ఉత్తిష్ఠ శంభో తవ సుప్రభాతం

స్నాత్వా జలే శీతలితాంతరంగాః
స్పృష్ట్వా చ పుష్పాణి సువాసితాంగాః 
వీజంతి ప్రభాత మరుత్తరంగాః 
ఉత్తిష్ఠ శంభో తవ సుప్రభాతం

 

నందీశ్వరాంభా నినదం మనోజ్ఞం
వర్షాబ్దగర్జామివ మన్యమానః
కేకీ కుమారస్య కరోతి నృత్యం
ఉత్తిష్ఠ శంభో తవ సుప్రభాతం

 

లోకైకబంధుం ప్రసవిశ్యతీతి
ప్రాచీన్ సమర్చ్యాంజలిబద్ధహస్తైః
స్తోతుం భవంతం మునయః ప్రవృత్తాః
ఉత్తిష్ఠ శంభో తవ సుప్రభాతం  

 

బ్రహ్మాది దేవోదిత వేదమంత్రైః
దిగ్పాల భూషా మణినాం నినాదైః
కోలాహలో ద్వారి చ సంప్రభూతః
ఉత్తిష్ఠ శంభో తవ సుప్రభాతం

 

ఆభాతి శైలోపరి లంబమానా 
మేఘాళిరేశా గజచర్మనీలా 
నీతేవ షాటీ హరిణత్వదర్థం 
ఉత్తిష్ఠ శంభో తవ సుప్రభాతం

 

ప్రాచ్యా సమంతాత్ ప్రవికీర్యమాణైః
లిప్తోద్య లోకః శితకాంతిపుంజైః
ధత్తే త్వదీయాం రుచిరాంగశోభాం
ఉత్తిష్ఠ శంభో తవ సుప్రభాతం