలో మరియు కంప్యూటర్లో(సంగణకయంత్రంలో) తెలుగు వాడకానికి సంబంధించి వివరిస్తూ, వారికి గల సందేహాలను నివృత్తి చేస్తూ ఉంటారు. ఇది గత మూడేళ్ళుగా జరుగుతోందిట. నేను క్రితం ఏడు ఒక రోజు మాత్రమే ఉమేదువారిగా(వాలంటీరుగా) ఈ క్రతువులో పాలు పంచుకున్నాను.
మన మాతృభాషకై అంతైనా చెయ్యొద్దు మరీ!
అయితే ఈ ఏడు ఎలాగూ మనకు కాస్త స్వతంత్రం లభించింది, చదువు అయిపోయి ఉద్యోగపర్వంలో పడ్డాను. అంచే పోయిన సారిలా మరీ ఒక్క రోజు కాకుండా కనీసం ఒక ౪ రోజులు ఉందాం అని తీర్మానించుకున్నాను.
ఇవాళ ప్రదర్శన మొదటి రోజు, పైగా ప్రదర్శన ప్రారంభోత్సవం సాయంత్రం 6 గంటలకు అని, అయినా ఏదో ఒక సాయం కావాలి కదా అని ఒంటిగంటకి ఇంట్లో బయలుదేరా, తీరా బస్సులు మారి ఖైరతాబాద్ చేరి నడిచే ఓపిక లేక నెక్లెస్ రోడ్ వరకు ఎమెమ్టీఎస్ రైల్లో వెళ్ళి మొత్తానికి దాదాపు అటూ ఇటుగా ౩ గంటలకు విడిది కి చేరాను, అప్పటికే వీవెన్, కశ్యప్, భార్గవ్, శ్రీరాం గార్లు అంతా సర్ది బ్యానర్లు కట్టి సిద్ధంగా ఉన్నారు, ఇంకా జనం పలుచగానే ఉన్నారు ఇంతలోనే భవదీయుడు గారి అర్ధాంగి శ్రీమతి స్వాతి చక్రవర్తి గారు వచ్చారు, వారి తర్వాత రవి గారు.
అలా మన వారు కొందరు వచ్చి చేరాక కరపత్రాలు, సందర్శకుల జాబితా వంటి వాటి గురించి కొన్చెం సేపు చర్చించి
అప్పుడప్పుడు వచ్చే ఒకరిద్దరికి కరపత్రాలు అందిస్తూ, సమయం గడిపాము.
ఆరింటికనుకున్న ప్రారంభోత్సవం ౭కి అయింది, ఆ పై కొందరు ప్రముఖులు గూడును సందర్శించారు.
సభ ముగిసాక దాదాపు ఒక అరడజను మందికి నేను వివరించాక ఒకానొక మనిషి చిరునవ్వుతో పలకరించారు, ఒంటిమీద మనకు పడని M$ టీషర్ట్, పరిచయం చేస్కున్నాక తెలిసింది అతను ప్రణవ్ ఐనవోలు. కాసేపు మాటామంతీ, ఇంతలోనే సమయం రాత్రి తొమ్మిది గంటలు. సరే ఇక అందరికీ సెలవు చెప్పి, ఎవరి దారి వారు పట్టాం, నాపాటుగా ఖైరతాబాద్ వరకూ సీబీరావ్ గారు నడక కలిపారు, మాటల్లో సమయం ఇట్టే గడిచిపోయి, ఇంటిదారి పట్టా.
ఈ రోజు నాకు మర్చిపోలేని కొన్ని స్మృతులేమిటంటే -- ఒకటి వచ్చిన సందర్శకులలో కొందరు తెలుగును కంప్యూటర్లో వాడగలం అన్న విషయాన్ని తెలుసుకుని చూపిన సంతోషం, రెండు ప్రణవ్ పరిచయం, మూడు ఈ-తెలుగు మెయిల్లో నా పేరు దూరసంఖ్యతో పాటు రావడం.
ఇక రేపటి నుండీ జనం బాగా వస్తారు, వారికై కొన్ని ఆలోచనలు చేయాలి!
|| సత్కృతాయాస్తు మంగళం ||

ఈ వేగు మీకందిందా?

2010-12-13T01:10:00.000-08:00

"నమస్కారం

నిన్న ౧౨ డిసంబర్ న జరుగవలసిన సమావేశం అనుకున్న విధంగా కాలేదు కాబట్టి, అక్కడ జరుగవలసిన చర్చను ఇక్కడ పెడుతున్నాను, ఎవరెవరికి ఈ వేగు అందిందో నాకు ప్రత్యుత్తరమిస్తే తదనుసారం తదుపరి చర్చ జరుపవచ్చు.

రాబోయే తెలుగు పుస్తక ప్రదర్శనలో ఈ-తెలుగు స్టాల్ లో ఉండి ఈ-తెలుగు, కంప్యూటర్ లో తెలుగు వాడకం, మరీ ముఖ్యంగా అంతర్జాలం లోని సాంఘికజాలనెలవులలో(సోషల్ నెట్వర్కింగ్ సైట్స్) తెలుగు ఉపయోగం వంటివి ప్రదర్శనకు వచ్చే వారికి వివరించేందుకు ఉమేదువారీలు(వాలంటీర్లు) కావాలి.
సాఫ్ట్వేర్ పటాలం వారంతా ఎలాగూ వారాంతాల్లో దిగుతారు, వారపు రోజుల్లో కూడా ఈ క్రతువుకు ఔత్సాహికులు కావాలి.
ఇది కాక అక్కడ మనం పంచిపెట్టే కరపత్రాల విషయ-వస్తువు(కంటెంట్), మరియు సీడీల విషయవస్తువు పై ఎవరైనా ఏమైనా అభ్యంతరాలు, అభ్యర్థనలు కూడాచేస్కోవలసి ఉంది.
ఇదే కాక ప్రదర్శనకు వచ్చే ఆహుతులను తెలుగు భాష, తెలుగు స్థానికీకరణ, ఈ-తెలుగు పట్ల చైతన్యం తెప్పించాలి, అందుకు మీకు తోచిన ఏవైనా అవుడియాలు,సూచనలు ఉంటే తెలుపగలరు.

నావైపు నుండి సూచనలు:

ఈ-తెలుగు సీడీ విషయవస్తువులో చాలా వరుకు పరిణితి అవసరం, ఈ నాటి అందుబాటులో ఉన్న ఉపకరణాలు(ఉదాహరణకు, స్కిమ్~ లైబ్రరీలను లినక్స్ వాడుకర్లకై , ప్రముఖ్ యొక్క ఐఎమ్మీ డాస్ వాడుకర్లకు) జత చెయ్యాలి.
బ్లాగుల పరిచయం,విశ్లేషణ పైగల వీడియో లో మాట చాల అస్పష్టంగా సన్నగా ఉంది, కొంచెం గంభీరంగా ఉండే గొంతు వారు మాటలు అందించాలి.
కరపత్రంలో బ్లాగులు వికీపీడియా మాత్రమే కాక తెలుగు పదం, ఆంలైన్ డిక్షనరీ ల గురించి కూడా చేర్చాల్సి ఉంది
ఈ-తెలుగు తోడ్పాటు బృందం గురించి కూడా అందరు ఆహుతులకు, ఈ-తెలుగు, బ్లాగరులకు తెలుపాలి. దీనిని కరపత్రాల్లో చేర్చాలి.
తెలుగు లినక్స్, ఈ-తెలుగు, తోడ్పాటు బృందాలకు మరింత మంది స్వచ్ఛందంగా ముందుకు రావాలి

ఇంకా ఏమైనా ఉంటే కలపగలరు.

భవదీయుడు

రహ్మానుద్దీన్ షేక్
నాని
॥రామానుజార్య దివ్యాజ్ఞాం వర్ధతామపివర్ధతాం॥"

అందనిచో ఇక్కడ చదివి నాకు ప్రత్యుత్తరం పెట్ట విన్నపం.

నా వేగు ఐడీ : nani1only@gmail.com

॥ సత్కృతాయాస్తుమంగళం॥

తెలుగులో ధనుర్మాసం

2010-12-04T03:28:00.000-08:00

ఈ సారి ధనుర్మాసాన్ని వేరే విధంగా జరుపుకోవాలి.
ఈ తడవ ద్రవిడ తిరుప్పావై తో పాటుగా మన తెలుగు లో
మన ఆంధ్రభాషలో రాయబడిన ఆముక్తమాల్యద పారాయణం కూడా చేద్దామనుకుంటున్నా
ఇది మనమొక పరంపరగా మార్చుకుందాం

అపురూపమైన పాటల సమాహారం

2010-12-04T01:34:00.000-08:00

యూట్యూబ్ లో అలా అలా విహరిస్తుండగా ఈ పాట నా కంటపడింది

ఎంతో శ్రావ్యంగా చిత్ర గారు పాడుతుంటే మైమరిచిపోయాను
ఆరా తీయగా ఈ సంవత్సరపు ప్రతమార్థంలో అయిదు భాషల్లో ప్రేమ అనే అంశం తో ఈస్టిండీయా ఆడియోస్ వారు ఒక ఆల్బం రూపొందించారని అందులో పాటలకే రారాజులు , చక్రవర్తులగు పాటలున్నాయని తెలిసింది

కాకపోతే అన్ని చోట్లా పూర్తి ఆల్బం కోసం వెతికినా దొరకలేదు
అంచేత ఇప్పుడే ఆడియో సీడీ షాప్ కెళ్ళి కొని వినాలన్న కోరికతో వెళితే అక్కడా లేవు.
ఇక సగం సగం పాటలు యూట్యూబ్ లో వింటున్నా

లినక్స్ వాడకపోవటానికి గల కారణాలు

2010-12-04T00:50:00.000-08:00

చాలా రోజులైంది బ్లాగు లో ఒక టపా రాసి. నా శిక్షణకాలం కావటం వలన నాకు సమయం అస్సలు కుదరటం లేదు.
ఇన్ని రోజులకి సమయం కూర్చుకుని ఈ బ్లాగు రాస్తున్నా!

తెలుగు వాడకాన్ని మన సంగణక యంత్రాల్లో పెంపొందింప చెయ్యటం అనేది ఇప్పుడు నా ముఖ్య లక్ష్యం
అందుకు లినక్స్ వాడకం ఒక మంచి దారి. మరి చాలా మంది లినక్స్ వాడాలంటే భయపడతారు.
ఇందుకు నేను మన ఈ-తెలుగు వారు నిర్వహిస్తున్న పుస్తక ప్రదర్శన స్టాల్ లో ఒక చిన్న ప్రదర్శన మరియు అంకోపరిని తెచ్చుకునే వారికి లినక్స్ స్థాపన వంటివి ఒక రోజు నాకు ఖాళీ ఉన్న రోజు చెయ్యాలనుకుంటున్నా.
ఇది నేను ఇంకా ఈ-తెలుగు వారితో సంప్రదించి ఏ రొజు జరుగుతుందో తరువాత చెపుతాను.
అయితే సంగణక యంత్ర వాడుకర్లు లినక్స్ ను ఎందుకు వాడరో.
లేక లినక్స్ వాడకంలో వారికి ఏమి ఇబ్బంది గలదో వారు నా బ్లాగాభిముఖంగా తెలిపితే
ఆయా అంశాలను నా ప్రదర్శన లో చేర్చి వాటిపై అవగాహన కలిపిస్తాను
వృత్తిరీత్యా నిబద్ధులు ఏమీ చెయ్యలేరు వారు వారి కంపెనీ చెప్పిన నిర్వహణ వ్యవస్థనే వాడాలి
అలా కాకుండా మిగతా వారు మీ మీ అభిప్రాయాలను మీ వ్యాఖ్యలుగా ఇక్కడ పెట్టండి
అలానే ఎన్నో లినక్స్ మరియు ఇతర స్వేచ్ఛామృదోపకరణాల యొక్క డాక్యుమెంటేషన్ తెలుగులోకి అనువాదం కావలసి ఉంది అందువలన ఇటువంటి వాటికి ఎన్తమంది ఉత్సాహంగా ఉన్నారో తెలుపగలరు

॥ సత్కృతాయాస్తు మంగళం ॥

భైరవ ద్వీపం లో వాడిన గులుతె ఇదిగో ఇక్కడ

2010-11-09T21:35:00.000-08:00

చాలా రోజులుగా ఈ విధంగా రాద్దాం అనుకున్నా కానీ చాలా ఎడిట్స్ ఉంటాయి అని రాయలేదు కానీ హెచ్ టీ ఎం ఎల్ లో ఒక ట్యాగ్ ఉంది బీడీఓ అని అది వాడి గులుతె లో చాలా సులువుగా రాయవచ్చు మీరూ ప్రయత్నించండి

హ్యారీపోటర్ ఆఖరి మజిలీ యొక్క మొదటి భాగం వచ్చేస్తోంది

2010-11-06T03:07:00.000-07:00

ఎప్పుడు-ఎప్పుడా అని ఎదురు చూస్తున్న రోజు వచ్చేస్తోంది ఇవాళ నుండి దాదాపు పడి రోజుల్లో హ్యారీపోటర్ తన మాయాలోకంను తీసికొని మళ్ళీ మన ముందుకు వస్తున్నాడు
హ్యారీ పోటర్ అండ్ ది డెత్లీ హ్యాలోస్ మొదటి భాగం నవంబర్ ౧౯ న రిలీజ్ అవబోతోంది
నేను పాఠ్యేతర పుస్తక పఠనం ఒకానొక సందర్భంలో వదిలేసాను మన విద్యావ్యవస్థ దయ వల్ల
కానీ ఈ పోటర్ మానియా వల్ల లాగ్ టేబుల్స్ పుస్తకానికి ౩౦ రూపాయలు కూడా ఖర్చు పెట్టని నేను వందల్లో ఖర్చు పెట్టి ఈ పుస్తకాలను కొని, చదివి తన్మయిన్చేవాడిని. నాలా చాలా మందిని పుస్తకాల వైపు ఆకర్షించిన ఈ పోటర్ మానియా
సినిమాల వైపు కూడా అంతే ప్రభావం చూపింది. పోటర్ సినిమా వస్తుంది అంటే కనీసం ఒక నెల వరకూ టికెట్లు అడ్వాన్సు బుకింగ్ అయిపోతాయి.
ఇది ఎంత తీవ్రమంటే ౪వ భాగం అయిన ప్రిజనర్ ఆఫ్ అజ్కబాన్ చూడటానికి నాకు నెల తర్వాతే టికెట్లు చిక్కాయి.
ఈ ప్రస్తుతం రిలీజ్ అవుతున్న సినిమా యొక్క పుస్తకాన్ని నేను ౨౦౦౭ లో అనుకుంటా కోఠీ లోని యూనివర్సల్ షాప్ లో నెలన్నర ముందే బుక్ చేస్కున్నా -- అంత ప్రభావం చూపిందీ పుస్తకం
కొన్నాక పదే పదే ఒక పన్నెండు మార్లు చదివాను
సమయం కుదిరినప్పుడల్లా చదువుతున్నా కూడా--ఈనాటికీ
మొత్తం ఏడు భాగాల్లో ప్రచురితమైన పుస్తకాలను వార్నర్ బ్రదర్స్ వారు సినిమాలుగా తీయటం మొదలెట్టారు
ఏడవ భాగాన్ని మాత్రం రెండు సినిమాలుగా తియ్యబోతున్నారు అందులోని మొదటి భాగాన్ని మరో ౧౦-౨౦ రోజుల్లో నేను చూడబోతున్నా
కానీ పుస్తకం చదివాక సినిమా చూడటం చాలా వేలటిగా ఉంటుంది
పుస్తకంలోని అన్ని సీన్లు సినిమాలో రావు
పుస్తకంలో పాత్రలను మనం ఒకలా ఊహించుకుంటే సినిమాలో వేరేలా ఉంటాయి
సన్నివేశాలు కూడా , అది మన సాంకేతిక అపరిపక్వతకు నిదర్శనాలు
కానీ ఇదే తరహాలో ఇంతకన్నా వేయి రెట్లు ఉండే మన తెలుగు కథలకు ఎందుకో ప్రాచుర్యం లేదు?!!!!???
|| సత్కృతాయాస్తు మంగళం ||

రేపెవరు చూశారు?

2010-10-30T09:29:00.000-07:00

తెలంగాణ వస్తే అది చేస్తాను. ఇది చేస్తాను అని ప్రగల్భాలు పలికే కేసీయారు గారు రేపు ఏమి చేస్తారు? ఎస్సీ సీఎం అట, ముస్లిం డిప్యూటీ సీయం అట. అంతేనా సీఈఓలకు సభ ఏర్పాటు చేసి తెలంగాణా భూముల్ని(హైదరాబాద్ శివారులను) ఎకరం ఇరవై కోట్లు పెట్టి అమ్ముతారుట.
ఒక వేళ రేపు శ్రీకృష్ణ కమిటీ ఇచ్చే సిఫారసులలో హైద్రాబాద్ ఒక వేళ కేంద్ర పాలిత ప్రాంతమో, లేక భారత్ కు రెండవ రాజధానో అయిందంటే ఏమిటి సంగతి?
తెలంగాణ విమోచనాన్ని తెలంగాణ విలీనం అన్న ఊసరవెల్లి ధోరణికి ఏమిటీ రూటు?
ఒకవేళ పై చెప్పిన విధంగా హైదరాబాద్ అటుకాక ఇటుకాక అయిందంటే ఏమిటి?
వలసలు-వలసలు అవి మన రాష్ట్రం కాదు పక్క రాష్ట్రాల నుండి, ప్రతి చోట పదిరెట్ల స్పర్ధ!
రాయలవారిసీమ, ఆంధ్ర సర్కార్ వాసుల స్పర్ధను తట్టుకోలేక ప్రత్యేక ఆరక్షణలను కోరుకునే వారి సంగతేమిటి?
ఏమి చేస్తారు?
ఏమో రేపు ఎవరు చూశారు?
తెలంగాణాంధ్రులు , తలని కత్తిరించుకుని పోతామంటే వారిని వారించేవారెవ్వరూ లేరు, కాకపోతే వారి దారిన వారు పోక మొత్తం జనం వారి వెంట
ఉన్నారనుకుని భ్రమ పడుతున్నారే అక్కడే వారి అసలు సామర్థ్యం తెలుస్తుంది.
తెలుగు == ఆంధ్ర
ఆంధ్ర == తెలుగు
కాకతీయాంధ్రులం మనం, రాయలాంధ్ర మనది, సర్కారు(కోస్తాంధ్ర)-నెల్లూరు మనది.
దీనిని కాదనేది అవివేకులు.

ఉబుంటు పంపకంలో తెలుగు ఖతులను స్థాపించే విధానం

2010-10-23T23:20:00.000-07:00

ఉబుంటు పంపకంలో by default, పోతన మరియు వేమన ఖతులు ముందుగానే స్థాపితమై ఉంటాయి. అవి కొందరికి నచ్చవచ్చు మరికొందరికి నచ్చకపోవచ్చు.

ఒకవేళ మీరు కొత్త ఖతులు స్థాపన చేయదలచుకుంటే, అదెంతో సుళువు.

ముందుగా ఆయా ఖతులను డౌన్లోడ్ చేసుకుని ఆ టీటీఎఫ్ దస్త్రాలను su గా

/usr/share/fonts అనే ఫోల్డర్ లోకి కాపీ చేస్కోండి ఆ పై ఈ కమాండ్ ను రన్ చెయ్యండి

fc-cache -fv

ఇది రన్ చేసాక మీ యంత్రంలోకి ఆయా ఖతులు స్థాపితమవుతాయి

లేదా పై కమాండ్ ను రన్ చెయ్యకుండానే సిస్టంను రీస్టార్ట్ చేస్తే సరిపోతుంది

కొన్ని మంచి తెలుగు ఖతులు :

ప్చ్ ... ఏంటో మిమ్మల్ని ఎలా అర్థం చేస్కోవాలో?

2010-10-07T22:47:00.000-07:00

అదేంటండీ నిన్న నేను చేసిన క భాష ప్రయోగం ఫ్లాప్ చేసారు.
అసలు కొందరైతే వాంతిలు, చేస్కున్నారన్న సమాచారం, మరి కొందరికి చదివినంత సేపు బోర్ కొట్టిందట.
కానీ చెప్పేదేమిటంటే మరి ఏ భాష కు లేని కొన్ని ప్రత్యేకతలు మన తెలుగు భాషకు ఉన్నాయి, వాటిలో ఒకటి ఈ క భాష ప్రయోగం, మా చిన్నప్పుడు మా ఇంటిల్లిపాదీ క భాషలోనే మాట్లాడేవారు, మొదట్లో నాకేమి అర్థం అయ్యేది కాదు.
మా అమ్మ ఇప్పటికీ మా పెద్దమ్మని అంటే వాళ్ళ అక్కను కసికస్టకర్ అని పిలుస్తూ, మళ్ళీ దానిని కూడా కుచించి కసి అని పిలుచుకుంటారు ఇద్దరూను.

తర్వాత్తర్వాత నేను నేర్చుకుని, మా తమ్ముళ్ళకి నేర్పి, భలే ఆనందం వేసేది.
ఆ తర్వాత ఈ ప్రయోగాన్ని జేబీ గారు వ్యాఖ్యానించినట్టు చంటబ్బాయ్ సినిమాలో వాడింది చూసి, అరె మమ్మల్ని కాపీ కొట్టారు అని అనుకుని జంధ్యాల గారి మీద కేస్ వెయ్యటానికి సిద్ధం కూడా అయ్యాం, నేనూ-మా తమ్ముళ్ళు,అక్క.
కానీ అలానే జలేజడీజస్ జటైజలజర్ జసిజనిజమా జలో జమజచ్చ జల జ భాష చూసి ఇది తెలుగువారందరి సొత్తు అని అర్థం అయ్యింది.

ఇంతకీ ఈ ప్రయోగం ఎందుకు చేసానంటే త్వరలో మా ఇంటికి వెళ్ళబోతున్నాను , అక్కడ మళ్ళీ ఈ ప్రయోగం మొదలెడదాం అని.

రేపో ఎల్లుండో మన పంద్వీవరభై లో నడివా గులుతె డాకూ నున్నాతుబోచగింయోప్ర.

దాని రియాక్షన్ ఎలా ఉంటుందో మరి.

|| సత్కృతాయాస్తు మంగళం ||

కబ్లాకగు కచకదికవి కవ్యాకఖ్యకలు కరాకసే కవాకరికకి కవికజ్ఞకప్తి

2010-10-07T02:55:00.000-07:00

కనేకను కచాకలా కరోకజుకలుకగా కమకన కతెకలుకగు కసికనికమా కపేకటెంకట్ కచేకస్కుకన్న కకొకన్ని కవికషకయాకలకను కమకనకమంకతా కమకరికచికపోకతుకన్నాం కఅకన్న కభ్రకమకలో కఉకన్నాకను. కకాకస్త కక్లాకరికటీ కఇకవ్వంకడి.
కమకన కసికనికమాకల్లోకనే కఅకచ్చంకగా కపంకడికన కకాకమెకడీకలు, కప్రాకసకలు, కచాకలా కచాకలా కమకన కదైకనికక కవాకడుకకకరి కభాకషకలో కచోకటుకచేకస్కుకన్నాకయి. కఉకదాకహకరకణకకి కనీ కఎంకకకమ్మ కఅకనే కతికట్టు.
కఅకలాకనే కఈ కక కభాకష కకూకడాకను.

కఅకయికతే కతకమాకషాకగా కఎకవ్వకరికనీ కనొకప్పింకచకకుంకడా కఉంకడాకలకని కఈ కప్రకయకత్నం.
కనా కబ్లాకగు కటకపాకలు కఒకక కప్రకత్యెకక కవికషకయంకపై కఉంకడకవు, కవికవికధ కరకకాకల కవికషకయాకలకపై కఉంకటాకయి
కసో కఅన్ని కఅంకదకరికకీ కకాకవు, కఏ కటకపా కఎకవకరికకై కరాకయకబకడింకదో కవాకరూ కచకదుకవుకతుకన్నాకరు
కసంకబంకధం కలేకని కవాకరూ కచకదుకవుకతుకన్నాకరు. కఇకక్కకడ కవకరకకూ కబాకగుంకది.
కమకరి కఅకర్థం కకాకకకపొకతే కఅకది కవాకరికకి కసంకబంకధింకచికన కవికషకయం కకాకదు కకకదా కఅకని కతకప్పుకకోకరు.
కఏకదో కఒకక కచెకత్త కవ్యాకఖ్య కపెకడకతాకరు. కసాకధాకరకణంకగా కవ్యాకఖ్యకలకన్నింకటికని కనేకను కపకబ్లికష్ కచేకస్తాకను, కకాకనీ కఇకకకపై కమోకడకరేకట్ కచేకసి కఅకర్థం కపకర్థం కలేకని కవ్యాకఖ్యకలకను కపీకకేకయ్యాకలకని కనికర్ణకయింకచుకకుకన్నాకను.
కఇకక కఅకనాకనికమకస్ కలు కవాకరి కసొంకత కపేకరు కఅకదే కవ్యాకఖ్యకలో కఒకక కమూకల కపకడేకస్తే కసంకతోకషం

|| సత్కృతాయాస్తు మంగళం ||

పూజ ఇక్కట్లు

2010-10-06T00:25:00.000-07:00

ఒక్కోసారి అనిపిస్తుంది అసలు మనం పూజ కూడా తెలుగులోనే చెయ్యాలి కదా అని
భగవంతుడు సర్వవ్యాపి సర్వజ్ఞుడు అయినపుడు ఆయనకు మనం సంస్కృతంలోనే పూజ-ప్రార్థన గట్రా చెయ్యాలా అని
అలానే క్రైస్తవులు ఆంగ్లంలో ప్రార్థన చేస్తేనే వీరి ప్రభువు వారిని కరునిస్తాడా?
అయితే మొహమ్మదీయులలో వెసులుబాటు ఉంది. కొంత భాగం (ఖురాన్ మజీద్ నుండి చదివే అధ్యాయాలు) అరబీ లో చదివి మిగతా భాగం నమాజును వారి భాషలోనే చదవవచ్చు
తమిళనాట, ఇదే జరుగుతుంది.
అయితే పులివెందులలో ఉన్న కొన్ని రోజులు నేను గమనించింది ఏమిటంటే అక్కడ ఖుత్బా(ప్రవచనం) కూడా తెలుగులోనే జరుగుతుంది.
మరి విజయవాడ, హైదరాబాద్ లలో ఇలాంటి ఆచారం నేను గమనించలేదు.

సరే ఇక విషయానికొస్తే ఈ ప్రశ్న చాలా సార్లు చాలా చోట్ల అడగబడింది
ఎవరికీ ఇష్టమొచ్చినట్టు వారు చెప్పుకున్నారు గాని ఒక కంక్లూషన్ కు రాలేదు
అదేదో తెలుగులో పూజిస్తే పూజారులను పురోహితులను ఉద్యోగభ్రష్టం చెయ్యటమన్నాడు ఒక శాల్తీ.
ఇక చూద్దాం
పూజకు చెప్పుకునే సంకల్పం తెలుగులోనే చెప్పుకోవచ్చు, ఇబ్బందేం లేదు, ఆ పై ఆవాహనం అంగ పూజ వంటివి తెలుగులో చెప్పిచూడండి మీకే నవ్వు వస్తుంది ఫలానా దైవం యొక్క పాదాలకు, తొడలకు, చేతులకు అంటూ శరీర భాగాలను తెలుగులో చెబితే కొంచెం ఇబ్బందే.
అందుకని ఆ భాగం సంస్కృతం లోనే కానిచ్చేయ్యండి
ఆ పై చేసే నివేదనలు, క్షమాప్రార్థనలు, స్తోత్రాలు ఎంత తెలుగీకరించి పూజిస్తే అంట బావుంటుంది
రేపటినుండీ ట్రై చేసి నాకు చెప్పండి మీ అనుభవాలు

మరొక విషయం ఈ మధ్య గమనించాను
గుడి అనేది దైవ సన్నిధి
అక్కడ్నించీ బయటకు వచ్చేవారి ముఖాహార్యం చూడాలి ఏదో వారి జీవితాల్లో చాలా సమయం వృథా అయినట్టు ముఖాలు పెట్టుకుని బయటకు వస్తారు.
అలాంటప్పుడు గుడిలో ఉన్నంతసేపు వారి మదిలో మెదిలేది ఆ దైవ చిన్తనో లేక ప్రశాంతచిత్తం కాదు
గుడినుండి బయట పడ్డాక ఏ రెస్టారెంట్ కి వెళ్లి ఏమి ఆర్డర్ చెయ్యాలి
ఏ షాప్ కి వెళ్లి ఏం కొనాలి అన్న ప్లానింగ్ లో వారి మస్తిష్కం బిజీ
ఇక దేవుడికి టైం ఎక్కడ.
దయచేసి ఈ చేష్టలు చేసే పక్షంలో గుడి కార్యక్రమాన్ని పక్కన పెట్టటం మంచిది.
రోజుకి పది నిమిషాలైనా దైవ చింతన చెయ్యండి చాలు
మీ పేరు మీద అర్చన చేయిస్తే చాలదు ఆ అర్చన చేయించుకుంటున్నన్త సేపూ ఆ దైవాన్ని ఆస్వాదించాలి
లేని పక్షంలో అధోగతే

||| సత్కృతాయాస్తు మంగళం |||

కొత్తవారికి లినక్స్ పంపకం

2010-10-05T10:39:00.000-07:00

ఇదివరకే లినక్స్ పంపకాల గురించి ఇక్కడ చర్చ జరిగింది చూడగలరు.
అయితే విండోస్ కంటే ఎన్నో రెట్లు మేలయినదని అనుకుంటున్నాం కదా లినక్స్ ను
అందుకని లినక్స్ కు మారదామా అంటే ఒక పెద్ద చిక్కుప్రశ్న ఏపంపకం వాడాలి అని
పక్కింటి శ్రీను డెబియన్ ది బెస్ట్ అంటాడు ఎదురింటి రాజు ఫెడోరా బెటర్ దాన్ ది బెస్ట్ అంటాడు ,
ఇక మన హేచోడీ లేదా ప్రొఫెసర్ ఆయన వాడిన రెడ్ హ్యాట్ మాత్రమే ఒక అసలైన పంపకమనీ
మిగతావి వేస్ట్ అని కొట్టిపారేస్తాడు.
అయితే లినక్స్ వాడే వారికి అన్నిరకాల వేసులుబాట్లూ ఉంటాయి.
ఇన్ని చాయిస్లు ఉన్నయ్యంటే అది ఎంత బెస్ట్ అన్నది మీరే చెప్పగలరు
ఆ మధ్య ఒక టపాలో ఎవరో ఫ్రీ సాఫ్ట్వేర్ అంటున్నారు జీవితం లో అన్ని ఫ్రీగా రావు కదా అని
ఆయనకు ఈ టపా ఎలాగోలా చేరాలి ఆయన దీన్ని చదవాలి
ఆంగ్లం చాలా చిన్ని భాష, వారి దేశం ఎంత చిన్నదో బ్రిటీష్ వారి భాష కూడా అంటే చిన్నది
వారికి ఎక్కువ పదాలు లేవు
మనం స్వాతంత్ర్యం అన్నా, స్వేచ్ఛ అన్నా, ఉచితం అన్నా
ఈ మూడింటికీ వారి దగ్గర ఒక ఫ్రీ అన్న పదమే ఉంది
(ఇంకా చెప్పాలంటే మాకు ఒక ౬ పేజీల పాఠం హిందీ ౮వ తరగతిలో ఉంది అందులో కూడా ఇండెపెండెన్స్ డే అంటే అపరతంత్ర దినోత్సవం అన్న అర్థం వస్తుంది కానీ మనం స్వాతంత్ర్యదినోత్సవం అంటాం అంటూ ఆరు పేజీల సుత్తి)
చెప్పొచ్చేదేమిటంటే ఫ్రీ అంటే అర్థం ఉచితం కాదు తండ్రీ, ఫ్రీ అంటే స్వేచ్ఛ

అయితే నా స్వంత పూచీ మీద మీరు ఉబుంటు ని కళ్ళు మూస్కుని సారీ కళ్ళు తెరిసే అనుసంధానం చేసేస్కోండి
ఒక వేల మీరు పూణే వాసులైతే నేనే మీ వద్దకొచ్చి ఉచిత(ఫ్రీ)ముగా చేసి పెడతాను
ఉబుంటు డెబియన్ ఆధారిత పంపకం
మనం గమనించాల్సిన విషయాలు ఏమిటంటే
ప్రతీ పంపకానికి కొన్ని ప్యాకేజేస్ ఉంటాయి
అవి ఎప్పుడెప్పుడు అప్డేట్ అవుతున్నాయి
వాడుకరులు ఎంతమంది ఉన్నారు వీరిలో ఎంతమంది అంతర్జాలంలో సహాయం చేస్తున్నారు
మనకు కావాల్సిన సాఫ్ట్వేర్లు ఆ పంపకంలో ఉన్నాయా
ఇవన్నీ ముందు తెలుసుకోండి
ఇక పొతే నా సలహా ఏమిటంటే ఒక వేల మీ వద్ద అంతర్జాలం అనుసంధానించి ఉంటే ఉబుంటు మేలు
లేదా డెబియన్ బావుంటుంది.
ఉబుంటూ లో మీరు కావాల్సిన అన్ని ప్యాకేజ్లను డౌన్లోడ్ చేస్కొని మీ డెస్క్టాప్ తో ఎన్నో చెయ్యవచ్చు
తెలుగు స్థానికీకరణ కూడా ఉబుంటు లో బాగుంటుంది
నేను ప్రస్తుతం 9.10 వాడుతున్నాను
ప్రతి ఏడు ఏప్రిల్ మరియూ అక్టోబర్లలో కొత్త వెర్షన్ వస్తుంది
ప్రస్తుతం 10.04 చలామణి లో ఉంది
ఇవాలో రేపో 10.10 రాబోతోంది
అయితే చాలా మంది 10.04 లో కొన్ని అవగుణాలున్నాయని చెప్పారు
సో 9.10 లో నాకేమి గ్లిచెస్ కనపడలేదు
మీరూ అదే వాడండీ !!!!

అమ్మ బాబోయ్!!!

2010-10-04T21:58:00.000-07:00

నా బ్లాగుకి ఉన్న గణాంకాలను పరిశీలించాను ఇవాళ
షాక్!!!!!
మీరూ చూడండి :

మన దేశం, వర్చువల్లీ మన దేశమైన మెరికా ఒక పక్కనుంచితే , వారెలాగూ చూస్తారని తెలుసు

అసలు తెలుగువారు ఉంటారా అన్నటువంటి దేశాలైన చైనా, పాకిస్తాన్, ఫిన్ల్యాండ్, ఒమన్ నుండి కూడా వీక్షకులు ఉన్నారు.

నేను కాశ్మీర్ సమస్య అని రాసిన టపా కు చైనా నుండే ఎక్కువ మంది వీక్షకులు!!!!

ఇక పాకిస్తానీ వీక్షణలన్నీ అయోధ్య టపా పైనే

ఈ గణాంకాలకు అర్థం??

బహుశా మన దేశంలోని వారే ఐపీ స్పూఫింగ్ చేసి ఉండొచ్చు

లేదా కొన్ని సార్లు సరిహద్దుల్లో తరంగాలు అటూ ఇటూ పోతుంటాయి

దాని వల్ల అవ్వోచ్చేమో

లేదా నా బ్లాగుని నిజంగానే ఎవరైనా వేరే శత్రు దేశ వర్గాలు ఫాలో అవుతున్నారేమో?

ఏమో అంతా విష్ణుమాయ

మధురానుభూతి (ఎవరో కనుక్కోండి చూద్దాం!!)

2010-10-04T10:31:00.000-07:00

నిజంగా ఇవాళ నా జీవిత్ంలో మరిచిపోలేని రోజు
ఒక నిష్కల్మషమైన మనిషిని కాదు కాదు దంపతుని ఇవాళ నేను కలవటం జరిగింది.
దాదాపు ఆరేళ్ళుగా బ్లాగులోకం నాకు పరిచయం, అయితే నేను ముఖాముఖీ కలిసింది ఒక వీవెన్ గారినే
అయితే ఇన్నేళ్ళకు ఒక బ్లాగ్దంపతిని కలిసాను, అదీ పుణె లో!!!!
కలవటం ఒకెత్తైతే వారి అనురాగం, ఆప్యాయతలు మరో ఎత్తు.
మన బ్లాగర్లు ఎంత సన్నిహితంగా ఉంటారో, దానికిదొక తార్కాణం.
అసలు కొన్ని సంవత్సరాల పరిచయమా లేక మరీ దగ్గర బంధువులా అన్న స్థాయిలో వారితో మాటలాడాను నేను.
పుణే వచ్చినప్పట్నుండి వీరిని కలుద్దాం అనుకున్నా, అడగక ముందే ఆయన ఫోన్ నంబర్ కూడా ఇచ్చారు.
పైగా మా గురువు గారు, ఆచార్య రాకేశ్వర గారు కూడా వీరిని కలువమన్నారు, నాకేమో కొంచెం సిగ్గాయె, ఎలా గొలా ధైర్యం చేసి, బయలుదేరాను. ముందే ఫోన్ చేసి చిరునామా,దారి కనుక్కున్నాను.
అక్కడ వెళుతుండగా, వారు ఎలా ఉంటారో, ఎలా నన్ను స్వీకరిస్తారో అన్న భయం, బిడియం.ఎట్టకేలకు వారింటికి చేరాను. తెలుగు బ్లాగర్ల జాబితాలోకి చేరాక మొట్టమొదటి ముఖాముఖీ కలయిక వీరితోనే!!! రాకేశ్వర గారితో కలిసే అవకాశం వచ్చినా కానీ వర్షం ఒకరోజు, నా పనులతో ఒక రోజు, కలవలేక పోయాను.
ఆ విధంగా వీరిని కలిసానన్నమాట.
వెళ్ళగానే కరచాలనం తో పరిచయం, ఆ పై వారి పూర్తి కుటుంబం తో నాకు పరిచయం
వారు నాకప్పుడే ప్రముఖ బ్లాగరు అనే బిరుదు కూడా ఇచ్చేసారు( నాకున్న పాతిక పోస్టులకే???)
సరే ఆ పై మాటా మంతీ, దాదాపు ఒక ౨(రెండు) గంటల పాటూ మాటలు సాగాయి.
మన తెలుగు సంస్కృతి నుండి మొదలు, తెలుగు వాళ్ళ భావాలు, భావనలు, తీరు-తెన్ను, అన్నీ మాట్లాడేసాం. ఆ పై వారు నేను పుణె పై కొత్తలో రాసిన వ్యాఖ్యలను ఖండిస్తూ, పుణె యొక్క గుణ-గణాలను తెలిపారు.
అప్పుడనిపించింది, నిజంగానే నేను కొన్ని విషయాల్లో మరీ సూక్ష్మంగా పరిశీలిస్తూ పుణె లోని మంచి గుణాలను దాటవేసానేమో అని.
సరే ఆ తర్వాత అతిథి సపర్యలు చేసారు.
వారి కొడుకూ, కోడలూ, మనుమడు, మనుమరాలు చూడచక్కనైన కుటుంబం వారిది.
మొత్తానికి వారిని ఇబ్బంది పెట్టడం ఇష్టం లేదు కానీ వారితో అలా మాటలాడుతూనే ఉందిపోవాలనిపించింది.
నేను వెళుతున్నప్పుడు ఆయన నాతో తోడు వస్తానంటే అప్రయత్నంగానే సరే అనేసాను.
ఆయనతో మాటలాడేందుకు మరి కొంత సమయం దొరుకుతుంది కదా అని!
అలా మేము నడుస్తూ, మాటలాడుతూ ఉన్నాము, నా గురించి, వారి స్నేహితుల గురించీ, చర్చిస్తూ, రాజకీయాల దాకా విషయాలను తీస్కెళ్ళాం. వర్షం మొదలయి జోరుగా కురుస్తోంది, బస్ స్టాప్ ఇంకా చాలా దూరంగా ఉంది, ఆయన్ని చూస్తే నేమో వయసులో చాలా పెద్దవారు, ఆ వర్షంలో ఎలా నడిచారో నాతో పాటు!!!
అక్కడ్నుండీ బస్ స్టాప్ చేరేసరికీ, వర్షం మరీ ఉద్ధృతమయింది, ఇక వారినీ కష్ట పెట్టడం ఇష్టం లేక మాటా-మంతీ పూర్తి చేసి బస్ ఎక్కాను, ఈ వర్షంలో ఆయన ఇంటికి ఎలా చేరారో ఏమో.
నాకు ఇంత బాగా కబుర్లు చెప్పే వారు ఇప్ప్టివరకూ ఎవరూ దొరకలేదు
మాటలాడితే బూతులొస్తాయి కొందరికి
మాటలాడితె ఎదుటివాడ్నో, లేక మరొకరినో వీపు చాటున నిందిస్తాడు మరొకడు.
కానీ ఇలా నిష్కల్మషంగా మాటలాడే వారు చాలా అరుదుగా దొరుకుతారు, అదీ దేశం కాని దేశంలో అయితే అది ఎంత అదృష్టం!!!
మరో రెండు రోజుల్లో కలవడానికి అపాయింట్మెంట్ తీస్కొని మరీ ఆయన్ను వదల్లేదు నేను!!
సరే ఇంతకీ ఆయనెవరో చెప్పలేదు కదూ
సస్పెన్స్
మీరె కనుక్కోండి!!!

సంగీత ప్రియులకోసం......

2010-09-29T05:30:00.000-07:00

ఈ టపా చదివిన పిదప ఒక మారు ఈ వెబ్సైటును చూడండి , మళ్ళీ మళ్ళీ అక్కడికే వెళతారు
మన దక్షిణ భారతాన్ని మొత్తాన్ని ఒక తాటిపై నిలిపింది సంగీతమనే చెప్పాలి.
మనం అధ్యయనం చేసెడి సంగీతం - దీనినే కొందరు దక్షిణ భారత సంగీతం అని, మరికొందరు కర్ణాటక సంగీతమని అంటారు.
కన్నడ రాజుల ద్వారా పోషించబడింది కాబట్టీ ఆ పేరు వచ్చి ఉండవచ్చు అని నేననుకుంటున్నాను, నేనైతే ఎప్పటికీ కర్ణాటక సంగీతం అని మాత్రం పలుకాలంటే ఒక రకంగా ఉప్పుపలుకులు నములుతాను(ఆ భావన వల్లనే). శాస్త్రీయ సంగీతమనో, మరీ అనవలసి వస్తే కార్నాటిక్ (carnatic not karanatik) అని దాటవేస్తాను.
ఇందులో ఉన్న ప్రత్యేకలేమిటంటే, ఈ శాస్త్రమునకు ప్రధాన వాగ్గేయకారులంతా మన తెలుగువారే, పాడేవారు(ఒకప్పుడు రాజుల కొలువుల్లో-ఇప్పుడు కాదు) కూడా మనవారే ఉండేవారేమో కానీ ఈ మధ్య పాశ్చాత్యుల ప్రభావంతో మొదట పాప్, ఆ పై హిప్-హాప్, ఇప్పుడు రాక్, మెటల్ ఇంకెక్కడికో ఈ పయనం????

అయితే మన దక్షిణ భారత సంగీతకళ చాలా ప్రాచీనమైనది, ప్రపంచంలోనే!!!
ఇది చాలా జటిలమైనందువల్ల సాంకేతికంగా,కళాపరంగా కూడా చాలా నేర్పరితనం కావాలి. మన ఈ కళకు మూలం రాగం, మరియు తాళం.
రాగం అనేది స్వరముల గంభీరత్వాన్ని కొలుస్తే, తాళం అనునది వాటి రూపాంతరములను కొలుస్తుంది.
మనకి ఏడు తాళాలు మరియు డెబ్బదిరెండు మూలమైన రాగములు కలవు.
మిగితా రాగాలన్నీ వీటిపై ఆధారపడి ఉంటాయి లేదా వీటి నుండి ఉద్భవించబడ్డాయి. ఈ ౭౨ రాగాలను మేళకర్తరాగములంటారు.
౧౯ వ శతాబ్దానికి చెందిన త్యాగబ్రహ్మ(త్యాగరాజులవారు), ముత్తుస్వామి దీక్షితులవారు మరియు శ్యామశాస్త్రి గారు, కొన్ని వేల కృతులను అందించిన మహా వాగ్గేయకారులు.
మన ఈ సంగీత శాస్త్రం ముఖ్యంగా భక్తిరసప్రధానముగా ఉంది.
మనం సరిగమలు అని వాడుక భాషలో చెప్పే స్వరాలే ఈ సంగీతశాస్త్రానికి పునాది.
అన్ని రాగములు ఈ సప్తస్వరముల నుండే ఉద్భవించాయి.
ఈ సరిగమలకు గల పూర్తి నామాలు.

స - షడ్జమం
రి - రిషభం
గ - గంధర్వం
మ - మధ్యమం
ప - పంచమం
ద - దైవతం
ని - నిషాదం

ప్రతి స్వరమునకు మూడు విధములు గలవు, ఇది షడ్జమమునకు మరియు పంచమమునకు వర్తించదు.
అలాగే మధ్యమమునకు కూడా రెండే విధములు కలవు.
ఒక పక్క సౌందర్యమును మరో పక్క భక్తిని చక్కగా మేళవిస్తే తయరైన కృతులు అత్యంత మధురంగా ఉంటాయి.
భగవంతుని సాక్షాత్కారమే ధ్యేయంగా రచింపబడిన ఈ సంగీతం ఎంతో సుందరంగా ఉంటుంది.
భగవంతుడికి, భక్తికి, భక్తునకు, సంగీతానికి అవినాభావ సంబంధం ఉంది. శివుడ్ని నాదం యొక్క ప్రతిరూపంగా
కొలుస్తాము. ఎందరో దేవతల వద్ద సంగీత వాద్యాలు ఉండటం కూడా గమనించాము.
కృష్ణుడు కూడా వేదానాం సామవేదోస్మి అన్నాడు కదా! (సామవేదం సంగీత-శృతి-గాన ముఖ్యం)
పార్వతి లాస్యానికి ప్రతిరూపం. ఎల్లప్పుడూ జ్ఞానదేవత అయిన సరస్వతిని వీణాధారిణిగానే చూస్తాం. అసలు వీణలేనిదే ఆమెను సరస్వతి అని కూడా పోల్చుకోలేము. వీణను విపంచి అని కూడా అంటారండోయ్.
లక్ష్మీ దేవి సంగీతప్రియ. శ్రీమహావిష్ణువు ఎక్కడ పడితే అక్కడ డోలు వాయించేస్తాడు.
నంది లయకు అధిష్టాన దైవం. ఇహ నారద-తుంబురులు సంగీతలోకంలో ప్రఖ్యాతులు. వారిని వైనిక-గాయకులుగా మనం గుర్తించాలి.
మొన్నామధ్య ఎస్వీ గారి సినిమాలో కూడా ఘటోత్కచుడ్ని వీణాపాణిగా చూపారు.
ఇక గంధర్వులు, కిన్నరులు, కింపురుషులైతే ఈ విద్యకు పెట్టింది పేరు.
మన ధర్మశాస్త్రాల్లో ఈ విద్యను గంధర్వవిద్యగా చెప్పారు.
మారుతి అయిన ఆంజనేయ స్వామి హనుమద్వీణ వాయించడంలో దిట్ట. ఈనాటి చిత్ర వీణ ఈ హనుమద్వీణకు రూపాంతరం.

ఇంతటి విశిష్టత కలిగిన మన సంగీతాన్ని మనం అర్థంకాలేదనో
నాకు వంటపట్టదనో వదిలెయ్యవచ్చా!!!
పాశ్చాత్య పోకడలకు పోయి మన అరుదైన ఈ సంపదను వదులుకోగలమా.
ఇప్పటికే మన నిర్లక్ష్యం వల్ల మన దైన ఈ విద్యను అరవలు తమ కాపీరైట్లు పెట్టుకోవటం మొదలెట్టారు.
ఇది ఏమి బీసీ కాలం నాటిది కూడా కాదే
అన్నమయ్య , రామదాసుల వారికాలానిది కూడా కాదు.
నన్నడిగితే నాకు తెలిసినంత వరకూ భారతీయుడిగా మనం నేర్చే అత్యంత మోడర్న్ విద్య ఈ శాస్త్రీయ సంగీతం.
ఇందులోని మెళకువలు , ఛలక్కులు, జుగల్బందీలు, ఏ హిప్-హాప్ కు మెటల్ కు తీసిపోవు.
అనుభవించడం మొదలెట్టాక రొజుకో వింత అనుభూతి కలుగుతుంది.

అయితే ఏమిటి అంటారా....
ఇదంతా పెద్ద ఖర్చుతో పని అంటారా.
మీరు నేర్చుకోకపోయినా వినండి వినిపించండి, నక్కాబోయే భార్య "గిమ్మీ మై తాళి మై లైఫ్ ఇజ్ ఖాళీ ఖాళీ" అని
పాడేకన్న అరకొరగా ఏ త్యాగబ్రహ్మ కృతే పాడినా నేనెంతో ఆనందిస్తాను.
అలా అందరం మొండిపట్టు పట్టామంటే మన నుంచి తరలిపోతున్న వోక్స్వాగన్, డెల్, తిరిగిరాకపోయిన సంగీత ప్రియులం మనమే నన్న ట్రేడ్ మార్కు మనకు మిగిలిపోతుంది.
ఎంతో కష్టపడి రాత్రీ పగలూ ఒకటి చేసి మనకు సంపాదించారు మన త్యాగబ్రహ్మ ఈ పేరుని
దీన్ని అప్పణంగా అరవలకు వదిలివేయాలా?
ఆలోచించండి.....

ఈ వెబ్సైట్ ఖచ్చితం గా చూసి అక్కడ ఉన్న పాటలను డౌన్లోడ్ చేసి వినండి.
అదొక అలవాటు గా మార్చు కోండి.
కనీసం రోజుకొకటి వినండి. ఉచితంగా మీకు పాటలు వస్తున్నా మీరొద్దంటే మిమ్మల్ని ఎవ్వరం మార్చలేం. మన
తెలుగుజాతి ఖర్మ అని వదిలెయ్యటం తప్ప.

సంగీతప్రియుల వెబ్సైటు - sangeetha priya

నృత్య నాటిక

2010-09-29T04:28:00.001-07:00

నృత్య నాటిక అనునది ఒక విశిష్టమైన నృత్య కళ. ఈ కళారూపంలో గాయకులు, సంగీతకారులు, నర్తకులు కలిసి ఒక కథను లేక ఒక ఘట్టాన్ని ఒక నృత్యరూపంలో ప్రదర్శిస్తారు. ఇందులో పాటలకే కాక పద్యాలకు, పదములకు కూడా స్థానం ఉంది. ఈ కళ యందు హావ-భావాలు, నటన, దుస్తులకు ఎక్కువ ప్రాధాన్యత ఉంటుంది అప్పుడప్పుడూ మాత్రమే నాట్యం ప్రధానాంశం అవుతుంది. ప్రతి వాగ్గేయకారుడు తన కృతిలలో ఖచ్చితంగా ఒక నృత్యనాటకాన్ని రచించడం కద్దు. మన రంగస్థల నాటకములు, కన్నడిగుల యక్షగానము, ఇదే కోవకు చెందినవి. అయితే త్యాగరాజులు వారు రాసిన నౌకా ఛరితము అను నృత్యనాటిక చాలా ప్రసిద్ధమైనది. ఇంకా ఇదే కోవలో వస్తాయి- భామా కలాపము.

సమానమెవ్వరు నీకు .....

2010-09-27T20:40:00.000-07:00

ఈ పాట ఎంతమందికి జ్ఞప్తి ఉందో తెలియదు కానీ
చాలా మంచి పాట, స్వరాభిషేకం చిత్రంలో నిజంగా స్వరాలకి అభిషేకం జరిగింది ఈ పాటలోనే

ఈ పాట లో మొదట జానపదం, ఆ పై లలిత సంగీతం, ఆఖరుకి శాస్త్రీయ సంగీతం గోచరిస్తాయి (కానీ మొత్తం పాట శాస్త్రీయంలో ఉన్నట్టే చూపారు కళాకారులు, చాలా దగ్గరగా చూస్తే గానీ తెలీదీ తేడా;
ఈ పాట సాహిత్యం ఎక్కడా లేదని నా స్నేహితులు కొందరు కోరగా ఇక్కడ చేరుస్తున్నాను.

సమానమెవ్వరు నీకిలా ఉమారమణా
పాహి పాహి
ఓయి శ్రీచరణా

రమావినోదివల్లభా
నమామి స్వరసుమాభరణ
నాదసదనా
శృతిధనా

రమావినోదివల్లభా
ఉమారమణ శ్రీచరణా
నమామి నాదసదనా
నమామి నాదసదనా శృతిధనా
స్వరసుమాభరణా
పాహి పాహి
                            ॥ రమా వినోది॥
ప్రాణగానమాలాపనచేసి
స్వరసోపానములధిరోహించి
ప్రణవశిఖరిపై నిను దర్శించి
చిదంబరా నా హృదంబులమ్ముల నీ పాదంబుల ధ్యానించి
శుభంకరా నవరసాంబుధారల ప్రభాతాభిషేకములు చేతురా
పాహి పాహి
పాహి పాహి
                              ॥ రమా వినోది ॥

గమక గమనముల స్వరఝరులే
జడల అడవిలో సురధునిగా
మురిసె ముక్కనుల కదలికలే
ముజ్జగాల సంగతుల జతులుగా
రాగములే నాగాభరణములై
యోగములే వాగర్థాకృతులై
కాలములే లీలాకరణములై
సామములె మధుగాంధర్వములై

గంగాధరా...... శంకరా.....
సంగీత రసాగార
ఉమారమణ శ్రీచరణ
పాహి     పాహి

ఏవైనా అప్పుతచ్చులుంటే తెలియజేయండి సరిచేస్తాను.....

అదిరింది గురూ

2010-09-27T13:48:00.000-07:00

అనుకున్నట్టుగానే మహేష్ బాబు గారి సినిమా మంచి సంగీతం తో ముందుకొచ్చింది.
సినిమా కథా కథనం మీద సినిమా యొక్క విజయం ఆధారపడి ఉండి కాబట్టీ దాని గురించి అప్పుడే విశ్లేషణలు వద్దు. లేదా రిలీజ్ కి ౨ రోజుల ముందే అంతర్జాలంలో పాటలను పెట్టినట్టు సినిమా ని కూడా పెట్టేసారంటే సినిమా తీసి అర్థం లేదు.

అయితే ఈ సినిమాలో పాటలే అందరి వద్దా వినిపిస్తున్నాయి
ముఖ్యంగా "ఓం నమో శివ" అన్న పాత వైవిధ్యం గా ఉండటం వలన అందరూ ఆ పాటనే తెగ వినేస్తాన్నారు
నేను ఎన్ని సార్లు విన్నానో నాకే తెలీదు.
ఎక్కడ చూసినా, ఫేస్ బుక్ లో , ఆర్కుట్ లో , ఈ పాటల సందడే
ఆల్బం లో మొదటి పాట సదా శివా సన్యాసి అంటూ శివతత్వాన్ని చక్కగా వర్ణించారు రచయిత దానికి తగ్గట్టూ సంగీతం కారుణ్య కంఠం.
ఇక నాకు ఈ సినిమా పాటలన్నీ బాగా నచ్చాయి కాకపొతే ముందే పాటలు అంతర్జాలంలో లభ్యం అయిపోవటం తో ఒక చిన్న నష్టమే సినీ నిర్మాతలకు కానీ అదీ ఒకింత మంచే అయ్యింది. అందరూ వింటారు అన్నిచోట్లా మంచి స్పందన వచ్చి అది సినిమా విజయానికి దోహదం చేస్తుంది కూడా.

ఇక పొతే మకతిక అన్న పాత అయితే మరలా మరలా వినాలని పిస్తుంది బ్యాక్గ్రౌండ్ సంగీతం చాలా బాగుంది
అర్జున్ లో రారారా , ఒకేఒక్కడులో అందాల రాక్షసివె తరహాలో భూం షకనక అన్న పాత బాగుంది
ఇకపోతే పిలిచే అన్న పాట చెప్పవే చిరుగాలి రేంజ్ లో ఉంది
ఇంకా మహేష్ గారి సినిమాల్లో ఉండే ఫాస్ట్ బీట్ సాంగ్ సండే మండే.....

చెప్పొచ్చేదేమిటంటే అందరూ ఈ పాటలు విని మీ స్పందనలను తెలుపండి.
మరియు మహేష్ గారి సినిమాను హిట్ చేసి ఆయన ఓపికకు ఒక మంచి ఫలాన్ని ఇవ్వండి

చేతులు కాలాక ఆకులు ముట్టుకున్న ముషారఫ్

2010-09-26T00:58:00.000-07:00

ఈ వీడియో చాలా రోజుల క్రితం అంటే సుమారు సవత్సరంనర క్రితం టీవీ టుడే నెట్వర్క్ వాళ్ళు చేబట్టిన ఇండియా టుడే కాన్క్లేవ్ -2009 లో భాగంగా పాకిస్తానీ నాయకుడైన ముషారఫ్ ను ప్రశ్నోత్తరాల సమయంలో మన దేశ రాజ్యసభ సభ్యుడైన మౌలానా మహ్మూద్ మదనీ విమర్శించిన సందర్భంలోనిది. అప్పట్లో ఇది చాలా దుమారమే రేపింది ఈ మొత్తం వీడియోలో ముషారఫ్ మాట్లాడిన భాగాన్ని కత్తిరించుకుని పాకిస్తానీయులు, మౌల్వీ మాటల్ని కత్తిరించుకుని భారతీయ ముస్లింలు వాళ్ళ వాళ్ళ నేతల్ని సమర్థించుకుంటూ మేమే గెలిచామంటే మేమే గెలిచామని మొత్తం వీడియో గమనించకుండా చిందులేశారు.
అయితే మీరు గమనించండి:

సందర్భం ఏంటంటే మన దేశంలో ముస్లింలకు అన్యాయం జరిగిపోతుందని ముషారఫ్ గారు మొత్తుకున్నారు దానికి మౌల్వీ ఘాటుగా స్పందించారు. మిగతా విషయాల్లో (రాజకీయమే సుమా) నేను మౌల్వీ గారితో ఏకీభవించకపోయినా
ఈ విషయంలో నేను ఆయన్ని సమర్థిన్చకుండా ఉండలేక పోతున్నా.
అనువాదం అవసరం లేదని అనుకుంటున్నా
అనువాదం ఈ రాత్రికి అప్డేట్ చేస్తాను

ముందుచూపు మరీ ముందు చూపైంది .....

2010-09-25T09:32:00.000-07:00

ఈ వాక్యం వాడింది ఎక్స్ మ్యూజిక్ వాడి కోసం
ఎప్పుడో రేపు విడుదల కాబోయే ఖలేజా పాటలు విడుదలయిన వెంటనే అంతర్జాలం లో పెట్టి
డౌన్లోడ్ లింక్స్ కూడా ఇచ్చేసినట్టు తెగ పోజు

ఇక్కడ చూడండి

Kaleja (2010) Telugu Songs

ఇంత హడావిడి మరెవ్వరూ చెయ్యటం లేదేమో
గమనించారా !!

అక్కడే కింద ఫైల్ ఫాక్టరీ , మెగా అప్లోడ్ వి కూడా లింక్లకు అచ్చులు రాసి పెట్టేసాడా వెబ్ నిర్మాత
ఇలాంటి వాళ్ళు ఉండటం వల్లే సినిమా మ్యూజిక్ కి ఇదివరకూ ఉండే సస్పెన్స్
సీడీ కొన్నాము అన్న సంతృప్తి ఈ మధ్య ఎవ్వరి వద్దా లేదు

కొత్తొక వింత పాతొక రోత

2010-09-24T06:04:00.000-07:00

ఇదొక మంచి సామెత
మన మానవ మనస్సు యొక్క బుద్ధి యొక్క అసలైన నిజాన్ని కనుగొన్నా గొప్ప సామెతకారుడెవరో బాగానే చెప్పాడు.
ఇంతకీ ఆ మధ్య "నిన్నే పెళ్ళాడుతా" అనే సీరియల్, జెమినీ లో వచ్చేది అనుకుంటా నేనప్పుడు ఏడవతరుగతి చదువుతున్నా
దేశం కాని దేశంలో ఉన్నాం కాబట్టీ అప్పట్లో తెలుగులో పచ్చడన్నం దొరికినా పరమాన్నం లా ఉండేది మా అమ్మ వాళ్ళకి
అందుకని ఏకైక జెమినీ చానెల్ లో ఏ కార్యక్రమం వస్తే అదే అందరూ చూసే వాళ్ళం. అలాగని అంత చెత్త కార్యక్రమాలు కాదులెండి కానీ, చెప్పొచ్చేదెమిటంటే ఆ సీరియల్ వచ్చే రోజుల్లో అందులో ఉండెడి పాత్రలు ఇసుకపట్టణం వారి యాసలో మాట్లాడటం, మరియు సుసందర్భంగానే అయినా కావాలనే చేర్చి మాట్లాడుతున్నట్టూ అనిపించే సామెతలు వెరసి అది మా అమ్మకు, మా ఇంటిల్లిపాదికీ ఒక వ్యసనం లా మారి రాత్రి ఎనిమిది గంటలు అవ్వగానే అందరం టీవీ ముందుకు చేరేవాళ్ళం.
అలా ఆ సీరియల్ చూస్తున్న ఒక సందర్భంలో విన్నదే ఈ సామెత. మిగతా ప్రజానీకం సామెతలను పుస్తకాలనించో లేక వాడుక భాషలోనో నేర్చుకుంటారు, కానీ నేను ఈ సీరియల్ మరియు ఎస్వీకృష్ణారెడ్డి గారి సినిమాల ద్వారా సామెతలు నేర్చాను.
అయితే సమయానుగుణంగా భాష, పరిసరాలు మారటంతో అన్ని సామెతలను మెల్లగా మరిచాను గానీ ఈ ఒక్క సామెత మాత్రం నా మెదడులో గూడుకట్టుకుపోయింది.
అందుకు కారణం, మొదటో తరగతి నుండి ఇవాళ్టి వరకూ నాకు ప్రతి ఒక్కటి కొత్తదే అనుభవమవటం, కానీ పాతవాటినికూడా చూసే అవకాశం ఉండటం.
సీబీఎస్ఈ వారికి ఒక దురలవాటు వారు ప్రతి ఆరేళ్ళకొకసారి(ఇప్పుడైతే ప్రతి మూడేళ్ళకి,కొన్ని సబ్జెక్ట్స్ కైతే ఏకంగా ప్రతి ఏడు) సిలబస్ మార్చటం. అయితే అది అంచెలంచెలుగా జరుగుతుంది అంటే ౯౪ లో ౧వ తరగతి సిలబస్ మారిస్తే ౯౫లో ౨వ తరగతి మారుస్తారు.
అలా నేను ౧౨ ఏళ్ళు ప్రతీ సంవత్సరం కొత్త క్లాసుకు వెళ్ళటం అక్కడ నా పాఠ్యాంశాలు క్రితం సంవత్సరం కంటే పూర్తిగా వేరుగా ఉండటం.
ఇక అక్కడితే అయిపోలా, నేను మొదటి సారి రాసిన ఐఐటీ-జేఈఈ పరీక్ష కూడా ఆ సంవత్సరం కొత్త పద్ధతి లో ఉంది,
నేను జేఎన్టీయూ లో చేరాక ఒక నాలుగేళ్ళు ప్రశాంతంగా మా పూర్వ విద్యార్థులు చదివిన సిలబస్ మాత్రమే చదివాను.
కానీ ఈ చిత్రధోరణి నన్ను వదల్లేదు ఇంకా పట్టుకునే ఉంది అని నేను మళ్ళీ ఫైనల్ ఇయర్ కి వచ్చాక అర్థం అయింది.
ఏముందీ గేట్-౨౦౧౦ పూర్తిగా మారిపోయి సరికొత్త విధానంలో రాయాలని ప్రకటన వచ్చింది.
అక్కడితో ఆగలేదు ఈ ఏడు నేను రాయబోయే సివిల్స్ కూడా కొత్త విధానంలోనే ఉండబోతోంది.

మొత్తానికి ఇది నాకు వరమో, శాపమో తెలీదు.
స్కూల్లో ఉన్నంత వరకూ వరమే, చెప్పాలంటే ఈ పోటీ పరీక్షల్లో కూడా ఇది వరమే
కానీ ఇదే వరం మనం శ్రద్ధగా, అప్రమత్తంగా చదువక పోతే శాపంగా పరిణితి చెందుతుంది.

అయితే అసలు కొత్తొక వింత పాతొక రోత అన్న టైటిల్ పెట్టింది మన అంతర్జాల అలవాట్ల గురించి కానీ ఎక్కడెక్కడికో వెళ్ళిపోయాము.
నేను ఆర్కుట్ ని ఫేస్బుక్ తో కంపేర్ చేస్తూ ఈ సామెతను అన్వయిద్దాం అనుకుంటే ఇలా అయ్యింది. ఏం చేద్దాం!!!

అన్ని నీవనుచు అంతరంగమునా.....

2010-09-24T05:02:00.000-07:00

మరుగేలరా......
ఈ పాట వినగానే నా రాముడ్ని కొలిచిన ఆ త్యాగబ్రహ్మ యొక్క రామునితో ఉన్న సాన్నిహిత్యం బయటపడుతున్దిః

పల్లవిః మరుగేలరా ఓ రాఘవా
అనుపల్లవిః మరుగేలరా చరాచరరూప పరాత్పర సుర్యసుధాకరలోచనా
చరణం:
అన్నినీవనుచూ అంతరంగమున
తిన్నగా వెదకి తెలిసికొంటినయ్యా
నిన్నెగాని మది నేనెన్నజాల నొరుల
నన్ను బ్రోవవయ్యా త్యాగరాజనుత

భావం:
ఓ రాఘవా!!
చర(చేతన) - అచర(జడ) మైనటువంటి అన్ని రూపములకూ నాథుడా!
ఓ సర్వేశా, సర్వవిశ్వానికి దేవదేవుడవు నీవు, పరాత్పరుడవు నీవు!
సూర్య చంద్రులు నీకు నేత్రాలై ఉన్నారు!
నాకూ నీకూ మధ్య ఈ వ్యత్యాసం ఎందుకు స్వామీ?
నా మనస్సులో నిన్ను తెలుసుకుని అంతటా నీ దర్శనమే చేసుకుంటున్నాను
నిన్ను కాకుండా మరెవ్వరినీ నేను ఆలోచించజాలను
అంచేత నన్ను కాపాడి , కరుణించవయ్యా, ఓ త్యాగరాజుని ద్వారా పూజింపబడే శ్రీ రామా!!

కాశ్మీర్ సమస్య

2010-09-21T11:00:00.003-07:00

మనం మన తెలంగాణా, జగన్ ఓదార్పు యాత్ర, వినాయక నిమజ్జనం అంటూ మన చుట్టుపక్కల జరిగే విషయాలనే గమనిస్తున్నాం గానీ మన దేశానికే అత్యంత జటిలంగా మారిన కాశ్మీర్ సమస్య గురించి చర్చించుకోవడం మరిచాము.

గత రెండున్నర నెలలుగా అయితే మొత్తం జమ్మూ&కాశ్మీర్ అస్తవ్యస్తం గా మరీ అధ్వానంగా తయారయింది.
ఒక పక్క ఆవేదన వ్యక్తంచేస్తూ ఆందోళనకు దిగిన నిరసనకారులు, మరో పక్క ఎప్పటికప్పుడు కర్ఫ్యూలంటూ కాల్పులంటూ దిగ్బందిస్తున్న పోలీసులతో, అక్కడి జనజీవనం, వ్యాపారం, మరియు విద్యాసంస్థలన్నీ మూతబడ్డాయి.

జూన్ ౧౧ నుండి ఆగస్ట్ ౨౨ వరకూ, మొత్తం మీద ౬౨ మంది కాల్పుల్లో ప్రాణాలు కోల్పోయారు - వీరు ఏ ఉగ్రవాదులూ కాదు. వీరందరూ కూడా ౮ నుండి ౨౫ మధ్యన వయస్సు కలిగిన మన దేశపౌరులు. వీళ్ళు సీఆర్పీఎఫ్ వారిపై రాళ్ళు రువ్వటం , వాళ్ళు లాఠీ చార్జీకి లేదా భాష్పవాయువు లేద ఈ మధ్య అత్యంత సర్వసాధారణంగా కాల్పులకో పాల్పడుతున్నారు. అవి ఈ ఆందోళనలను నిరోధించక పైపెచ్చు వాటిని రెట్టింపు చేస్తున్నాయి. ప్రతి కాశ్మీరిలోనూ ఒక రకమైన అభద్రతా భావం మరియు అసహనం నిండిపోయింది.
ప్రతి ఒక్క భారతీయ పౌరుడు ఆలోచించవలసిన విషయమేమిటంటే, ఈ ఫైరింగ్ వల్ల చనిపోదుంది మన భారత యువతే.
ఈ కాల్పులు, లాఠీ చార్జీ, భాష్ప వాయు ప్రయోగం, సమస్యను ఇంకా ఎక్కువ జటిలంగా, క్లిష్టంగా, పెద్దదిగా మారుస్తున్నాయి.
వెనువెంటనే కేంద్ర రాష్ట్ర ప్రభుత్వాలు ప్రతి పౌరుని సమస్యల్ని తీర్చకపోతే ఇదో పెద్ద సమస్యగా, అసాధ్యమైనదిగా మారిపోతుంది.
మనకి తెలుసు ఈ పౌరుల్ని రెచ్చగొడుతుంది ఎవరో, ఎవరికి ఇప్పుడు జరుగుతున్న తర్వాత జరుగబోయే పరిణామాల వల్ల లాభం చేకూరుతుందో.
కానీ అలాని ఎప్పటికీ దీన్ని వాళ్ళే ప్రేరేపిస్తున్నారు అనలేము కదా, అలాంటప్పుడు ఆడవాళ్ళు, పిల్లలు కూడా వచ్చి ఆందోళనలు చెయ్యరు కదా.
ముదుసలి వాళ్ళు కూడా వచ్చి ఆందోళన లో పాలుపంచుకుంటున్నారు, తూటాల భయం కూడా వాళ్ళు ఖాతరు చేయటం లేదు, ఇలాంటి పరిస్థితులలో కూడా మనం ఇవన్నీ ప్రేరేపించబడినవని నమ్మలేం. ఇది దగాచెయ్యబడ్డా కాశ్మీరి ప్రజల తిరుగుబాటు.
అయితే మనం ప్రేరేపకులు అనుకుంటున్న ఉగ్రవాదులు ఇక్కడి ప్రజల్లో ఎప్పుడో విషబీజాలు నాటిపోయారు, వాటి మహావృక్షస్వరూపాలే ఇవాళ మనం చూస్తున్నాం. మనం అక్కడి ప్రజల ఆలోచనల్లోకి ఒకసారి తొంగి చూడాలి. వారి కోపానికి కారణాల పై మన ప్రభుత్వాలు ఆత్మ విమర్శన చేస్కోవాలి.
౯౦ ల దశకంలో జరిగే పోరులో కూడా చాలా మంది యువకులు ఆడవాళ్ళూ పాల్గొన్నారు , కానీ ఈ తరంలో పసిపిల్లలు కూడా మేము సైతం అంటున్నారు. సరిగ్గ మనం పరిశీలిస్తే తెలుస్తుంది, ఎంత అన్యాయానికి గురయ్యారో కాశ్మీరీలని. వారికి చెప్పబడ్డా ఏ హామీ పూర్తికాలేదు. వారిని ప్రత్యేకంగా చూస్తూ వారిని నిజంగానే ప్రత్యేకంగా భారతీయత నుండి వేరు చేసేసాం. తప్పుడు పాలిసీలతో వారి జీవితాలను నరకం చేసారు మన ప్రభుత్వాలు.
ఎంతో నమ్మకంతో మొన్న వోట్లేసిన ప్రజలే ఇవాళ దుమ్మెత్తిపోస్తున్నారు.
కొన్ని రోజుల క్రితం పరిస్థితి ఇలా లేదు. పాకిస్తాన్ కు భారత్ కు మధ్య జరుగుతున్న శాంతి చర్చల వల్ల కొన్ని నెలల పాటు శాంతి చేకూరింది, అధీన రేఖకు ఇరువైపులా వ్యాపారం పుంజుకుంది. ఏదో ఒక పరిష్కారం రాబోతోంది అని ఇక్కడి ప్రజలు చాలా నమాకంతో ఉన్న తరుణం లో, ముంబైలో దాడులు, ఉగ్రవాదుల చర్యలు మొత్తం సన్నివేశాన్ని మార్చేసాయి. పాకిస్తాన్ కావాలనే కుట్రలు నడుపుతూ ఇలా చేసింది.
దీంతో ఒక్కసారే మళ్ళీ కథ మొదటికి వచ్చింది. సంబంధాలు బలహీన పడటంతో ఇక్కడి ప్రజల జనజీవనం కొంచెం ప్రభావితమైంది.
ఆర్థిక స్థితి కుదేలించటం, నిరుద్యోగం వల్ల పరిస్థితి ఇంకా దిగజారింది.
కాశ్మీర్ లో ఎటువంటి పరిశ్రమలూ లేవు, వారికి అక్కడికొచ్చే పర్యాటకులే ఒక జీవనాధారం కానీ, భారత్-పాకిస్తాన్ ల మధ్య గల సమస్యలతో, ఈ పర్యాటక రంగం చాలా వరకూ నష్టపోయింది. మిగతా ఉద్యోగ మార్గాల కల్పనలో మన దేశ ప్రభుత్వం పూర్తిగా విఫలమయింది.
గణాంకాల ప్రకారం కాశ్మీర్ లో చదువుకుని నిరుద్యోగంలో మగ్గుతున్న యువత సంఖ్య ౫ లక్షల పైమాటే, ప్రస్తుత ముఖ్యమంత్రి ౫ ఏళ్ళలో లక్ష ఉద్యోగాల రూపకల్పన చేస్తానంటూ గద్దెనెక్కాడు, కానీ ప్రతి సంవత్సరం ఆ నిరుద్యోగుల ఖాతాలోకి కొత్తగా మరో లక్షన్నర వచ్చి చేరుతున్నారు.
ఇవన్నీ కలుపుకొని, ఇక్కడి ప్రజల్లో పూర్తి అబద్రతను నెలకొల్పాయి. జీవనోపాధి దొరుకుతుంది, జీవితాలు మెరుగుపడతాయి అన్న భావన ఒక్క పౌరునిలో కూడా లేదు.
ఇవన్నీ వెరసి ఇప్పటి పరిస్థితులకు దారితీసాయి.
ఆ రాష్ట్రం యొక్క ఆర్థిక పరిస్థితులలో గల లోటుపాట్లు ఈ అగ్నికి ఆర్జ్యం పోస్తున్నవి. ఇప్పటికిప్పుడు ఈ సమస్యలన్నిటికీ సమాధానం దొరక్కపోతే మున్ముందు చాలా ఘోరమైన పరిస్థితులను మనం ఎదుర్కోబోతున్నాం.
భారతదేశ ప్రతీ పౌరుడూ ఈ విషయాల్ని మననం చేస్కొని ఆలోచించాలి. ఆ రాష్ట్ర పరిస్థితిని మెరుగు పరిచేందుకు మనం చెయ్యగలిగినంత చెయ్యాలి. మన ప్రభుత్వాల పై ఒత్తిడి తెచ్చి వారిని సమస్య యొక్క అసలు కారణాల వైపుకి మళ్ళించాలి. ఇది నేనో లేక మీరో మాత్రమే అనుకుంటే సరిపోదు, ప్రతి ఒక్కళం అలాగే ఆలోచించాలి.
ఆర్టికల్ ౩౭౦ ని వెనువెంటనే రద్దు చేసి ప్రభుత్వం ఇక్కడ సరిపడా పరిశ్రమలను నెలకొల్పాలి.
నా దృష్టిలో ఆర్టికల్ ౩౭౦ వల్ల కాశ్మీరీలకు గానీ భారతావనికి గానీ ఎటువంటి ఉపయోగమూ లేదు. అది కాష్మీరును మన దేశం నుండి విడదీయటానికి మాత్రమే సహాయ పడుతుంది. ఈ సమస్య మన దేశాన్ని పట్టిపీడిస్తున్న సెక్యులర్ భూతాలకు మంచి ఆహారం గా మారనుంది, అదే విధంగా ఇది మతపరమైన అల్లర్లకు తావివ్వవచ్చు.
౬౦ శాతం వోటింగ్ జరగడం తో మొత్తం కథే మారిపోతొంది అని అనుకున్నాం ఏడాదిన్నర క్రితం కానీ ఎంత ఉత్సాహంతో అయితే ఓటు వేసారో అంతే ఉత్సాహంతో ఈనాడు రాళ్ళు పట్టారు కాశ్మీరీ యువత. దీనికి కేంద్ర రాష్ట్ర ప్రభుత్వాలు రెండూ బాధ్యులే.
ఏదో ఒక చిన్న ఘటన(కాశ్మీర్ వంటి స్థూల సమస్యతో పోలిస్తే) అయిన ఉగ్రవాద ప్రేరేపిత సమస్యవల్ల ఎన్నాళ్ళిలా మన పొరుగు దేశాలను శత్రువులుగా మార్చుకుంటూ పోవాలి?
ఇవాళ సైన్యాన్ని ఉపయోగించి ఇక్కడి ప్రజలను నొక్కి పారెయ్యొచ్చు మన అప్రజాస్వామ్య-పరాధీన ప్రభుత్వం కానీ అది ప్రజలలో విద్వేషాన్ని పెంచటం తప్ప మరెందుకూ పనికి రాదు. పైగా భవిష్యత్తులో ఇంకా ఎక్కువ ఉద్రిక్తతతో ప్రజలనుండి ప్రతిఘటన ఎదుర్కోవలసి ఉంటుంది.
ఇక్కడ పోలీసుల పాత్ర చాలా హేయంగా ఉంది, ఇప్పటికి మరెక్కడా లేనన్ని లాకప్ డెత్స్ ఇక్కడ జరిగాయి. తనిఖీ అంటూ ఇళ్ళలోకి చొరబడి ఆడవారితో చాలా నీచంగా ప్రవర్తిస్తున్నారు.
శాంతియుతంగా చేసే ప్రదర్శనల మీద కూడా చాలా సార్లు దాడులు చేసారు మన ఖాకీలు, మరి వాళ్ళ చేత అలా చేయిస్తుంది ఎవరో???
బాధ్యతల్ని మర్చిపోయి దేశ పౌరుల్ని పొట్టన పెట్టుకుంటున్న మన సైనికులు రక్షకులా లేక భక్షకులా?
ఒకటీ రెండు సందర్భాలు కాదు చాలా సందర్భాలు ఉన్నాయి. వీరంతా మేకవన్నె పులులు. మన సైన్యం లో కూడా పాక్ తీవ్రవాదులు చేరారా అన్నట్టుగా అనిపిస్తుంది ఒక్కొసారి, ఇదే రకమైన నిరసన దేశంలో మరెక్కడ జరిగినా పొలీసులు దానికి సెక్యూరిటీ గా వ్యవహరిస్తారుకూడా , కానీ కాశ్మీర్ లో మాత్రమే యమకింకరులుగా వ్యవహరిస్తారు. (ఇక్కడ నేను మన దేశ సరిహద్దుని కాపాడే సైనికుల గురించి అనడం లేదు,మా నాన్న గారు కూడా ఆ దేశసరిహద్దురక్షకబలగంలో భాగమే, మళ్ళీ ఏ తార గారో విసుర్లు విసురుతారు, J&K లో అంతర్గత పోలీసుల గురించి)
ఉగ్రవాదులని పట్టుబడెడి వాళ్ళలో చాలా మంది అమాయకులే, కానీ ఆ నిజం తెలిసే సమయానికి, వాళ్ళు పోలీసుల చేతుల్లో బలవుతున్నారు లేదా నిజంగా ఉగ్రవాదులౌతున్నారు.
సెక్యులర్ గా వ్యవహరించాలంటూ మన ప్రభుత్వాలు చాలా తప్పిదాలే చేస్తున్నాయి. మత గురువుల, మత పెద్దల , కుహనా మేధావుల చొరవతో మళ్ళీ కాశ్మీరాన్ని రక్తపు మడుగు చెయ్యాలన్నది దుష్టశతృవుల దూర దృష్టి. మరి దానికి తందానా అంటూ ఆ దూరదృష్టిని కాస్తా దగ్గరిదృష్టి చేస్తుంది మన ప్రభుత్వం.
వెనువెంటనే మన ప్రధానమంత్రి తన ప్రభుత్వం చేసిన తప్పిదాలను ఒప్పుకొని వాటిని సరిదిద్దుకోవాలి. అమాయకుల చావులకు పరిహారం ఇవ్వాలి. మరియు పై చెప్పబడిన విధంగా ౩౭౦ రద్దుకై నడుం బిగించి పరిశ్రమలను నెలకొల్పి నిరుద్యోగ సమస్యకు పరిష్కారం చూపాలి. జీవనాధారం ఉన్నంత వరకూ ఎవరూ పక్క దార్లు పట్టరు. తద్వారా మెల్లిమెల్లిగా సమస్య తీరిపోతుంది.
మీకు తెలుసో లేదో, ఒక కాశ్మీరి మరో కాశ్మీరితో ఫోన్లో మాట్లాడాలంటే రాష్ట్రం బయటకు వచ్చి మాట్లాడాలి, ఇంకమింగ్ ఉంటుంది కానీ ఔట్గోఇంగ్ ఉండదన్నమాట. ఇదా మన దేశంలో ఉన్న స్వాతంత్ర్యం, మనకొక న్యాయం వారికొక న్యాయమా?

(NDTV 24X7 లో బర్ఖా దత్ గారి కథనం విన్నాక అక్కడి పరిస్థితి తెలిసి నా మనస్సుకి ఎంతో బాధ కలిగింది, ఆ కార్యక్రమం యొక్క సారం, పైన ఇచ్చిన టపా. మీమీ దృష్టిలో ఈ సమస్యకు పరిష్కార మార్గాలు ఏంటో కామెంట్లుగా రాయండి)

గ్నూ/లినక్స్ పరిచయం

2010-09-21T00:50:00.000-07:00

గ్నూ/ లినక్స్ గురించి :-(ఇందులో చాలా సాంకేతిక పదాలను తెలుగులోనే వాడాను వాటిని కింద వాటి మూల పదాలతో సహా జాబితా ఒకటి కింద ఇచ్చాను ఏమైనా మార్పులు ఉంటే దయచేసి కామెంట్ గా ఇవ్వండి)

మనం ప్రస్తుతం విస్తృతంగా వాడుతున్న సంగణక యంత్రం గురించి చాలా తక్కువ తెలుసు మనకి.
ఈ యంత్రం కనిపెట్ట బడిన తొలినాళ్ళలో దీని ఆకారం చాలా పెద్దదిగా ఉండెడిది. ఎంత పెద్దది అంటే ఒక మొత్తం గదిని నింపేంత.
ఈ సంగణక యంత్రం లో మనకు బాహ్యంగా కనిపించే కఠినాంత్రం మరియు దానిని సక్రమంగా పని చేయించే కోమలాంత్రమూ ఉంటాయి.
కోమలాంత్రము అనేది మనకు కనబడదు.
అయితే తొలి రోజుల్లో సంగణకాన్ని నడిపే కోమలాంత్రంయొక్క మూలసంజ్ఞావళి బాహ్యంగా ఉండేవి.
కోమలాంత్రాన్ని అందరూ తమకు నచ్చినట్టుగా అనుసంధానం చేస్కునే వారు(మూలసంజ్ఞావళిని మార్పిడి చెయ్యటం ద్వారా).
కానీ 6౦ వ దశకం రాగానే , సార్థవాహకాలు (స్వార్థవాహక???) కొన్ని, కోమలాంత్రం యొక్క మూలసంజ్ఞావళిని వాడుకరికి గోప్యంగా ఉంచటం మొదలెట్టాయి. దీని వల్ల సార్థవాహక సార్తవాహకాలకు బోల్లెడు ప్రయోజనాలు కానీ, ఎటొచ్చీ ఒక వాడుకరి ఆ కోమలాంత్రపు లోలోపల గల మూలసంజ్ఞావళిని పరిశీలించడం, మార్చడం కుదురేవి కావు.
అందువల్ల వాడుకరులు స్వేచ్ఛ కోల్పోయారనమాట.
అయితే ఇది ఒక ఇరవయ్యేళ్ళు అలాగే కొనసాగింది, సార్థవాహకాలు మరీ మితిమీరిపోయి అన్ని కోమలాంత్రాల్ని వాడుకరులకు, నిపుణులకు దూరం చేసాయి.
అయితే 8౦వ దశకం లో రిచార్డ్ మ్యాథ్యూ స్టాల్మాన్ అనే ఒక నిపుణుడు ఈ అరాచకత్వాన్ని ఎదిరిస్తూ
స్వేచ్ఛాపూరితకోమలాంత్ర ఉద్యమాన్ని మొదలెట్టారు.
తద్వారా అప్పట్లో పేరొందిన అత్యంత జనాదరణ పొందిన యూనిక్స్ కు వికల్పముగా కొన్ని కోమలాంత్రాలను తయారు చేసి వాటిని ఉచితంగా వాటి మూలసంజ్ఞావళి తో సహా పంచిపెట్టటం మొదలయింది - ఇది స్వేచ్ఛాపూరితకోమలాంత్రోద్యమానికి తొలి మెట్టు. అలా పుట్టిందేగ్నూ (ఆంగ్ల అక్షరాలైన G-N-U లతో తయరయింది, దాని విస్తార పదం - GNU=GNU Not Unix, ఇది ఒక ముహుర్పదము ఇందులో GNU పదే పదే పునరావృతమౌతుంది).
అలా గ్నూ కై చాలానే కోమలాంత్రాలు తయారు చేయబడ్డాయి, వాటిలో ముఖ్యమైనవి గ్నూ సి కంపైలర్(GCC), గ్నూ డిబగ్గర్(GDB), మొదలగునవి.
ఇక 9౦వ దశకం మొదల్లో లినస్ టొర్వాల్డ్స్ అనే ఒక ఇంజనీరింగ్ విద్యార్థి యూనిక్స్ యొక్క నుంగు ను అనుకరించి లినక్స్ అనే కొత్త నుంగును కనిపెట్టారు.
ఈ నుంగుపై జీ ఎన్ యూ ద్వారా ఉత్పత్తి చేసిన కోమలాంత్రాల్ని పేర్చి తయారైనదే మన గ్నూలినక్స్ నిర్వహణా వ్యవస్థ.
అందుకనే మనం ఈ నిర్వహణావ్యవస్థను గ్నూ/లినక్స్ నిర్వహణా వ్యవస్థ అనాలి. చాలా మంది లినక్స్ అని మాత్రమే సంబోధిస్తారు, ఇది చాలా తప్పు , లినక్స్ అనేది నుంగు మాత్రమే.
ఇక ఆ పై మొదలు ఇది అందరికీ ఉచితంగా అందుబాటులో ఉండటంవలన(మూలశాసనపదాలతో సహా), ఎవరికి నచ్చినట్టూ వారు దీనిని మార్చుకోవచ్చు.
అందువలననే గ్నూ/లినక్స్ కు ఇన్ని రకాల పంపిణీలు ఉన్నాయి. రెడ్ హ్యాట్, ఫెడోరా, మాండ్రివా, ఉబుంటూ, ఓపెన్ సూసీ, డెబియన్, అచ్చంగా మన తెలుగులో తయారైన పంపిణీ-స్వేచ్ఛ. మున్నగువి ఇంకా చాలా చాలా ఉన్నయి.
ఈఎక్స్టీ-2, ఈక్ష్టీ-3 మరియు ఈ ఎక్స్టీ-4 అను విశిష్టమైన దస్త్ర వ్యవస్థ ను వాడటం వల్ల గ్నూ/లినక్స్ వాడుకర్లకు అసలు చాలా ఉపయోగాలున్నాయి.
ఇంకా ఇదే కాకుండా గ్నూ/లినక్స్ వాడుకర్లు, వారిలోనిపుణులు, కలిసి ఈ గ్నూ/లినక్స్ వ్యవస్థ కోసం చాలా కోమలాంత్రాలను రాసారు, రాస్తున్నారు, రాస్తారు కూడా.
మూలసంజ్ఞావళి (ఉచితంగా) అందుబాటులో ఉన్నందున స్థానికీకరణ కూడా చాలా సులువైంది.
తెలుగులోనే పూర్తి స్థాయి నిర్వహణా వ్యవస్థలు ఉన్నాయి.
ఉదాహరణకు: స్వేచ్ఛ, ఉబుంటు-తెలుగు, డెబియన్-తెలుగు మున్నగునవి.
మీరూ మీ వంతు సహాయాన్నీ అందిచవచ్చు. లాంచ్ప్యాడ్ వంటి ప్రదేశాలలో మీరు ఏ కార్యక్రమించడం తెలియకపోయినా స్థానికీకరణకు సహాయం చెయ్యొచ్చు, తద్వారా చాలా మేలు చేసిన వారవుతారు మన భాషకు.
అయితే ఈ టపా లో అర్జున్ గారు చెప్పినట్టు ఇంకా చాలా చెయ్యవలిసి ఉంది నిపుణులు, వాడుకర్లు ముందుకు వచ్చి మీ ప్రోత్సాహాన్ని అందిస్తే చాలా చెయ్యవచ్చు మనం.

'తెలుగుదేలయన్న దేశంబు తెలుగు, ఏను తెలుగువల్లభుండ, తెలుగొకండ, ఎల్లనృపులు గొలువ ఎరుగవే బాసాడి దేశభాషలందు తెలుగు లెస్స'

list of tech jargons in telugu:

సంగణక యంత్రం : Computer
కఠినాంత్రం : hardware
కోమలాంత్రము: Software
మూలసంజ్ఞావళి : source code
శాసనపదం : command
సార్థవాహకాలు (స్వార్థవాహక????): company
వాడుకరి : user
నిపుణుడు : developer
స్వేచ్ఛాపూరితకోమలాంత్ర ఉద్యమాన్ని : Free Software Movement
నుంగు : kernel
నిర్వహణా వ్యవస్థ : Operating System
పంపిణీ(used as a noun here) : Distro (Distribution)
దస్త్ర వ్యవస్థ : file సిస్టం
కార్యక్రమించడం : programming

ఎక్కడ్నించీ ఎక్కడికి వచ్చాను..... అమ్మ బాబోయ్!!!

2010-09-20T13:09:00.001-07:00

అసలు నేనీ బ్లాగు రాయటం మొదలెట్టింది, సంగణకం గురించి రాద్దాం అని.
ఎందుకంటే నా పని అస్తమానం ఆ పెట్టె ముందే గడుస్తుంది.
కార్యాలయం లో ఒక బల్లపై పడి ఉండే ఒక సంగణకం తో దాదాపు ఒక పది గంటలు గడిపాక, నా గదికి రాంగానే నా సొంత సంగణకం న వళ్ళో వాలిపోతోంది.
అందువల్ల నాకూ ఈ సంగణకానికి అవినాభావ సంబంధమనమాట.
అయితే మా కార్యాలయంలో పని లేక(తాత్కాలికంగానే), ఈ బ్లాగుల చిట్టా విప్పను. కానీ ఇది నన్ను ఇక్కడ వరకూ తెస్తుందనుకోలేదు.
ఏదో చాలామంది సంగణకాన్ని వాడతన్నారు కదా వారికి సహాయం గా ఉంటుందని మొదలెట్టాను, కానీ కొన్ని బ్లాగులు చదివాక, మనుషుల అభిరుచులు తెలిసీ, వాటిలో కొన్ని నాకు నచ్చక, మరి కొన్ని వారి అపోహలు అని తెలిసి, వాటిని సరిదిద్దటానికి నా బ్లాగుని ఒక పనిముట్టు లా వాడాలని అనిపించింది, ఏదో ఆవేశంలో చెడా-మడా రాసేసాను.
కానీ ఇప్పుడు అనిపిస్తోంది, రేపు మా అమ్మో, నాన్నో, ఈ బ్లాగులని చూస్తే ఏముంది, అమ్మో తలుచుకుంటేనే భయమేస్తోంది.
వారు నన్ను ఉద్యోగానికి పంపిస్తే నేను ఈ సంగణకంలో అన్ని చెత్తలూ రాస్తున్నాను అనుకోరు(తల్లిదండ్రులకు మనమేది చేసిన మన ముందు చెత్త, ఇతరుల ముందు బంగారం).
అందుకని స్ట్రిక్ట్ గా చెప్తున్నా నా బ్లాగుకి వచ్చేవాళ్ళు ఎలాంటి విషయాలు వారికి చదవాలనుందో, ఈ కింద కామేంట్లుగా రాస్తే, ఆ ప్రకారంగా రాస్తాను. నా బ్లాగుల్ని చదివి చదువర్లకి సత్య అన్వేషణ శమనం అవ్వాలే గానీ కొత్తగా సత్య అన్వేషణ పుట్టకూడదు.
అయితే నా అభిమాన సినిమా , న్చ్చిన పాటల్నించి తెచ్చి రాజకీయాల్లోకి లాగేసారు తోటి బ్లాగర్లు, వారి బ్లాగుల్లో ఉన్న విషయవస్తువు పైన నాకు తెలిసిన అవగాహనను నేను బయట పెట్టడం మొదలెట్టాను, అందువల్ల నా సృజనాతమకత ను నేను కోల్పోతున్నాను.
అందుకని రెండు నిర్ణయాలు:

ఇతర బ్లాగులు , ముఖ్యంగా రాజకీయంతో నిందున్నవీ, విమర్శలకు తావిచ్చే వాటికి నేను దూరంగా ఉండాలనుకుంటున్నాను , మరి మళ్ళీ అలాంటివి చదివితే కథ మొదటికివస్తుంది.
నా చదువర్లు, ఏ టాపిక్ మీద కోరుకుంటే ఆ టాపిక్ పై రాయాలని

ఇక పోతే సంగణకంలో అందరూ చాలా వరకూ కిటికీలు(విండోస్-మైక్రోసాఫ్ట్) వాడతారు.
కానీ అందువల్ల వారి సంగణకంలో క్రిములు-కీటకాలూ, బ్యాక్టీరియా-వైరస్ లు చేరుతాయి.
సో మంచిదేమిటంటే ఒక లినక్స్ మషీన్ ని బిల్డ్ చేస్కోవడం.
ఇది చాలా సులువు, పుణె లో ఉండే తెలుగు వారికి నేను వారి ఇంటి వద్దనే పూర్తిగా సంస్థాపన చేస్తాను కూడా(ఆందుకు ఋసుం ఏమీ అవసరం లేదులేండి), హైదరాబద్ వచ్చాక అక్కడ కూడ, ఈ "సదా మీ సేవలో" కార్యక్రమం మొదలెడతాను. ప్రస్తుతానికి నా మకాం పుణె కాబట్టి పుణె లో ఉండే తెలుగు వారు నన్ను సంప్రదించవచ్చు.
ఆండ్ రాబోయే టపాలు పూర్తిగా టెక్నికల్ గా ఉండొచ్చు, కొన్ని రోజుల వరకూ.

కుహనా మేధావుల తంత్రాలు

2010-09-20T06:58:00.000-07:00

నేను ఇవాళ బ్లాగులు తిరగేస్తుండగా
ఒక బ్లాగు నన్ను ఎంతగానో ప్రభావితం చేసింది
అది ఇక్కడ చూడండి
ఒక మొహమ్మదీయుడిగా నేను కొన్ని విషయాలు చెప్తాను గమనించండి ఆ పై మీ విమర్శలు విసరండి.
ఈ లింక్ లో చెప్పబడిన ప్రకారం, మరియు ఇక్కడ
ప్రపంచంలో ఉన్న ఏ మొహమ్మదీయుడు ప్రస్తుతం బాబ్రీ మసీదు ను కూల్చివేసిన ఆ ప్రదేశాన్ని నమాజ్ కు వాడరాదు.
ఎంచేతనంటే అదే ప్రదేశంలో ఒక వేళ రామాలయం అంతకు ముందు వుండిన అది హరాం అవుతుంది.
హజ్ చేసే సమయాల్లో కొన్ని ప్రదేశాల్లో నమాజ్ చదవడం నిషిద్ధంగా చెప్పబడి ఉంది, ఎందుకని అంటే ఆయా ప్రదేశాల్లో మా ప్రవక్త ముహమ్మద్(సల్లల్లాహు అలైహివసల్లం) గారి కంటే ముందు రోజుల్లో మూర్తి పూజ చేయబడేది. ఇతర కారణాల వల్ల కూడా కొన్ని ప్రదేశాల్లో నమాజ్ నిషిద్ధం, ఉదాహరణకు: ఇతర మతాలకు సంబంధించిన వస్తువుల ఉన్న ప్రదేశం గానీ, రుద్రభూమి(స్మశానం), బలులు, పూజలు ఇతరత్రా తంత్రాలు చేసిన ప్రదేశాల్లో, అశుద్ధ ప్రదేశాల్లో.
మరి బాబర్ సమయంలో పూర్తిగా అప్పటి హిందూ వ్యవస్థను సమూలంగా నాశనం చేయడానికో లేక మరే కారణం చేతనో బాబ్రీ మసీదు కట్టబడింది, సరే, అది వేరే విషయం అప్పట్లో కాళ్ళకు పాదరక్షలు కూడా తీయకుండా నమాజు చదివేవారు, మద్యం మత్తులో నమాజు చదివేవారు కొందరు, అస్సలు నమాజు చదవని వారు కొందరు. అది పక్కన పెడితే మాకు అన్నింటికన్నా మించిన ప్రామాణిక గ్రంథమయిన ఖురాన్ ప్రకారమే చూద్దాం : ఆజ్ఞ ప్రకారం యూదులు, క్రైస్తవుల ధార్మిక ప్రదేశాలకు వెళ్ళటం కూడా తప్పుగా చూపబడింది.
మరి బాబ్రీ మసీదు కట్టక ముందు అక్కడ దేవాలయం ఉందని ఋజువు చేస్తే ఆ ప్రదేశం లో నమాజు చదవటానికి మాత్రం "ఖురాన్ ను నమ్మే ఏ ముస్లిం" కూడా ఒప్పుకోడు. దాన్ని అత్యంత హేయమైన చర్యగా భావిస్తాడు.
కానీ ఎంత మంది ముహమ్మదీయులు నేడు ఖురాన్ ను అనుసరిస్తున్నారు?
ఎంత మంది నమాజ్ చదువుతున్నారు?
అక్కడ రామ మందిరం కట్టాలా వద్దా అన్నది ప్రతి భారతీయుడికీ తెలుసు.
కానీ అక్కడ మసీదు కట్టడం నిషిద్ధం అని ఎంత మంది కి తెలుసు?
ఇంత రాద్ధాంతం చేస్తున్న నాయాకులు, సొంత రాజకీయాల కోసమే ముస్లిమ్ లను ప్రేరేపిస్తున్నారు.
ఇందులో మతగురువులను కూడా భాగస్వాములుగా చేస్కున్నారు.
నేను రేపు ప్రళయకాల దినాన ఆ అల్లాహ్ కు ఏం సమాధానం చెప్పాలి, నా పక్కింటివాళ్ళ క్షేమంకూడా అల్లాహ్ నా కర్తవ్యంగా చేసి ఉన్నాడు.
అటువంటి తరుణంలో ఇటువంటి కుళ్ళు రాజకీయాలకు నేను బలవ్వను. అల్లహ్ ఏది అనుకుంటాడో అదే జరుగుగాక.
అల్లహు అక్బర్ అల్లాహు అలా కుల్లిషైయిన్ ఖదీర్
(అల్లహ్ అందరికన్నా గొప్పవాడు, అల్లాహ్ సర్వసమర్థుడు)

ఎంతో మహిమ కలిగినది నమాజ్, సలాత్(నమాజ్) చదవే ప్రదేశం అత్యంత పవిత్రమైనదిగా ఉండాలి. ఇంత మారణ కాండ, విధ్వంసం, వివాదంతో కూడుకుని ఉన్న ప్రదేశం ఎప్పటికి అల్లహ్ కు నివాసమైన మసీదు కాలేదు.

మరో ఆ పాత మధురం

2010-09-19T10:51:00.000-07:00

ఈ చిత్రం ఇవ్వాళే చూసాను
ఆ చిత్ర విశేషమేమంటే, ఇందులో రావణుడిగా NTR నటించారు. మరి ANR గారు నారదుడిగా నటించారు.
మా రాకేశ్వర గారికి నచ్చే సినిమా అనుకుంటున్నాను.....
ఇదే ౧౯౫౮ లో శంకర్ గారు మరియు సముద్రాల గారు తీసిన భూకైలాస్ అనే చిత్రం
మండోదరిగా నటించిన జమున గారి పాత్రను చూసాక నేను ఆమెకు విసినికర్ర అయిపోయాను
ఇక ఈ చిత్రం లోని పాటలంటే నాకు ఎంతో ఇష్టం.
కోంట్రాస్టింగ్ గా ఇందులో శైవ-వైష్ణవ పాటల జుగల్బందీ
అలాగే శృంగార-భక్తి రసాల జుగల్బందీ అలరిస్తాయి

మీ కోసం ఆ పాటల కొసమెరుపులు

ఈ పాటలో గమనించారా మొదటగా రావణుడు చేసే మంత్ర జపం ఊర్వశి పాటకు అనుగుణంగా ఉంటుంది అంటే మన తొలకరి భక్తి కూడా అలాగే మన చుట్టుపక్కల పరిసరాలతో మమేకమై మొదలవుతుంది, తర్వాత్తర్వాత ఒకానొక సందర్భంలో మన పరిసరాలు కూడా మనల్నే అనుసరిస్తాయి
ఊర్వశి మంత్ర జపం లా
అయితే మనం తెలుస్క్వలసిన విషయం - మన నిష్ఠను వదలకుండా ఏకాగ్రతతో ఉండటం

సరే మరో పాట
దేవదేవధవళాచల మందిర గంగాధరా హర నమోనమో....
నేను చెప్పిన కాంట్రాస్టింగ్ సాంగ్ ఇదే

సరి అదా ఇదా ఇందులో అన్నీ పాటలూ అంతే హైలైట్
మున్నీత పవళించు అన్న పాటైతే నా ఆల్టైం ఫేవరెట్
అసలు మళ్ళీ ఘంటసాల లాంటి వారు మన తెలుగు జాతిలో పుడతారా????
నాకా అదృష్టం ఉందా!!!!

ఇహ నా వల్ల అస్సలు కాదండీ.....

2010-09-19T01:26:00.000-07:00

రోజూ ఏదో విధంగా కనీసం ఒక వంద సార్లైనా "ఆంధ్రోల్లు" అది చేసారు "ఆంధ్రోల్లు" ఇది చేసారు అంటూ
తెవాదుల దురాగతానికి అంతే లేకుండా పోతోంది.
అడిగేవారు లేకే ఈ సమస్యలన్నీ
నా విషయానికి వస్తే నా రాష్ట్రం ఆంధ్ర ప్రదేశ్.
మా నాన్నది హైదరాబద్ లోని ముషీరాబాద్, మా అమ్మది విజయవాడ,
నా బాల్యం ఢిల్లీ లో ఓ రెండేళ్ళు, మరో రెండేళ్ళు బెజవాడ లో, ఆ పై హైదరాబాద్ లోనే నా విద్య

ఇంజనీరింగ్ పులివెందులలో చదువుకున్నాను. నేను ఏ నాడు ఇది రాయలసీమ, ఇది తెలంగాణ అనే వ్యత్యాసం గమనించలేదు
బెజవాడలో ఒక ఎమ్.ఎల్.ఏ తన నియోజకవర్గాన్ని గనక అభివృద్ధి పరచకపోతే అతడు మళ్ళీ ఎలక్షన్స్ గెలవడు,
కానీ తెలంగాణా ప్రాంతంలో ఇది జరుగుతుందా, కుల-మత పరమైన రాజకీయాల్లోకి మన దేశాన్ని లాగుతున్న వారిని చూసి అసహ్యించుకోకుండా పైగా వారికి వత్తసు పలుకుతారు మన వాళ్ళు.
గమనించండి - చిరంజీవి ఒక్కసారికూడా ఆయా నియోజకవర్గాల అభివృద్ధి, తను చేయ బోయే కొత్త అంశాలను చూపలేక పోయాడు కాబట్టే పాలకొల్లులో గెలవలేక పోయాడు. అదే ఏ కేసీయార్ అయితే ఏమి ఎమ్ పీ స్థాయిలో, ఒక కేంద్ర క్యాబినెట్ మంత్రి హోదాలో సంపాదించిందేంటి - సోనియా వద్ద అతి నీచమైన మంత్రిగా మార్కులు, తన నియోజకవర్గానికి సున్నా,
మరి అయితే అతన్ని మళ్ళీ గెలిపిస్తారా , ఓ యెస్
మరి రేపు తెలంగాణా వస్తేనూ - ఓయస్.
సరే మరి ఈ ఉదంతాలని ప్రజలకు ఓపెన్ మైండ్ తో చూసే టైమ్ ఎలాగో లేదు
మరి మీరు ఇచ్చిన ప్రశ్నావళి కే జవాబులు చూడండి:
(source is : http://www.fullhyderabad.com/discussions/viewtopic.php?t=46057)
1) Catchment area of Krishna Basin
Rayalaseema 18%
Andhra 13%
Telangana 69%

Allocation of Krishna water as per tribunal recommendation=
Rayalaseema 16%
Andhra 49%
Telangana 35%

Actual utilization
Rayalaseema 13%
Andhra 87%
Telangana less than 1%

ఇవి http://irrigation.cgg.gov.in/ లో ఇచ్చిన ఇంఫర్మేషన్ తో అసలు సరిపోతాయా?
ఆ ఒక్క శాతం అయినా ఎందుకు మిగిల్చారూ, అదీ సున్నా చేసెయ్యొచ్చుగా
హైదరాబాద్ కు తాగునీరుగా వదిలే కృష్ణా జలాలే ౨% కి మించి పైమాటే
ఇంకా చెప్పాలంటే మీరు చూపిస్తున్నా గణాంకాలు కృష్ణా యొక్క అందుబాటులో ఉంటూ సేద్యం చేయబడుతున్న పంటలు కృష్ణా నీటిచే సేద్యం చేయబడెడివి కావు - రెండిటికీ చాలా తేడా ఉంది.
చాలా వరకూ మన దేశం లో వర్షాధారితంగానే పంటలు పండిస్తారు
కానీ భౌగోళికంగా తెలంగాణాలోని కొన్ని జిల్లాలు ఎగువ ప్రాంతాల్లో ఉండటం వల్ల అక్కడిటికి కృష్ణను మల్లించడం అసాధ్యం
పైగా తూర్పు కనుమల తర్వాత గల కోండలవల్ల వర్షాభావపరిస్థితి ఉంది, ఇది కృష్ణా జిల్లాకు వర్తిస్తుంది
ఖమ్మం ల్ కొన్ని ప్రాంతాలు గోదావరి పరివాహక ప్రాంతాలైనప్పటికీ, అక్కడ కృషి జరగడం లేదు, అవి లోతట్టైనా సరే.
ఇంకా కృష్ణా లోతట్టు లో గల ప్రదేశాలకందే నీరు కర్ణాటక నుండి వస్తున్నది కాదు, చాలా వరకు అది నల్లమలకొండలలో నుండి వచ్చి కలుస్తున్న నీరు. ఈ విషయాలన్ని కొద్దిపాటి జ్ఞానం ఉంటే చెప్పవచ్చే!
కానీ విడిపోవాలనే ముసుగులో ఇవేమీ కనబడవు.

2) Godavari river catchment area
Telangana 79% (1170 TMC)
Andhra 21% (310 TMC)

Utilization of Godavari waters
Andhra 23% (320 TMC i.e. 110% of allotted)
Telangana 9.6 % (143 TMC)
- 405 TMC is being diverted to Andhra via Polavaram project

ఇక్కడ మళ్ళీ చెప్పాలా?

3) Total loss of water share of Telangana merging with Andhra is 1125 TMC.
With estimation of 1 TMC to serve 10,000 acres, total cultivation land
Telangana lost is 11, 25,000 acres.

ఇదంతా మీకు ఏమనిపిస్తుంది?

4) There are 10 districts in Telangana, 9 in Andhra, 4 in Rayalaseema. Out of
these 7 districts in Telangana, 3 in Andhra and 1 in Rayalaseema are
considered severely backward districts which means 70% of districts in
Telangana are backward while in Andhra - 35% and in Rayalaseema - 25%

అస్సలు బుద్ధి లేని వాళ్ళే ఇలాంటి గణనలను నమ్ముతారు
సమాన విస్తీర్ణం ఉన్నప్పుడే జిల్లాలను లెక్కకట్టాలి,
మండలాల వారీగా చెప్పారా, కాస్త అటూ ఇటుగా ఒప్పుకోవచ్చు
మళ్ళీ అక్కడ చిక్కేంటి అంటే అవి జనాభా లెక్కన ఉంటాయి
మరి భౌగోళికంగా మీరు చూపి లెక్క కట్టండి ఒప్పుకుంటాను
అయినా ఆయా ప్రాంతాల ప్రాంతీయ నాయకుల సమస్యలను ఎందుకు లేవనెత్తుతారు?
అవి ఆయా ప్రాంతాల నాయకుల సమస్య, తమ నియోజకవర్గంలో అభివృద్ధి చెయ్యక పోవటం వారి అసమర్థత
దానికి వేరే ప్రాంతం వారి మీద పడటం ఎంత అనాలోచితం?

5) 65% of Industries in Telangana are owned by Andhra. One Telangana
person (close relative of Sri Jaipal Reddy) tried to start industry in west
Godavari, he was harassed and tormented so much that he gave it up half
way through.
ఇక్కడ హైదరాబాద్ ను ఎందుకు కలుపుతారు?
ఆ రోజుల్లో తమ కేసీయార్ గారే దీన్ని ఎండగట్టారు
అప్పుడు అడ్డుకుంది తెలుగుదేశం వారే

6) All Telangana region CM's combined tenure is hardly 6 years.
అది మీరు ఇప్పుడు వత్తాసు పలుకుతున్నా వారి మహిమే
డబ్బుకి లొంగారు
దానికి ఆంధ్ర వాళ్ళు ఏం చేసారు?

మిగతా ప్రశ్నలు కూడా చర్చించేంత బుద్ధి తక్కువ పని నేను చెయ్యలేను
నేను మూడు ప్రాంతాలను చూసాను, ఇక్కడ బాగా అభివృద్ధి ఉంది అక్కడ అస్సలు లేదు అండానికి నాకు అయితే ఏ ఆధారం దొరకలేదు
అసమానతలు అన్ని చోట్లా ఉన్నాయి కానీ వాటిని కొన్ని ప్రాంతాల వారే వారంతటవారు పరిష్కరించుకుంటున్నారు, మిగతా ప్రాంతాల వారు వేరే వారిపై పడుతున్నారు.

తెలంగాణా కట్టు-బొట్టును సినిమాల్లో విమర్శించారట మరి మా ఆచారలని ప్రతీ సినిమా లోనూ హేళన చేస్తారు.
ఏ చిత్రం లోనూ ప్రత్యక్షంగా తెలంగాణా వారిని కించపరచలేదు, కానీ చాలా చిత్రాల్లో, బ్రాహ్మణుల కట్టుబాట్లను హేళన చేశారు, కొన్ని చిత్రాల్లో క్రైస్తవులను అజ్ఞానులుగా చూపారు. ప్రతీ సినిమాలో పనిమనుషులు తూర్పు గోదావరి వారే ఎక్కువగా ఉంటారు, అన్నంత మాత్రాన ఆయా ప్రాంతాల వారిని కించపరచినట్టా?
సినిమా అన్నది సినిమా వరకే ఉండాలి.
విలన్ల భాష తెలంగాణా యాసగా ఎక్కువగా చూపుతారంటే, అది కథపై ఆధారపడి ఉంటుంది, చాలా సినిమాల విలన్లు తెలంగాణా వారవటం ఆంధ్రా వాళ్ళు చేసిన తప్పా,
మరి పెద్దాపురం, మంగళగిరి, చిలకలూరిపేటల సంగతో, అది మాత్రం కనిపించదు.
కడప అనగానే బాంబులు అంట, కర్నూల్ అనగానే కత్తులు అట
సినిమాలు నిజ జీవితానికి ప్రతిబింబాలు కాదు అని తెలిసి కూడా సినిమాల ద్వారా ప్రజల మనసుల్లో విషం నింపుతున్నారు మన తెవాదులు.
లాయర్లకి ౪౨% రిజర్వేషన్ అట, మరి హైదరబాద్ లో ౫౦% కంటే ఎక్కువ ఉన్నమని మొహమ్మదీయులు రేపు ఓయూ లో సీట్లు అడిగితే , కేసీయార్ ఏం చేస్తారో.

ఆఖరుగా నేను చెప్పేది ఒకటే
తెలంగాణా వచ్చినా రాకపోయినా ఏమీ తేడా ఉండదు, అలాంటప్పుడు కలిసి ఉంటే ఎక్కువ లాభాలంటే విడిపోవటం ఎందుకు?

ఆలోచించండి

అడియెన్ రామానుజ దాసన్

2010-09-18T04:47:00.000-07:00

యోనిత్యమచ్యుత పదాంబుజ యుగ్మరుక్మ
వ్యామోహదస్తదితరాణి తృణాయమేనే
అస్మద్గురోర్భగవతోస్య గుణైక సింధో
రామానుజస్య చరణౌ శరణం ప్రపద్యే

అడియెన్ రామానుజదాసన్

      "నేను నా గురువర్యులైన, దయాసాగరులైన, నిత్యమూ ఆ అచ్యుతుడైన శ్రీహరి పాదములతో
అత్యంత సాన్నిధ్యం కలిగియున్న , భగవద్రామానుజుల పాదములయందు ప్రపత్తి కోరుతున్నాను!
లోకంలో మిగతావన్నియూ కూడా నాకు గడ్డితో సమానం"

ఇక ఈ టపా పూర్తిగా మా ఆరాధ్యగురువులు భగవద్రామానుజుల వారికి అంకితం
రామానుజుల వారి జీవితం నన్ను ఎంతగానో ప్రభావితం చేసింది. ౧౨౦(నూట ఇరువది )సంవత్సరముల సుదీర్ఘ జీవితకాలంపాటూ ఆ శ్రీ హరిని పూజిస్తూ, మన దేశంలో అప్పటికే భ్రష్టు పట్టిన సమాజ కులవ్యవస్థ, తద్వారా పుట్టుకొచ్చిన దీనజనులను ఆదుకొనేందుకే ఆయన ఆ నాడు అవతరించారు.
ఆయన శ్రీహరి యొక్క విశేష భక్తుడు అయిన ఆదిశేశుని యొక్క అవతారంగా , అంశగా ఇప్పటికీ ప్రతి వైష్ణవాలయంలో పూజలు అందుకుంటున్నారు.
ఆయనపై మన ఆంధ్రపదకవితాపితామహుడు రచించిన పాట(అన్నట్టు అన్నమయ్య కూడా మా వాడే, ఆయనా పంచసంస్కారాలు చేయించుకున్నవాడే)

గతులన్ని ఖిలమైన కలియుగమందును | గతి ఈతడే చూపె ఘన గురుదైవము ||
ఈతని కరుణనేకా ఇలవైష్ణవుల మైతి | మీతని వల్లనే కంటి మీ తిరుమణి |
ఈతడే ఉపదేశమిచ్చెను అష్టాక్షరి మంత్రము | ఈతడే రామానుజులు ఇహపర దైవము ||
వెలయించె నీతడేకా వేదపు రహస్యములు | చలిమి నీతడే చూపె శరణాగతి |
నిలిపినాడీతడే కా నిజముద్రా ధారణము | మలసి రామానుజులు మాటలాడే దైవము ||
నియమములు ఈతడేకా నిలిపె ప్రపన్నులకు | దయతో మోక్షము చూపె తగనీతడు |
నయమై శ్రీవేంకటేశు నగమెక్కె వాకిటను | దయచూచి మమ్మునిట్టే తల్లిదండ్రి ||

మంగళాశాసనపరైః మదాచార్యపురోగమైః।
సర్వైశ్చ పూర్వైరాచర్యైః సత్కృతాయాస్తు మంగళం॥